نور الاوسم

النور التاسع.

#نور الاوسم 🕊

بقلمي:تمارا الطائي🤍.
lnsta:tamara_altai.15

#عمري لتنسون التصوييت+التعليق بين الفقرات♥️.
__________________________
     
كنت دائمًا غير متناغم  لا أحد يعرف ما يدور في ذهني  لم أتعمق مع أحد كما لو كان لدي سبب آخر وأرض أخرى وحرب لا تهم الجميع..

_____________________________

كلشي بالدنيا يكولون قسمه ونصيب وهذا يكلوله لكل شخص فقد شي جان يتمنى يصير من نصيبه حتى بلكي يخفف من وجعه بس ميدرون هو كل شخص هو الي يختار كلشي بحياته اذا جان زين او شين لان بالنهايه كلمن عندة عقل براسه ويعرف خلاصه ممكن يدري هذا الشي اليريدة شي مو زين بس يحاول يتغاضه عن كلشي سيئ بهذا الشي او ممكن يكون زين ويصير من نصيبه او ممكن لا لان احنه منعرف شنو رب العالمين ضامنه بس لازم نكون على ثقه انو مهما يصير بحياتنه وشكد نواجه صعوبات راح يجي يوم وربنا يعوضنا عن كل تعب مرينه بي بحياتنه...

سكتت وحسيت نفسي استعجلت بقراري وتذكرت سيمور وعقدنه دموعي اخذت مسراها على خدي  سمعت السيد رجع كرر السؤال حسيت على ملاك وهي تكول

ملاك: سرور السيد يسألج حبيبتي جاوبي ينتضروج.

بعدت كل التفكير من بالي واني امسح دموعي

واردفت..

سرور: نعم قبلت وانته وكيلي.

بعدها السيد سأل اوسم وجاوب وجان صوته يرجف

اوسم: نعم قبلت .

علت اصوات الهلال وخواته صارن يهوسن ويصفكون وجانت الفرحه مبينه عليهن بعدها كعدت على الكوشه ورة شويه كالو العريس راح يدخل توترت كلش وجسمي صار يرجف.

دخل اوسم وجان بكامل اناقته وعطر ترس المكان امه وخواته صارن يباركوله ويهلهن ويهوسن هوسات جانن كلش فرحانات وهو هم جان كلش فرحان والضحكه مفاركت وجهه كأنما اخذت حبيبته بعد معاناة هيج حسيت جان يباوع على تفصيله بوجهي حسيت يريد يضمني عن الكل بنضراته.

اجه  يمي لزم وجهي بين ايدي وباس راسي وجان يكول

اوسم: واخيرا ياضي عيني الف مبروك النه وربي يقدرني على سعادتج .

جاوبته بالكوة واني ارجف احس صوتي اختفه واستغربت من كال واخيراا.

سرور:الله يبارك بيك .

استغربت من كلامه شويه لبسني الحلقه وبعدها شفته لامست ايدي وباسها خلت كل ذرة بجسمي ترجف وسحبت ايدي بهدوء وتوترت اكثر ..

اخذت الحلقه ولبستها بايدها بالكوة لان جانت ايدي ترجف هو مسك ايدي وخلاها اصابعي بين اصابعه وتمسك بيها بقوة وماتركها باوعلي بنضرة حلوة وهو يبتسم رديتله الابتسامه وبعدت نضري عنه لان خجلت من نضرته .