نور الاوسم

النور الاخير ❤️.

#نور الاوسم 🕊

#الكاتبه:تمارا الطائي 🤍.

#عمري لتنسون التصويت +التعليق بين الفقرات 💗
__________________________________
‏عيّناك وطنَي
وأنني انتمي الى هذا الوطٌن♥️
_____________________________

بعد كلامي ويه اوسم حسيت نفسيتي شويه ارتاحيت من بعدها صار حييل يهتم بيه وحنين عليه صار يوميه او بين يوم ويوم يخليني اكعد واحجيله من شنو اعاني وشنو احس وشنو الشي الصعب الحسيت والمريت بي ..

وهو مثل كل مرة يلمني بحضنه واني ابجي لحد ما اتعب وانام لو يواسيني بكلامه الي احسه جاي يشفي جروحي وينسيني حتى مرات من جنت احجيله جنت اشوف عيونه مليانه دموع ويكلي

اوسم: شكد متحمله وانتي بهذا عمرج لو احد غيرج ماعاش ولا راح يتحمل.

دائما يقويني بكلامه وياخذني بحنيته جنت احس نفسي عايشه بعالم ثاني وياه جنت كلما احس نفسي اريد ابجي او اذكر شي مباشرتا اتصل عليه هو يضل يواسيني ويشاقه ويايه او يحجي عن شغله يحاول ينسيني باي طريقه المهم مااتذكر او ابجي..

صار يعرفني وصرت احسه حفضني بحيث من اتصل عليه هو يفتهم اني على مود شنو اتصل او شنو جاي احس لذلك مجان يكلي على شنو اتصلتي او شنو سبب اتصالج بالعكس جان كلش مهتم بيه ولاصغر تفاصيل.

جنت ارتاح كلش اهوايه من احجي وياه واحس نفسيتي صارت احسن من قبل جان من يروح للشغل جنت انتضرة دقيقه دقيقه حتى يرجع واشوفه احس نفسي اشتاقله واريدة بس يرجع حتى اكعد واحجي وياه واسمع كلامه خلاني اتعلق بي بسبب تعامله وحنيته واهتمامه بيه احسه مثل النور ودخل لحياتي حتى يضويها بعد ماجانت ظلمه وكئيبه..

بس جنت خايفه خايفه احبه ويصير شي وارجع اعاني من جديد خايفه اعترف لنفسي بمشاعري لان المريت بي مو سهل صارت عندي ردة فعل وخوف اتجاه هذا الموضوع ..

رغم جنت اشوف حبه اتجاهي ولهفته كلما يشوفني ويحجي ويايه جنت احسه عبالك اني حبيبتة من زمان ورتاح من احذها عيونه من تشوفني تحجي الحب الي بداخله اتجاهي قبل ميحجي لسانه...

امه جنت دائما اكعد واحجي وياها وهي تحسسني كأنما اني بنتها من تحجي ويايه احس الله عوضني بيها لان فقدت امي وما شبعت منها صرت احس حتى نسيت مرضي لان لكيت اهل يحبوني ويريدوني احس الله عوضني بيهم بكل كلشي صار..

جنت كاعد بالغرفه وهو جان يشتغل طلعت فلم وكعدت اباوع عليه اجه كعد يمي بعد ماكمل شغله وباوع عليه وكال

اوسم:تردين تسهرين اليوم .

هزيت راسي وأردفت

سرور: اي هذا الفلم مبين حلو.

اوسم: تمام لعد نسهر سوه.

كعدنه واحد بصف الثاني ونباوع على الفلم بس منحجي شي بعد لحضه صمت فزيت من حسيت اوسم لزم ايدي واحتضنها بين ايديه وكلي