Unicode
ဘုန်းမာန်ခ အခုချိန်မှာ တေဇဟိန်းကိုသတ်ချင်နေတာဘဲသိတယ်။ဖြစ်နိုင်ရင် တေဇဟိန်းကိုကမ္ဘာပေါ်မှာမရှိခဲ့ဖူးတဲ့လူတစ်ယောက်ဖြစ်အောင် အစဖျောက်ပစ်လိုက်ချင်တယ်။သူရုံးခန်းတံခါးကိုဆောင့်ကန်ဖွင့်လိုက်ပြီး တေဇဟိန်းကို ပြင်းပြင်းထန်ထန် ထိုးလိုက်တယ်။
" ခင်ဗျား ဒါဘာလုပ်တာလဲ ! "
မာန့် မျက်လုံးတွေကဒေါသကြောင့် မီးတောက်လုနီးပါးဖြစ်နေတယ်။ တေဇဟိန်းက " မြင်တဲ့အတိုင်းဘဲလေ " ဟူ၍ မာန့် တစ်ယောက်ဘဲကြားနိုင်တဲ့လေသံနဲ့ပြောလာတယ်။
မာန် အခုချိန်တွေးလိုက်တာ တေဇဟိန်းကို သတ်ပစ်မယ်ဟူ၍ပေ။ သူလက်မြှောက်ကာ ထိုးဖို့ပြင်လိုက်တဲ့အချိန် " မာန် !! " ဟု အလန့်တကြားခေါ်လိုက်တဲ့ယိမ်းအသံကြားလိုက်တာကြောင့် ရပ်သွားတယ်။
ယိမ်းဟန်သာ သူ့ကိုယ်သူတောင် ဘယ်လိုအိပ်ပျော်သွားမှန်းသူမသိပေ။ ကျယ်လောင်တဲ့အသံတစ်ခုကြောင့် နိုးလာပြီးသူ့ရှေ့က လူသစ်ချင်စိတ်လွှမ်းနေတဲ့ မာန့်ကိုတွေ့လိုက်ရတာကြောင့် သူထိတ်လန့်သွားတယ် ။ ပြီးတော့ မာန့်လက်ထဲက တေဇဟိန်းကလဲ သူ့အား အကူညီတောင်းဟန် ကြည့်နေသေးတယ်။
"မာန် !! "
သူဆိုဖာကနေအမြန်ထပြီး ထိုးဖို့ပြင်နေတဲ့ မာန့်လက်တွေကို ဆွဲကိုင်လိုက်တယ်..
" ဒါဘာဖြစ်နေကြတာလဲ "
ယိမ်းမေးလိုက်တော့ တေဇဟိန်းက နစ်နာသူလေသံဖြင့်
" အကို လဲမသိဘူး ဒီကောင်လေး ကအကို့ကို တွေ့တာနဲ့ပြေးထိုးတော့တာဘဲ.. ဒီက ညီလေးအပေါ် အကို အမှားလုပ်ထားတာများရှိလား ?"
ချက်ချင်းလက်ငင်း ဝံပုလွေက သိုးရေကောက်ခြုံလိုက်တာကြောင့် တေဇဟိန်းကို မာန်ပိုပြီးရွံသွားတယ်..
" ခွေးစကားမပြောနဲ့ ယောင်္ကျားဆို ယောင်္ကျားစကားပြော!! "
" မာန်! မရိုင်းစမ်းနဲ့ "
ယိမ်းအော်လိုက်တာကြောင့် မာန်ဘာမှဆက်ပြောပေ။
" မာန် .. ကိုကို့ကိုပြော ဘာလို့ အကိုတေဇ ကိုထိုးရတာလဲ "
" အဲ့ကောင်ကိုကို့ ကိုနမ်းလိုက်တာ ကျွန်တော် မြင်လိုက် "
YOU ARE READING
Way To Say " I Love You "( Complete )
Romanceဘုန်းမာန်ခ လူ့ဘဝ က ခုနှစ် ဘဝ ရှိတယ်တဲ့ ... ခုနှစ် ဘဝ ဆက်တိုက် ခင်ဗျားရဲ့ soul mate ဖြစ်ရပါစေ လို့ ကျွန်တော်ကျိန်ဆိုတယ်....... ယိမ်းဟန်သာ ချစ်မိသွားရင် အလိုလို ရှုံးရတယ်တဲ့ အဲ့အရှုံးက မင်းဖြစ်နေလို့ ငါကျေကျေနပ်နပ်ကြီးခံယူလိုက်မယ်
