نور الاوسم

النور الخامس.

أقضي أيامي
وأنا أحارب‏ حُزني
وخيبتي أحارب انكساري ‏
وأجمع الشظايا
التي تركتني
أنزِف أحارب
لأجل البقاء بكل هذا الثبات.
...............................
نور_الاوسم
الكاتبه: تمارا الطائي 🤍.
                                               tamara_altai.15
#عمري_لتنسون التصويتت
••••••••••••••••••••••••••°

سرور معناه الابتهاج والفرح بس اني من صار حادث نمارق لحد هل يوم اني اعاني بسبب غلط غيري وجاي اتعاقب عليه ماشفت فرح وغابت كل ضحكه جانت على وجهي بسبب هذا الشي بعد كل شي صار اقتنعت وسكتت وحاولت اتقبل واقعي لكن من دخل حياتي سيمور تغيرت اهوايه صرت اشوف الحياه من جهه غير رغم هذا الشي جانت عندي مخاوف وخصوصا بعد الشي الصار بنمارق.

واني واكفه احجي ويه سيمور بعد مشاف ابويه وطلع واكفه اسولف وياه حتى اودعه سمعت صوت ورانه ونداريت ونصدمت من شفت قائد باوع عليه بغضب وخزرني واجه علينه

حجه هو ورافع حاجبه

قائد: الله بالخير سيمور جاي تسوي انت هنا.

سيمور:  هلا قائد اجيت اشوف عمي ابو سرور واتطمن عليه واشوف بت خالي واعتقد هل شي مو غلط.

جاوب سيمور هو يحك بحنجه ومو عاجبه الوضع

قائد:كتلي تشوف بت خالك اييي بيها الخير.

سيمور من شاف الوضع هيج سلم عليه ودعني وطلع اول ما طلع انداريت حتى ادخل جوة وجان يجي قائد عليه ويلزمني من ساعد ايدي وضغط عليها

حجه وهو كاز على سنونه

قائد : شوفي لج مرة الخ اذا اشوفج واكفه وياه اكسر رجلج.

حجيت واني احاول اتخلص من لزمته سحبت ايدي منه بقوة

سرور: دير بالك تلزمني مرة ثانيه لتنسى انته محرم عليه هاي اولا وثانيا انته معليك بيه وماتدخل بيه اذا اوكف وياه او لا .

خزرني حيل وحسيت عيونه نطت من العصبيه وكال بصوت شبه عالي

قائد: سمعي الج لا عبالج تطلكتي وتاخذين راحتج اذا شفت شي غلط منج اجي اعقد عليج وبعد تحلمين اطلكج بعد فهمتي.

سكتت وماجاوبته لان صار يعيط وخفت احد يسمعنه عفته ومشيت ودخلت للغرفه حطيت ايدي على قلبي لان خفت من تهديده ماريد ارجع اتعذب مرة ثانيه ويه قائد وارجع اعيش معاناة واني ما صدكت خلصت منه ضليت حايرة شنو اسوي اخر شي فكرت اتصل على سيمور واحجيله حتى يلكه حل.

اخذت تلفوني واتصلت عليه من اول رنه جاوبني

سيمور: هلا حبيبتي خما سوالج شي قائد او حجه شي جنت انتضرج.

سرور: لا لتخاف مسوة شي بس.....

سيمور: بس شنو كولي لتسكتين احجي..