نور الاوسم

النور الرابع .

فترة مُؤلمة جدًا وقاسية
لا اعلم ما سبب تلِك الضيقة
التي تأتيني دومًا
والحُزن الذي سكن روحي
لكنّي اشعُر بألم قلبِي
وعقلي يتكرر كُل يوم.
..............................

#نور_ الاوسم
بقلمي:تمارا الطائي🤍.
عمري_لتنسون التصويت
.................................

بعد كلشي صار وبعد وفاه امي توقعت ابويه راح يكون سند الي ويوكف بوجه كل شخص يحجي عليه او على اختي وحتى على امي بس شنو صار اول شخص دار ضهرة الي هو ابويه .

يزوجني غصب عني بحجه اخاف عليج وابن عمج اقربلج من الغريب.

بعد كلامي ويه قائد اتوقعت منه يريح كلبي ويجاوبني بجواب يرجع الامل بداخلي لو شويه بس جان ردة الي خلاني مصدومه...

بعد ماانتهيت من كلامي واني اباوع عليه بنضرات تحن كلبه عليه لو شويه هو ماسوة اي شي مجرد ماخلصت كلامي باوعلي بنضرات باردة ودار ضهرة وعافني وراح.

ولا كأنما حاجيت ويا شي كعدت بالكاع وصرت ابجي على حالي محد منهم يحن كلبه عليه ويكول هاي شنو ذنبها تتعاقب على غلط مو غلطها.

اجت عمتي علينه من سمعت الكل موافق على هذا الزواج حجت ويايه من شافتني هيج مو قابله على هذا الزواج وكالت

نسرين: بنيتي اني من حجيت ويه ابوج بموضوع زواجج اني من حرصي وخوفي عليج.

جاوبتها واني عيني تغرغر بالدموع

سرور: عمه بس اني ماريد اتزوج وشلون ازوج وامي مصارلها اهوايه من توفت وحتى نمارق بعده مانشف ترابها.

نسرين: سرور اني حاسبتج مثل بنتي واكلج هيج واذا على مود وفاه امج احنه مراح نسويلج عرس ولا هوسه وانتي هم راح تبقين بنفس البيت من تزوجين احسلج من الغريب هذا ابن عمج وراح يسندج ويوكف وياج وهم راح تبقين كبال عينه.

سرور: عمه لو تحسبيني مثل بنتج متجبروني على شي اني ماريدة واذا خايفين عليه ارجع اكرر غلط اختي فانتو غلطانين لان اني اعرف مصير البنيه الي تحب بعائلتنا واعرف شنو راح يصير وياها والدليل الصار ويه نمارق.

سكتت من شافت جوابي الها .

قررو بنهايه الاسبوع راح يتم العقد اني بعد مافقدت اخر ذرة امل عندي تقبلت الواقع ومكان باليد حيله غير اوافق على هذا الزواج غصب عني.

فكرت بكلام عمتي ودعيت قائد يصير الي سند ويوكف ويايه بس مجنت مخيله يطلع كل هذا الشي من اقرب الناس الي.

بعد اسبوع عقدنه سيد ومحكمه كلشي صار بلمح البصر
واني جنت مثل الدميه اليحركوها ويكلولها سوي هيج ولتسوين هيج.

باليله العقد جانو الموجودين بس اهل البيت الي همه نسوان عمامي وعمتي اجتي حتى تحضر العقد باوعت على مرت عمي الي هي ام قائد جانت تباوعلي بحقد وتخوزر عليه مبينه من نضراتها مراضيه على هذا الشي.