نور الاوسم

النور العاشر.

نور الاوسم 🕊.

الكاتبه:تمارا الطائي🤍

لتنسون التصويت+التعليق بين الفقرات عمري ♥️.
_________________________
آنة آهواك و اتحمل تعَب گلبكّ.
ولا فَديوم أمِل منّك اظنّ تِدري .
و فَرفحْ رُوحي هَم أقبل .
مَا اگلك دكافِي و عيَب .
أنتَ وليِدي المدَلل  .
______________________

مااعرف شنو صارلي مسكت ايد ابويه بقوه وحسيت جسمي كله صار يرجف حسيت نفسي استعجلت من قبلت حسيت نفسي خايفه باوعت على ابويه بنضرات كلها خوف طبطب على ايدي وكأنما كاعد يطمني ..

تمسكت بردان ابويه وصرت ابجي حسيت كلشي ينعاد براسي تفكيري عقلي كله صار مخربط مااعرف صرت ساعه افكر استعجلت بقراري ساعه اتندم وساعه اكول لا هيج الله قاسملي عقلي صار ميجمع افكاري صارت مخربطه من الخوف ومن هل ليله..

دخل اوسم باوعت عليه ومثل كل مرة يباوع عليه بنضراته الحلوة والتلمع والقاط لابسه و زايدة جمال اكثر من جماله اول ماشافني صرت ابتسامه على وجهه وزادت لمعه عيونه ماكدرت ابتسم ولا انطي اي ردة فعل من التوتر والخوف..

ابويه خله ايدي بايد اوسم وكله

ابو سرور: انطيتك بنتي وحيدتي وماعندي غيرها واليوم سلمتها الك واريدك تحافظ عليها لان متعوبه واريدك نخليها بين عيونك ومتقصر عليه بشي ولا اريد فد يوم تجي ودمعتها على خدها وتكون انت السبب اني عندي ثقه بيك وان شاء الله تكون كد هاي الثقه.

اشر على عيونه واردف

اوسم: بطن عيني اخليها عمي لتخاف ولتشيل همها .

طبطب ابويه على ايدة وبعدها حضنت ابويه وصرت ابجي مثل الطفله ومتريد تفارك حضن ابوها بعدت عنه ومسح دموعي وكال

ابو سرور: لتبجين بنيتي وسامحيني على كلشي سويته وياج وشوكت متريديني اني موجود وربي يوفقج بحياتج ويه اوسم وان شاء الله تكونين سعيدة وياه.

هزيت راسي واني امسح ادموعي عدلولي المكياج وبعدها لبسوني الكبوس واوسم لزم ايدي ومشينه حتى نصعد السيارة وقبل منصعد اجوي اصدقاء اوسم وجانو يهوسون وفرحانين وجانت هوساتهم كلش حلوة صارت اجواء حلوة قبل منصعد بالسيارة

بعدها ساعدني اوسم وصعدت بالسيارة وانطلقنه ودعت البيت الي تربيت وكبرت بي البيت العشت بي معاناتي واني بعمر المفروض اعيش احلى ايام بي جريت حسرة جبيرة وعيوني صارت تلالي بالدموع واني اتذكر كل ضحكه وسالفه جانت بينه اني ونمارق بهذا البيت ..

وكل خوف وكل لحضه جنت اكد بيها ويه امي صح جانت عدها كلشي عيب وميصير لكن وجدها بحياتنه كلش كافي انو هي موجودة بيناتنا تمنيتها تكون موجودة ويايه بهيج يوم واكله يمه شوفي بنتج بعد كلشي صار بحياتها ومرت بي اليوم عرسها وانتي ماكو..