تجارة ابي..

بارت 10

بارت 10
للكاتبة زينب عرمان
لاتنسون التصويت بناتي
.......
؛ يلومُوني واحسَك تكبر برُوحي
ويلومُوني
وانا بلا شُوفَتك شينفعَن عيوني؟!
......

...
مريم؛ الساعه ب٨ صارت واحمد ماكو اباوع لامي حالها مو احسن من حالي
عفتها ورجعت گابلت الباب وكعدت واني اردد بأيات القران وادعيه حافظتهن
سندت راسي واني اتذكر كلامه
مريم؛ شنو هذا؟
احمد؛ دعاء او بالاحرى حجاب
مريم؛ شكله حيل قديم من يمتى عندك؟
احمد؛ من والدتي... هذا كاتبته  بايدها ومخليته بملابسي من كنت طفل
مريم؛ الله يرحمها
احمد؛ بس تدرين بعمري مارددته وخاب ظني دائما كان تسهيل لأي أمر صعب اكون بيه او اخاف منه
اقراه قبل كل امتحان وبكل محنه  وسبحان الله بسرعه تنحل ويطمئن گلبي
الايمان بلله والثقه بيه هي سر هالدعاء
مريم؛ قدمته اله؛ اقراه الي ماواضحه الكتابه شبه ممحيه
احمد قراه وهو ياخذ نفس ويزفره؛ وما صعباً الاجعلته سهلا ياحي ياقيوم برحمتك أستغيث اصلح لي شأني كله ولاتردني الى نفسي طرفه عين
غمضت عيوني واني اردد بيه بداخلي دقائق مرت وسمعت القفل انفتح
ودخل احمد فزيت وصحت   ويا دخلته؛ ماما اجاا احمد وركضت باتجاها
اتعلگت برگبته وهو حاوطني بايديه  واني اشهگ؛ . وينك وين عفتنا وبالنا يمك ليش ماتجاوب على التلفون ليش اتأخرت  شبيك اتخربطت صار حادث وياك شنو الصار فهمني.؟
ماكو شي حبيبتي انا اسف قلقتكم بس خل ادخل ارتاح واني احجيلج كل شي
تلگته امي  سلم عليها
وهي تگله هلا بيك يبعد روحي وين جنت ليش هيج اتأخرت؟
گعد وهو يگلها؛
بنهايه الدوام اتخربطت ونقلوني للطوارئ وتلفوني سايلنت مامنتبهه اله
ام احمد؛ اسم الله عليك يمه
مريم بقلق؛ شبيك ليش تخربطت من كليتك؟
احمد؛ اي اذتني حيل  وانا منا تعبان من الدوام واليوم لود حيل علينا فقدت ماحسيت بشيء الا قبل ساعه
ام احمد؛ بيه ولابيك بعد امك اسم الله يحرسك
مريم :  زين ليش شنو شبيها كليتك مافحصوها.؟
احمد؛ شويه التهابات وعلى العلاج تصير احسن ان شاء الله
يلا انا اگوم اصلي بعدني مامصلي
صعد احمد ورحت وراه  دخلت وسديت الباب لگيته يفتح بازرار قميصه اقتربت منه واني احجي
مريم حجيت بصوت مهضوم ؛ احمد
؛ عيون احمد ها ريمه
مريم؛ موتتتني من الخوف عليك اليوم والله لاتعيدها بعد ترا مااتحمل
حضني لصدره وگال.؛ مابيه شي لاتخافين هذا انا گدامج
عساك ماتبعد عن عيوني ولاانحرم من شوفتك
ابقى هيج حاضني طول العمر لاتبتعد عني  خليني هنا مرتاحه ولاتسلب راحتي
شددت بحضني اله وگتله؛ تدري مالي غيرك لاتشلع گلبي اذا مريض وضام عليه احجي گول لاتسكت خل نتعالج سوا وكل شي يهون
احمد؛ اشش مابيه شي انا وانتي هذا مكانج لحد گطع النفس رفع وجهي اله وگال
عيونج حنينات وبس بيهن اشوفن روحي  لاتبجين؛ باس عيوني ورفعني اله باسني بشفتي بهدوء
احمد؛ كلش حابج حييييل ميت بيج
رجعت حضنته واني گلبي مامرتاح احسه تعبان وما يحجي.. راح يتوضأ واني نزلت اكمل عشانا
صبيت عشا علما كمل صلاه ونزل اتعشينا وگال اريد انام ومو من عادته الليله نام من وقت لاقرا كتابه المفضل ولاگعد وي امي وخله راسه بحضنها تگلب بشعره وتحجي وياه
ولا حتى انتظر تصير ب١٢ مثل كل ليله  ويگلي احبج امس واليوم وباجر وطول العمر.
كلهن ماسواهن احمد الليله نام واشوف الدنيا  على اكتافه شايلها.....
...
نوره؛ باجر يروحون بابا واخواني وعزموا ناس وياهم حتى يطلبون ايد فدك ويتفقون على المشيه وباقي الأشياء وماقبلوا نروح وياهم
صعدت ضايجه وادردم لغرفه رائد مالگيته اكيد يعني يم انور دخلت والگاهم گاعدين اثلاثتهم
نوره بعيون مدمعه ومختنگه؛ شفتوا بابا ماقبل نروح باجر وياكم
انور؛ قافل الحجي هالمره لو بيدي حاجيته  بس ماكو فايده شفت
گعدت يمه وانا ضايجه؛ يعني شلون ماروح؟
رائد؛ هسه انتي هم صوجج لو مخليه شاربج ماحافته ناخذج ويانه بس غلطتي من انخطبتي وحفيتيه
نوره؛ عمت عينك منو هاي العدها شارب؟
ابراهيم وهو يضحك؛ بس والله فشله بابا ماياخذهن خاف يفشلنه لعد شگد مايوثق بيجن
نوره؛ ابراهيم اسكت انت
باوعتله انت مو طالب سادس شعندك هنا ماتروح تدرس.
ابراهيم؛ يبوو هم رجعت تذكرت كل ماصفنت نوره گالت گوم ادرس اليسمعها يگول مطلعه طب عام وهي شردت قبل لاتوصل السادس.
نوره؛ اني ماشردت اني اختصرت الطريق
ضحكوا كلهم عليه وگال رائد؛ عود عدلتها جفصت اكثر
نوره؛ اگلكم لاتنسوني هسه شسوي
انور؛ والله ياحبيبتي روحي لباباتج واتدلعي عليه بهذني كلماتج ودمعي عيونج شويه ياخذج ويعوفنا احنا
.. خاف يفشلني؟
رائد يفشلنا كلنا ومايفشلج
خوش رايحه واذا گلي ماتروحين انجلط گوموا يلا تعالو اسناد انتم وياي
رحت دگيت باب غرفته واجو كلهم وراي
سمعت صوت ماما اتصيح اتفضل مديت راسي
هلو ماما لعد بابا وين؟
طلع ورا عمتج وباقر من راحوا ومارجع بعد
فتحت الباب شافت الولد وراي
ام انور؛ ها جايين كلكم شمسوين من عمله؟
ابراهيم؛ مامسوين شي هاي نوره طلبتنا اسناد الها واجينا
ام انور؛ هااا نوره علمود باجر؟
نوره؛ هزيت راسي
ام انور؛ أيسي لعد ابوج ماقبل حاجيته قبلج
انور؛ صدك والله هالمره الحجي متغير ام انور بجلاله قدرها تگله على شي ومايقبل
رائد بحسره؛ ايييه والله زمن شوف كلها تتغير
ابراهيم؛ اي اذا صح البديل نُكر الجميل
ام انور؛ شقصدك؟
إبراهيم؛ شنو
ام انور؛ شنو هالمثل شتقصد بيه يابديل
إبراهيم؛ يابديل يامثل شگلت انا؟
ام انور؛ ابوك عنده شي؟ شايف شي.؟ احجي لاانوم هالفازه براسك
ضحكوا الولد وگال انور؛ يلا رگعها اذا تگدر
ابراهيم؛ هو شسمه انا ذكرت توني باجر عندي امتحان حيل مهم وصعبب   اروح اقرا
ام انور؛ تعال ولك وين رايح تعال سولفلي شعنده ابوك
طفر ابراهيم لغرفته وخله امي بنارها
نوره؛ وهسه شنو باجر مااروح
رائد؛ اسكتي لاتودينا امج لغير مكان هسه اربعتنا
نوره؛ ماما تدرين بيه ابراهيم هو دائما هيج يحجي لاتصدگين بيه
انور؛ اي يعني قابل تصدگين بابا عنده شي ورا كل هاي  السنين
ام انور؛ بس صدگ هو هالفتره متغير حتى دائما لاززم تلفونه وگعدته ويانه صايره قليله مو مثل قبل
رائد بهمس؛ راح الحجي...
يلا انور گوم لايلوحنا شرار منهم وتخرب حتى خطبتك
انور؛ ولك انا ماصدگتك يقتنعون يجي هذا ابو حلگ الفاهي يلعب باعداداتنا ويخرب كل شي انا الك ابراهيم اذا ماشوفتك الله حق مااطلع ابن ابوي
التفت لأمي وگال؛ حجيه وداعت الله كل شي ماعنده ولامفكر ولاراح يفكر بغيرج بس هذا ابراهيم طايح حظه مايعرف شيحجي
عفنه امي بحيرتها وطلعنا مبين عادت بعقلها كل المواقف الصارت ورسمت سيناريوهات حتى للمستقبل.. رغم اعمارهم بس الحب والغيره بعدها نفسها بينهم
دگينا باب غرفه ابراهيم صاح من ورا الباب؛ اريد اقرا لاتزعجوني