تسير بإتجاه النتيجة لرؤية التاريخ
1995/7/15م السبت
ليا: أنا إنتقلت بالزمن ده التفسير الوحيد للي بيحصل ده...لكن إزاى؟
خالد:إنتقال عبر الزمن ايه التخاريف دي.
ليا: مش تخاريف.
فاتن: يعنى أنتِ بنتي؟
ليا:أيوه،حتى بصي للشبه بينا.
يركز الجميع النظر فى ليا بتأمل
فاتن: مفيش شبه خالص.
ليا(تنظر ببراءة ):ركزي يا ماما.
فاتن(تصرخ):يااااه بطلى تقولي يا ماما..أنا مش أمك.
أثناء ذلك يفتح الباب وتدخل نجلاء ببعض الحقائب البلاستيكية فى يدها،تضع الحقائب على الأرض وتنظر لليا.
نجلاء(بإبتسامة):أنتم واقفين كده ليه،كده يا عيال تسيبوا صاحبتكم واقفة،إتفضلى يا حبيبتى قعدي.
صمت الجميع ويتبادلوا النظرات
ليا:تيتا ده أنا.
نجلاء:تيتا! أنتِ بتقولي إيه؟
خالد(بسخرية):سلمي على حفيدتك يا نجلاء.
وضعت نجلاء إديها على صدرها وشهقت
نجلاء:يلهووى حفيدتي! أنت متجوز يا خالد من ورايا؟
تستند نجلاء على يد الكرسي وتبدو كأنها تفقد توازنها.
خالد(يضع يده على جبهته):الحقي يا فاتن أمك.
تتجه فاتن وتضع يدها لتحاول الإمساك بنجلاء
نجلاء: بعد عشرت 25سنة تتجوز عليا!
خالد: متجوزتش يا نجلاء بقولك حفيدتك مش مراتي.
نجلاء: والحفيدة دي جت منين؟
خالد(ببرود):من المستقبل.
نجلاء:الكدب وصل بيك للدرجادى.
فاتن: ماماا بابا بيقول صح.
نجلاء: دلوقتي بتقفوا فى صف أبوكم...يا حاسرة على تربيتي.
ليا:تيتا جدو مش متجوز عليكِ أنا فعلاً جايه من المستقبل.
نجلاء تترك يد الكرسي ويظهر عليها الجدية
نجلاء: إسمك إيه؟
ليا: إسمي ليا.
خالد: إيه الاسم الغريب ده!
ليا: والله مش عارفه،إسأل أمي بقا.
تنظر ليا لوالدتها
نجلاء: ممكن حد يشرح لى من الأول.
أنت تقرأ
شريط الوقت
Science Fictionليا ذات العشرين عام تذهب لمنزل جدها المتوفى وتجد ساعة قديمة تنقلها بالزمن لعام1995م عندما كان جدها على قيد الحياة تحاول ليا إستغلال الأوضاع لمنع والدتها من الزواج من والدها هل ستنجح ليا أم لا؟
