تجارة ابي..

بارت 13

بارت 13
بقلمي زينب عرمان
باقر يگول :وعندما رأيتها اول مره اخبرت امي بأن النجوم  ليست كلهافي السماء

انورنا:عيونج تنعشگ گوه يمن كل السلف يندارلج فدوه
... لاتنسون التصويت والتعليق بين الفقرات بناتي.....

مريم؛   اليوم اخر يوم النا بتركيا خلصت ٣ اشهر وراجعين باجر للعراق
جهزت كل الجنط مالتي ومالت احمد  ونزلت لامي ساعدتها بجنطها رحت اسوي غدا واني احس ضهري  صار نصين من الالم
تعبت وتأذيت حيل بس لان شويه تحركت وزني زايد وحركتي صعبه مو مثل قبل وبطني كبرت بسرعه رغم اني ضعيفه بس بينتلي بطن.
دخل احمد واني گاعد بالمطبخ سانده  راسي على ميز الطعام 
احمد بقلق ؛ ها ريمه بيج شي؟
رفعت راسي اله؛ لا حبيبي بس تعبت شويه وضهري اذاني
احمد بعصبيه؛ مو گلتلج عوفيهن اني اجي والمهن ليش ماتسمعين الكلام هسه يلا ارتاحيتي لمن يصير بالطفل شي
حسيت رد فعله مبالغ بيه؟.
حجيت بهضمه؛ اني المتأذيه الطفل مابيه شي
انتبه لنفسه؛ ريمه مو هيج
مريم؛ هو انت تهتم بس بابنك مريم  بيش كيلو
عفته وصعدت الدرج صاح وراي مارجعتله
دخلت للحمام اريد اسبح بلكي يخف الالم شويه
وگفت جوا الماي واسمعه يدگ بالباب  غلست ماجاوبت
احمد؛ ريمه حبيبي وداعتج مو هذا قصدي والله اخاف عليكم اثنينكم بس انتي ماتهتمين بنفسج ولا بيه ريمتي لاتضوجين بابا تدرين بيه ماعندي غيرج تدرين مايهمني بدنيا احد بگدج انتي دنياي كلها
ريمه حاجيني
سكت شويه ورجع دگ الباب شلون يعني اليوم ماتطلعين تبقين جوا؟
عادي ابقي وانا هنا  بالباب گاعد
كملت لفيت المشفه على جسمي والثانيه بشعري وطلعت
احمد؛ ريمتي
ماحجيت ولا حتى معتبرته موجود اني اعرف احمد اذا اهمله دقايق يحترگ يگوم يفتر رايح جاي لحد مايراضيني
گعدت گدام المرايه رطبت وجهي وايديه ورجلي من الفخذ لجوا اشوفه مراقب كل حركاتي
فتحت  شعري وخليت سيروم بعد الحمام ومشطته وگعدت اسشور بيه اجا وگف وراي سحب المشط والسشوار مني وگعد هو يمشطلي ويسشور بيه كمل طفا السشوار وظفرها شاله الضفيره وباسه عاكسه صورته المرايه وعاكس حنيته بگلبي
احمد؛ والله اسف وماقصدي احب احد اكثر منج حقج عليه بكل شي راضي  تعاقبني بس لاتهمليني لاتديرين عينج عني لاتسكتين من احاجيج
دار وصار گدامي شال ايديه باسهن 
أحمد؛ اسف حبيبتي
مريم؛ خليت ايدي على خده هالمره اسامحك بس خليها ببالك اني اغار لاتگلي ابنج ومادري شنو  لاتهتم باحد غيري واني موجود ولاتحب احد اكثر مني ولاتلقب بنفس القابي ولاتبوسهم مثل ماتبوسني
الأشياء الخاصه بيه محد يملكها غيري
احمد؛ حاضر والله
مريم؛ انت عودتني على هذا الدلال اتحمل
احمد؛ متحمل وراضي ومقتنع بعد شتريدين وادللج اكثر انتي الدنيا كلها ريمتي شنو تگولين مريم بيش كيلو؟
؛ اني انانيه بحبك اريدك بس الي
وانا راضي وكلي الج وشحده اليگول غير هالكلام
شلون صرتي هسه؟
احسن خف الالم
تعالي اتمددي شويه وترتاحين اكثر
گومني وحاول يشيلني شالني وهو يگول ماشاءالله
مريم؛ سمنانه مو؟
احمد؛ شويه زايد وزنج
برطمت راح يخرب جسمي واصير سمينه
والله لايگلج شايفه شصايره تخبلين انتي وهالكروش الصغير لايگلج الحمل
نزلني على السرير وتمدد وياي؛
نمت على ايده وجهي بوجهه ؛ ايده تمسد بضهري بخفه ؛ باس عيوني المركزه بيه؛
بتي تطلع تشبهج متأكد تاخذ نفس عيونج ونفس ترافتج ودلعج وصوتج من تحجين وياي  شيتحمل گلبي شلون بيه
خله گصته على گصتي :؛ وهو يگول؛ وحده وماخذه گلبي شلون لو صارن اثنين
مريم؛ يمكن ولد؟ ليش تگول بنيه؟
احمد؛ تؤ بنيه اني متأكد
ضحكت؛  شلون عرفت؟
احمد؛ شفتها بالحلم
باوعتله مستغربه؛ شنو  ياحلم؟ ماحاجيلي عنه!
احمد؛ من رحت لرائد هناك بالعراق ؛ حلمت اجا والدي بالحلم  بنفس هيئته بالصوره وانطاني ورده بس يمكن احلى ورده تشوفينها وبيها عطر جميل جدا گلي هاي من الجنه الك
فزيت وعرفت بيج راح تحملين وتصير عدنه ورده
حلو الحلم وحلو تفسيره بس شنو صورة والدك هيئته اقصد
نفس الصوره القديمه لبيتنا كانت وكل مره اشوفه بيها بالرؤيه يكون مبتسم وبنفس الهيئه وماشفته مره الا وتحقق الحلم وراها بفتره بسيطه وهسه نفس الشي اول مااجيت بشرتيني بالحمل ووردتي بداخلج
حضنته  ؛ الله يرحمه ويرحم جميع امواتنا
احمد؛ امين يارب 
ريمه نروح نتطمن عليكم؟
مريم؛ مايحتاج حبيبي ضهري صار زين   واني قبل كم يوم يم الدكتوره وگالت تگدرين تسافرين  بعد شكو رايحين؟
احمد؛ يضل بالي  حتى لو بس سونار نسوي على الاقل؟
مريم؛ خليها من نرجع حتى نعرف جنسه فد مره
؛ تمام ان شاء الله
..  ثاني يوم طلعنا للمطار جنطنا هوايه واغلبها عد احمد لان يخاف عليه وعلى امي ومتحمل كل شي هو
كملنا الإجراءات وصعدنا بالطياره
؛مريم؛ انتبهت للمكان؛ هالمره سوا اتلاثنا؟
اي حجزت ثلاثي
گعدنا وهو ثبت احزمتنا وگعد بيني لبين امي
اول مااقلعت الطياره حسيت بضغط قوي يضرب براسي اذني وشت ومااسمع شي  لزمت ايده حيل  واني اهمس؛ احمد؛
لزم ايدي؛ اشش لاتخافين باعيلي افتحي حلگج لاتسدينه مريم خلي ضغطج يتوازن
اخذي شهيق زفير يلا يلا وياي
ياخذ شهيق ويزفره واني وياه احاول
استقرت الطياره بالجو  وهدأت بس اذني صارت بيها مثل الصدى بسبب الضغط
الا ان نزلنا حيل تعبت وروحي راحت كل شويه اريد اتقيأ واحمد محتار بيه
نزلنا بالمطار واجر سياره  للبيت
البيت كله تراب ويريد تنظيف واني ميته تعب مابيه
صعدنا الجنط ونزلت وگفت اتخصرت واني اگله منين ابدي؟
احمد؛ ابد لاتحركين شي اصعدي نامي وارتاحي ماعليج
مريم؛ شلون يبقى هيج؟
مريم؛ من تگعدين عود اغسليه ماطاير اصعدي هسه
شوفي وجهج من التعب لون شصار
اصعدي بابا
صعدت لغرفتي سبحت واتمددت وماحسيت بروحي نمت بسرعه
فزيت الغرفه ضلمه بيش الساعه مادري سحبت الفون  الساعه ب٧ بالليل
رتبت الفرشه وگمت احمد مبين مستعمل الحمام مريم؛ ملابسه غاسلهن وشارهن نزلت البيت يلمع منظف كل شي  مابيه ذره تراب حتى الطارمه غاسلها
معقوله كله نظفه احمد يمتى لحگ. امشي واحجي بوحدي
دخلت على امي توها گاعده وتلف بشيلتها
ماما شلونج
بعد امج الحمدلله
شنو وين احمد؟
والله مادري اني عفته قبل لاانام صعد لغرفته وهسه گعدت
مادري بيه يجوز طالع التفتت للهول ورجعت باوعتلها اگلج ماما منو منظف؟
يا جا مو انتي؟
مريم؛ لا
:خطيه هذا احمد يعني
مريم؛ اي بس يمتى لحگ شنو مارتاح ابد
؛ عمت عيني عليه متعود على التعب ومايعرف يگعد بمكان مو نظيف تدرين بيه
مريم؛ ادري والله بس اني تعبت وهو الماقبل انضفه گلي اصعدي نامي ومن تگعدين نضفيه خطيه هو منا تعبان ومتأذي
؛ بعد امه الحنين  مارادج تتعبين وانتي حامل
انفتح الباب ودخل بيه علاليگ
حبيبي الله يساعدك
ويساعدج ريمتي
اخذت منه؛ يمتى طلعت شنو مانمت؟ مارتاحيت؟
احمد؛ ماعندي شي حبييي رحت اتسوگ الثلاجه فارغه
وجبتلنا عشا
مريم؛ عاشت ايدك بس لو مرتاح شويه
اگلك حبيبي
يروحه گولي
منو منظف البيت؟
انا
والله عرفتك انت ماتگعد مو مريض
حجه وهو متوجه لغرفه امي؛ لا الگعده تمرض اكثر
رحت وراه؛  زين ماگعدتني اساعدك
بابا ترا ماسويت شي وانا متعود هذا بيتي صار سنتين گاعد بيه و بس انا انضفه يعني مو فد مشكله عادي
التفت لامي؛ شلونها بركه بيتي وعطره خوما تعبانه؟
؛ بوجودك مايضل تعب ييعد امك وعمرها
عفتهم ورحت رتبت الثلاجه ورتبت عشانا الجايبه عل الميز
گعدنا نتعشا وكالعاده احمد يوكلنا اثنينيا يلا ياكل ويتأكد امي شبعت واني انتخمت يلا نگوم
كملنا وشربنا جاي  ودخلت لغرفه امي نظفتها كلها ورتبت ملابسها بالكنتور
وصعدت لغرفتنا نفس الشي كلها عزلتها ملابسي وملابس احمد ورتبت اوراقه وكتبه على مكتبه
تحاليل واوراق هوايه باسم احمد موجوده عرفتها هذي مالت اخر مره راح بيها يسوي فحص لكلياته
وسألته
مريم؛ ها گلبي شنو نتيحه تحاليلك.؟
احمد؛ حامل حبيبي
مريم؛ باستغراب؛ شنو احمد منو حامل؟
احمد؛ اي شنو يعني شبيه كل شي ماكو
مريم؛ حجيت بشك؛ لعد ليش هيج متأذي كل هالفتره
احمد؛ التهابات عادي
مريم؛ احمد كل هالفتره تاخذ علاجات كومه شنو ها لالتهاب المايقبل يطيب
احمد؛ طبيعي حبيبي ممكن فتره العلاج تطول شويه
مريم؛ تطول بس بنتيجه يعني المفروض اكو تحسن مو هيج؟
لزم اخدودي ويجعصهن؛ انتي تفيدين محقق هيج تشتغلين على الجرائم  عندج موهبه مدفونه استغليها
دفعت ايده واني احجي؛
هو اني دااستغلها واطورها يمك همين گلي احمد ضام شي عليه؟
مثلا شنو اضم قابل عندي فشل  هي كلها شويه التهاب ويطيب لايض بالج  طفي الضوا خل انام ميت تعب