ပြန်လည်မွေးဖွားပြီးနောက်‌ မြောင်ကျန်းကိုပြန်ပြီးမိသားစုအမွေကိုဆက်ခံခဲ့တယ်

Ch.45.1-Boom,BOOM BOOM!

|| Unicode ||

     ထိုခွေးတစ္ဆေလေးကိုကြည့်ရသည်မှာရင်းနှီးနေပုံပေါ်ကာ ညစ်ပတ်သောခွေးလေးနှင့်တူသည်။ သူမည်သည့်ညစ်ညမ်းသည့်အရာကိုစားလာသည်မသိသူပုံစံမှာ ပျက်ယွင်းနေလေသည်။ ခွေးလို့ပြောရန်ပင်ခက်‌သည်။ သူ့ကိုကြည့်ရသည်မှာသေးငယ်သော်လည်း အမှန်တကယ် သူ့ကိုယ်ပေါ်မှတစ္ဆေ‌အရှိန်အဝါကိုအကဲဖြတ်ရလျှင် ၎င်း မှာ နတ်ဆိုးဝိဉာဉ်အဆင့်ကိုရောက်နေပြီး ဝူရုန်ထက်ပင်စွမ်းအားကြီးနေသဖြင့် ထိုအခိုက်တန့်မှာသူ့အားနိုးထလာအောင်လုပ်နိုင်ခြင်းဖြစ်သည်။

    ထိုမှစ၍ ဝူရုန်ဘယ်နေရာသို့သွားသွား ခွေးတစ္ဆေလေးများသူ့နောက်လိုက်လာခဲ့ပြီး ရူးသွပ်မှုထဲကျရောက်သည့်အခါတိုင်း သူအားကိုက်၍နိုးလေသည်။ သူဝူရုန်စားရန်အတွက် သန့်စင်သောတစ္ဆေပုံဆောင်ခဲများ စိတ်ဝိဉာဉ်ပစ္စည်းများ စိတ်ဝိဉာဉ်အပင်များကိုမည်သည်နေရာကရှာခဲ့သည်မသိ။ ဝူရုန်၏ဝိဉာဉ်တဖြည်းဖြည်းတိုးတက်လာကာ သူ၏အသိစိတ်အားအချိန်အတော်ကြာကြာပို၍ထိန်းထားနိုင်ကာ သူကိုယ်ထဲတွင် စွမ်းအားပိုပိုများများ တစ္ဆေစွမ်းအင်များအဖြစ်မျိုးတူစုထားနိုင်လေသည်။

    သူသည်အရင်ကတစ္ဆေများစွာကိုဝါးမြိုခဲ့ပြီး ဖြစ်ရာ ထပ်ပြီး ဂျေးများမနေတော့ကာ ရလာဒ်အနေဖြင့် သူကိုယ်ထဲတွင်တစ္ဆေစွမ်းအင်များအလွန်များပြားလာပြီး ၎င်းတို့မှာရူတ်ပွ၍ ဖရိုဖရဲဖြစ်နေကာ ရုန်းကြွမှုတိုင်းမှာ ပြင်းစွာသောနာကျင်မှုကိုဖြစ်စေသည်။ ဒါပေမယ့်တချိန်တည်းမှာပင် ဒါကပဲဝူရုန်ပိုသန်မာလာစေသည့်အချက်ဖြစ်သည်။ တဖြည်းဖြည်းနှင့်တစ္ဆေချီများကိုစစ်ထုတ်လိုက်ပြီးနောက် တည်ရှိမှုရှိခြင်းမရှိခြင်းများဖြစ်နေသော ချီများထဲမှသန်စင်သောချီများကိုစုဆောင်းနိုင်လာသည်။ ၎င်းသည် ညနက်ကြီးထဲရွံနွံများပေါ်တွေ့ရသော မီးစုန်းကဲ့သို့ အစိမ်းရောင်တောက်နေကာ တစ္ဆေများအား ကောင်းစွာနာကျင်စေသည်။

    ထိုကဲ့သို့တိုက်ခိုက်မှုမျိုးနှင့် ဝူရုန်လက်ထဲ၌ တစ္ဆေများပိုပို၍သေဆုံးလာနေပြီး ဝူရုန်မှစွန့်ပစ်လိုက်သောသောင်းပြောင်းထွေလာတစ္ဆေချီများကို ခွေးတစ္ဆေလေးမှ ဝါးမြိုလိုက်သည်။ သူကိုယ်ထည်မှာဘောလုံးကဲ့သို့ဖောင်းကာနေပြီး သူ၏တစ္ဆေအရှိန်အဝါမှာလည်း အလွန့်အလွန်များပြားလာသည်။သို့သော်ဘယ်လိုအကြောင်းတရားများဖြစ်လာဖြစ်လာသူသည် ဝူရုန်အား ပထမဆုံးတွေ့စဉ်က ကဲ့သို့ပင် သစ္စာရှိမြဲဖြစ်သည်။ သူ့ကိုယ်နှင့်စိတ်ဝိဉာဉ်ထဲမှတစ္ဆေချီများကို လုံးဝထိန်းချုပ်သွား‌နိုင်သည့်အချိန်တွင်ထပ်မံမနာကျင်တော့ပဲ နတ်ဆိုးခွေးဝိဉာဉ်၏ဦးခေါင်းအာပွတ်သပ်ပြီးနောက် ပေါ့ပါးစွာပြောလေသည်။