نور الاوسم

النور السادس .

خوفي لا أضيع بمحبّتك
عود گتلك لا تعلمني عليك وعلمتني
عود وصيتك تلمّني وتيهتني
تيهتني ودورّيتك..
دوريتك لچمة لچمة وما لگيتك
يا حنينيّ وأنتَ ذاك شما بچيتك
مرّني لو لچمة أشتهيتك .
.................................

#نور الاوسم 🕊
بقلمي:تمارا الطائي 🤍.
                                               tamara_altai.15
#عمري لتنسون التصويييتتتت  •°•°•°•°•°•°•°•°•°•°•°•°•°•°•°•

بعد دخول سيمور لحياتي تغيرت اهوايه بعد كل المعاناة العشتها مجنت متوقعه راح اكدر ارجع اضحك وافرح من جديد او احب شخص يفهمني ويكون سند الي بوقت محد جان مهتملي او يكول هاي البنيه ليش هيج ساكته دائما زين شلونها محد حاول يحتويني الى ان دخل سيمور لحياتي وغير كل الموازين وتغيرت حياتي بعدها لكن جنت اعرف مراح ادوملي هاي الفرحه وراح ارجع اتعذب واعاني معاناة اكثر من قبل...

طلعنه وجانت الساعه ٦ المغرب تقريبا صاعده بالسيارة ومخليه ايدي على كلبي خوف وقلق متملكني قلبي ممرتاح احس كأنما راح يصير شي

ويانه وكأنما قلبي يعلم بعدنه نمشي واقتربنا نوصل لنهاية الشارع وما نحس غير سيارتين حاصرونة وحدة من كدام وحدة من ورة هنا حسيت نشف الدم بعروكي اريد احجي مااكدر احس الساني انعقد متمسكه
بايد سيمور بقوة واني اكله وبالكوه احجي خوف من المجهول ..

سرور: سيمور امشي راح يقتلوك امشي لا توكف.

جنت احجي واهز بي ودموعي على خدي لمني تحت ذراعه وهو يحاول يهديني .

سيمور: اهدئي حبيبتي لتخافيين.

باوعت وجان اشوف عمامي نزلو من السيارة واجوي علينه بسرعه سحبو سيمور من السيارة ونزلو وصار يضربون بي شبعو كتل ويغلطون عليه ويصيحون بصوت عالي وهمه كلهم مجتمعين عليه .

من شفتهم هيج يسوون بي تخبلت هستوني اريد انزل عليه واجه عمي عليه بسرعه واخذوني بسيارة وصعدوني بيها ومشت السيارة واني مااعرف وين ماخذين وشنو راح يصير وسيمور شراح يسوون بي جنت ابجي بصوت عالي وكل ماا اذكر منظرهم وهمه يكتلون بسيمور شهكاتي تعله.

صادق: اسكتتي لجج اني اعلمج تنهزمين موو وتنزلين روسنه مثل اختج هذيج العار خلي نوصل واني اعلمج يا كح****ه.

بجيت اكثر واني اسمعه شيكول ماخفت على نفسي بكد خوفي على سيمور.

وكفت السيارة وباوعت وين وكفنه وجان اشوف بيتنه نزل عمي بسرعه واجه فتح الباب ونزلني وصار يجر بيه من شعري حتى يدخلني للبيت لزمت ايدة الي مخليها على شعري واني اتوسل بي

سرور: عمي دخيلك عوفني اخذوني على سيمور لا تقتلوه.

ضربني حيل وكعت بالكاع شهكت بصوت واني اشوف عمامي كله التمت عليه ومااعرف منين الضرب صار عليه شفت عمي صادق جاب الصوندة وصار يضرب بيه بكل وحشيه وكأنما يضرب حيوان مو بشر