سَـالِب إِهـمَال

14_ قَـرَار بِلا خَـيَار .

"مِش عِيب ي حِـلو أميِّزَک
وأدِيك عِنيَّا وأعزِزَک ..
و أراضيک وأشيلک لو تُقع ،
وإن يوم تمِيل أجري أنقِذَک
أيام ما كان بيتک إزاز أنا عُمري ما حدفتک بـ طُوب ..

وأول ما تِكبَر يبقا أنا إللي
تخيب عليه وتتقل عليه !
ده أنا قلبي كان فارد إيدِيه
وعشان عينيك يدخل حُرُوب ..

غلطاان أنا ويإبن الأصُول
الحُـب في البيَّاع حرام
لا يجُوز أروح أطلُب وَنس
من ناس متفهَمش الغرَام ."

( يُ - آ ).

***

لا حول ولا قُوة إلا بالله العليّ العظيم ').

__________

دخل للبيت وملامح الخيبة علي وجهه ، أراد اللحاق بـ بلال ولكن الآخر لم يسمح له ، لم يعطِه فُرصة للحديث حتي و رفض مقابلته عندما وصل لبيته ،
توجه ناحية السلم ليصعد ولكنه توقف عندما سمع صوت أخيه يُنادي عليه ،
توجه له بإحباط ليُبصره الآخر بجدية ثم بإستغراب :
"مالك ؟"

رد الآخر بخفوت :
"مفيش -صمت لثانية- خناقة بسيطة مع بلال "..

رفع رامي حاحبيه وهو يُبصر ملامح الآخر بتدقيق :
"مُتأكد إنها بسيطة ؟"

أومأ الآخر ليُردف رامي بهدوء :
"حابب إني اتدخل ؟"

هز باسل رأسه بالنفي وهو يُبصرهُ بهدوء ليُكمل الآخر بعد لحظة صمت :
"عارف إن الخبر ممكن يكون مش وقته ، .. بس
أستاذ عبد الله قالي إن إحنا لازم ننقل للفرع التاني لإنهم هيقفلوا الفرع دا من الشركة لفترة "..

صمت وهو يُبصِر ملامح باسل الهادئة ، فقط إرتفاع بسيط لحاجبيه دلَّ علي تفاجئه ،
ثم عقد حاجبيه وأمال رأسه قليلا :
" أبو آدم ؟!"

أومأ رامي ليُردف باسل بعد أن إزداد إنعقاد حاجبيه وبحذر :
"قصدك إننا هنسافر لفترة ؟!"

أومأ رامي مرةً أُخري وهو يري تعابير الآخر التي تتحول للقتامة فقال بهدوء :
"بُص أنا عارف إن الحوار صعب دلوقت بس قدامنا حوالي 3 أيام ونمشي ، حتي آدم هيسافر هو كمان لفترة "..

" ليي ؟!"
سأل باسل بإستغرابٍ أكثر ،
ليجيب الآخر وهو يرفع كتفيه بلا عِلم :
" والدُه وهو حُر ، دا اللي وصلِّي .."