نور الاوسم

النور الثالث.

في داخلي مئةُ فرحةٍ،
و ألفُ حزنٍ،
و ما لا يُحصَى من الآمالِ
و الحسرات،
و ركنٌ صغيرٌ فارغٌ
أختبئُ فيهِ منكم جميعاً.
.............................

نور الاوسم
بقلمي :تمارا الطائي 🤍.
@tamara_altai.15
#عمري لتنسون التصويت 🧡

                   ⚜️⚜️⚜️⚜️⚜️⚜️⚜️⚜️⚜️

الانسان مو معصوم من الغلط اختي صح غلطت وغلطها جان جبير مافكرت باهلي وبسمعتهم ومافكرت بنفسها شنو راح يصير وياها اذا عرفو لكن السبب مو فقط عليها الجزء الاكبر من هل الغلط هو صديقتها لعبت بعقلها وضحكت عليها لان كلام صديقتها جان بالنسبه الها كأنما سجين واطلقوا عليه الحريه بعد السجن العايشه بي هي بس مو من المعقول يطلقون عليها هذا الحكم القاسي حكم ضالم جدا خلاني اخسر نصفي الثاني واعيش ثمن خطأ غيري.

اليوم راح تصير الكعدة بين العشيرتين وبيها يتحدد مصير نمارق وايضا بيها راح يتوقف الكلام على اختي وكلام بحق امي لان من صارت الحادثه لهذا اليوم نسوان عمامي مافكو ياخه عنه يحجون عليها ويعيرون بيها وبتربيتها .

ويكلولها نايمه ورجلج بالشمس متدرين بنتج شمسويه من وراج وهسه الله اليعلم شيطلع من الصغيرة بعد .

امي كانت تسمع ومتجاوب اي وحدة بيهن لان هي مو بحال حتى ترد عليهن وامي من النوع الفقيرة متحب المشاكل .

بعد طول انتظار....

دخل ابويا وكان جدا عصبي وعمامي ولدهم كلهم وراه دخل على الغرفه الموجودة بيها نمارق وطلعها ابويا وكان يجر بيها من شعرها ويسحل بيها

وهي تبجي وتصيح رحت عليها اركض حضنتها وابجي بصوت عالي كأنما عرفت شراح يسوون بيها ومراح اشوفها بعد ضمتني لصدرها بكل قوتها

كأنما تكلي ساعديني احميني منهم اني اختج الوحيدة بجيت اكثر واني اشوف اختي هيج بعدني ابويا منها وطحت على الكاع وصار يسحل بيها وهي تبجي وتصيح على ابويا

نمارق :يابا ابوس ايدك سامحني غلطت سامحني لتقتلوني اني بنتك يابا بنتك احبسوني بس لتقتلوني ابوس رجلك يابااااااااا.

حجت اخر كلمه بصوت عالي جانت تباوع على عمامي وتستنجد بيهم حتى ميقتلها ابويا لكن محد حجه منهم او سوة شي باوعت امي الجانت تدك وتلطم على راسها وتتوسل بابويا حتى يعوفها وهي تشوف بنتها بهذا حالها ومتكدر تسوي شي وبنضراتها الاخيرة استقرت عليه باوعتلي بنضرات دخلت نغزاتها داخل اعماق قلبي

كأنما تكلي اني احبج حتى لو مجنه وحدة قريبه من الخ اني احبج لان انتي اختي الوحيدها الماعندي غيرها
ديري بالج على نفسج ومن الوحوش الراح تواجهيها بحياتج .

صرخت بصوت واني اشوف ابويا اخذها وطلع من البيت حتى يقتلها ركضت للباب اريد اطلع حتى اشوفها اشبع منها اشمها احضنها بعدني ماشبعت منها .