نور الاوسم

النور السابع.

#نور_الاوسم🕊

بقلمي:تمارا الطائي🤍
                                            tamara_altai.15

لتنسون التصويت +التعليق عمري🧡
__________________________

وكآنت تحلّم أن تتحول إلى صبّآرة
فالصبآر لآ يحتضنها إلآ من أحبها
حدَّ إحتمآل جروح الأشوآكك
وكآنت في حآجةة لمعرفةة
من سيفعل؟!!.
 ________________________________

جنت واثقه وعندي ثقه برب العالمين راح يعوضني عن كلشي صار ويايه وهذا العوض راح يخلصني من شوائب الماضي الي مازلت اعاني منها وارجع مثل قبل واحسن ونفسيتي تتحسن احسن من قبل واصير اقوة لكن مجنت متوقعه هذا العوض قريب مني!!!

بعد ما صاح الولد بأسم اوسم لتفتله مباشرتا الجان صافن عليه وراح عليه بسرعه حتى ميجي لهنا

اني من سمعت اسمه استغربت وكأنو سامعه هذا الاسم من قبل بس مااتذكر وين ؟!

ماانطيت اهميه للموضوع رجعت دخلت وجان اشوفهم مخلصين المراسيم والعريس ملبس العروس الحلقات وطالع ...

بعدها طلعنه كلنه حتى نرجع للبيت صعدت بالسيارة وحطيت راسي على الجامه وصافنه اسمعهم يحجون هاي التكول شفتي فلانه شلون جانت طالعه وهذيج تكول ايي محلوة شفتي ملابسها..

اسمعهم وبالي وتركيزي مو يمهم احس عقلي داخل بدوامه من التفكير وصرت افكر يا ترى لو نمارق مغلطانه هذا غلطها ولا مسويه هيج؟ ولا صديقتها لاعبه بعقلها؟ جان هسه هي موجودة وبيناتنه

حتى لو مجنت قريبه عليها كافي بس اسمع صوتها ونفسها موجود وامي جان ما متت من قهرها عليها وخلتني بحسرتها...

نزلت دمعتي على خدي من تذكرت سيمور يمكن جان زواجنه راح يصير بغير طريقه وجان اختلفت نهايتنا عن الواقع الحالي ....

فزيت على صوت باب السيارة وشفتهم ينزلون مسحت دمعتي على السريع لا احد ينتبه ونزلت من السيارة..

دخلت للبيت ومباشرتا رحت للحمام وفتحت الدوش وكعدت بالكاع وصرت ابجي بصوت مكتوم

حسيت انعادت عليه اللحظه الكلولي بيها سيمور مات!
حسيت مأساتي واوجاعي كلها انعادت عليه

ضليت ابجي الى ان حسيت راسي صار طبل وعيوني ورمت من البجي طلعت من الحمام بعد ماغسلت ولبست ملابسي  واني احس جبل نايم على قلبي..

رحت على ابويا حتى انطي العلاج دخلت على غرفته ونزلت راسي حتى ماينتبه عليه رفع راسه من دخلت باوع عليه وهز راسه بأسف وعيونه مليانه دموع

طلعت من الغرفه بعد ما انطيته علاجه ورحت على غرفتي حطيت راسي على المخدة واريد ابعد عني كل التفكير ضليت اتكلب بالفراش مكدرت انام الى ان كمت شغلت قرأن وخليته يم راسي وبعدها نمت محسيت بشي..