ليا:أنتم بقا بتعملوا إيه بعد الأكل؟
قالت ذلك وخالد يتصفح مجلة،ونجلاء تقوم بخياطة قميص.
خالد:بنعمل إيه؟
ليا: أيوة يعنى مفيش ولا نت ولا تليفون ولا أى حاجة.
نجلاء(تستمر فى الخياطة):لا عندنا تليفون..عايزه تعملى مكالمة؟
تضع ليا يدها على جبهتها.
ليا:لا مقصدش تليفون من النوع ده،فى الزمن بتاعى فى تليفونات محمولة منغير أسلاك.
نجلاء:دى هتتعمل فى سنة كام دى؟
ليا:فى بداية الألفينات هتنتشر،وهتتطور مع الوقت وهيكون فيها كاميرا وواى فاى وكل حاجة.
نجلاء:واى فاى! ده إيه ده؟
ليا:مش عارفة أشرحلك إزاى...لكن هى حاجة بتنقل بيانات للعالم كله.
نجلاء:يعنى زى التليفزيون والراديو كده!
ليا:أيوه قريبة كده منهم، لكن هتكون بشكل أوسع يعنى لو بيحصل إنفجار فى الفضاء تقدرى تشوفى ده لايف.
نجلاء(تستمر فى الخياطة):لايف!
تضع ليا يدها على جبهتها.
ليا:يعنى بث مباشر.
نجلاء:ما تقولى كده إيه لازمتها المصطلحات الغريبة دى.
تخرج فاتن وفريدة من غرفتهم ويجلسوا على الأريكة.
فاتن:بتتكلموا فى إيه؟
خالد:إختراعات المستقبل.
فاتن:ااه....
يخرج على من غرفته بحماس.
خالد(بنفاذ صبر):مالك يا بنى.
على:بعمل إحماء عشان الماتش.
فريدة:ماتش!
على:أنتم نسيتوا!مش كنا متفقين هتيجوا معايا.
خالد(ينظر للمجلة): أنا مش هكون فاضي خد أخواتك.
على:لا يا جماعة إحنا متفقناش على كده،أومال مين هيشجعنى؟
ينظر لفاتن ويعاود النظر لفريدة
فاتن:أنا أسفة يا على ولكن أنا بجهز لتخرجى من هكون فاضية.
يظهر عليه ملامح الحزن،وتقع عيناه على ليا التى تبتسم بعيون لامعة.
ليا:خدني معاك.
على:أخدك فين؟
ليا:المكان الى أنت رايحه...الماتش.
على:لا.
خالد:خد بنت أختك معاك.
على(يتنهد):بس يا بابا...
أنت تقرأ
شريط الوقت
Science-Fictionليا ذات العشرين عام تذهب لمنزل جدها المتوفى وتجد ساعة قديمة تنقلها بالزمن لعام1995م عندما كان جدها على قيد الحياة تحاول ليا إستغلال الأوضاع لمنع والدتها من الزواج من والدها هل ستنجح ليا أم لا؟
