نور الاوسم

النور الثامن.

نور _الاوسم🕊.

الكاتبه:تمارا الطائي🤍
lnsta:tamara_altai.15

لتنسون التصوييت + التعليق قلبي ♥️.
_________________________
أتفهم الجميع
لأنني أعرف الحاجة الملحة لأن يفهمك أيّ أحد
أتجنب أن أدهس بأقدامي مساحة الإنسان لنفسه
لأنني بذلت ما بوسعي كي لا
يقطع أحدًا حديثي تجاه نفسي
أو حتى يلمس بيده
وحدتي التّي أغسل بها خطايايَ....
ورُبما من بين كُل صفات الإنسان
لا صفة تجذبك إليه مثل صفة
إنهُ إنسان آمِن
____________________________

كل انسان بالدنيا راح يتعرض لمواقف او ممكن اتواجهه ضروف تخلي يمكن باي لحضه يأيس من الحياه كلها يصير شخص انطوائي في سبيل يتخلص من كل ضوضاء اذا جانت بداخله او ضوضاء تحيط بي ومنهك ومتعب عايش بظلام لوحدة وميعرف شوكت يخلص هذا اليأس وينتهي هذا الظلام ويشوف النور اني بعد كلشي صار حرفيا حيييل تعبت ولا زلت اعاني من شوائب متعبه نفسيا وجسديا لكن اني من خلال يقيني وأيماني برب العالمين حاولت بقدر الامكان ارجع اوكف من جديد ....

اليوم من اخذت قراري اول شي اجه على بالي هو اية قرانية..

( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

مشيت على مبدأ هذه الايه وكلي ثقه برب العالمين راح يعوضني عن كل ظلم وتعب مر بحياتي..

بعد مدة دامت اكثر من اسبوعين واني افكر بالقرار الراح اخذه ..

اخر شي فكرت ورحت على ابويه وكتله

سرور:بويه اني موافقه..

سرت ابتسامه على وجهه ابويه وفرح من سمع جوابي

ابو سرور:بارك الله بيج بنيتي احسن قرار اخذتي ومتاكد مراح تتندمين .

تنهدت وكلت

سرور:ان شاء الله بويه .

بعدها رجعت على غرفتي بعد مكال ابويه راح يتصل ويرجعلهم خبر الموافقه ويتفقون على بقيه التفاصيل وطبعا عمامي كلها قبلت على زواجي من اوسم.

اني من اخذت هذا القرار بغض النضر عن حالتي النفسيه الي امر بيها فكرت بي من كل النواحي اول شي ابويه اذا صار عليه شي اني منو الي وشنو راح يصير ويايه ..

اكيد راح يستغلون ضعفي نسوان عمامي وبناتهن ويخلوني تحت رحمتهن .

بعدها عمامي اكيد اول شي يسوو هو يخلوني ارجع على اتزوج قائد وارجع اعيش معاناة اكثر من قبل ويه قائد وايضا زوجه عمي، وبوقتها محد راح يكدر يحجي او يسوي شي غير بس يباعون وهاهيه..

قبل ابويه ولاول مرة وكف ويايه بعد الحادث وخلصني من قائد ف هل مرة مستحيل محد يخلصني اضل طول العمر اعاني ..