تجارة ابي..

بارت 12

بارت 12
بقلمي زينب عرمان
أيآ قَمَراً اضاءٓ النُورَ فِينيْ
وأَياَ نَجماً تألقَ في سمائيِ
..........  لاتنسون التصويت والتعليق بناتي.......

انور؛ اول يوم اداوم بعد اجازه ١٠ ايام اخذتها حتى ابقى ويا رائد مشتاق وميت على شوفه فستقتي اخذت ورده جوري لون احمر  بطريقي واتوجهت لمكتبها
انور؛دگيت الباب ودخلت صباح الخير فستقه
فدك؛ بضحكه حلوه؛  حبيبي  صباح النور
قدمتلها الورده
انور ؛ مشتاااقلج ميت على شوفتج والله
فدك؛ اسم الله حبي واني مشتاقتلك اكثر  شمتها وگالت الله تخبل شكرا
انور؛ لاهي عنج كل هالايام حتى مالحگ اتصل بيج
فدك؛ معذور حبيبي ادري بضرفك شنو المهم   شلون صار رائد
الحمدلله زين البارحه فتحنه الخياط البراسه بعد بس رجله وايده لازم اربعين يوم يلا
؛ خطيه والله مايستاهل
صفنت بوجها الحلو؛ وتالي وياج كل ماعوفج وارجع زايده حلاه شلون بيج؟
ضحكت وبينت غمازتها؛ من تخجل خدودها يوردن
شابكت اصابعنا وانا اگللها
نروح نتريگ؟
يلا
نزلنا للسياره اخذتها وطلعنا للمطعم
طلبنا الاكل ومنتظرين
هي ساكته
انور؛ لو ماحادث رائد هسه واحنا عاقدين
ابتسمت؛ اي انت مستعجل خليها فرصه النا نتعرف على بعض اكثر
؛ _اني بالنسبه الي اعرفج تمام التمام وماعندي اي شك بيج
بس الا انتي ماواثقه مني؟
؛ _لا بالعكس جدا واثقه بيك واحبك بس
انور؛ بس شنو؟ كملي
رفعت عيونها الي؛ خايفه
انور؛ خايفه مني؟
هزت راسها بلا؛ مو منك لا خايفه من الزواج كله تجربتي الأولى كانت اكثر من سيئه
انور؛ اتطمني وثقي بيه ماراح تتكرر ابد
فدك؛ اني اسفه لان دااحجي بهالشكل وياك
انور؛ لا اني اريد تحجيلي افتحي گلبج وشاركيني كل شي
انا اريد اعرف البنيه الراح تكون زوجتي شنو تفكر وانا اشاركج بافكاري
صح الزواج  خطوه حلوه بس ماتخلو من الصعوبه والمسؤولية اني اريدج شريكه عمر وهالشي يتطلب منه نكون واعين وفاهمين لبعضنا اخذت اصابع ايدها واني اهمسلها
:_فدك اي شي ببالج احجيه لاتترددين انا نفسه انور القديم صديقج اذا تخجلين مني كخطيب او زوج شاركيني كصديق الج
فدك؛ انور انا اثار ضربه بعدها بجسمي اثر الحزام بعده بظهري كسرته لخشمي وصرختي كلها ترن بأذني لهالساعه
ركضتي حافيه لبيت اهلي ماتروح من بالي
اني عشت وي وحش مو بشر شفت الموت ب٣ اشهر
شخص طبيعي امام الناس هادئ ماله صوت بس يمي وحش اني عاشرت مريض نفسي لايام وليالي ورا طلاگي  اخاف گمت من اسمع اي صوت برا اگول اجا يكتلني  رجف صوتها وگالت؛
انور اني رحت اطباء نفسسين بسببه واخذت علاجات كومه بس حتى اطلع من صدمته  وتركت كل شي لان شفت ماكو فائده
گمت انام الليل ونهار اخذ منوم وماادري بالدنيا شيصير
تگعد امي يمي تحجي وتبجي وتگعدني اكل لگمه وارجع انام عادي اجر يومين او اكثر نومه وحده  وبدون لاحمام ولااكل ولا اي شي  لحد ما اتحولت الى بس خيال جلد وعظم بقيت شكل يخوف وحياتي مرعبه  افكاري وهلوسه وخوفي واهرب منهن بالنوم 
لكن الحمدلله گدرت اتجاوز كل هذا ودرست واعتمدت على نفسي واشتغلت  على احلامي بنيت شخصيتي وطورتها واتعلمت وسافرت واشتريت سيارتي الي كانت امنيتي اشترييها من مالي الخاص..   لذلك داتشوفني متردده بهالموضوع ماريد ارجع لنقطه البدايه.....
انور؛ شلت ايدها وبست اصابيعها اصبع اصبع
ماراح ترجعين صدگيني اقسم بكل مقدس راح اكون الج سند وعون وعوض  بكل وقت عيونج ماتشوف غير الفرح وياي
شددت على ايدها؛ انتي روحي وحياتي وعمري
فستفتي انتي مااگدر افرط بيج.....
اتحسرت وگلتلها؛ معقوله ماتشوفين روحج بعيوني؟ بلمعتهن من يشوفنج؟ كل هالحب واگدر أذيج؟ أذي روحي بدالج وعساني بالموت قبل لااتبجي زمرداتج  مسحت على خدها باظراف اصابعي
ابتسمت وانا اگللها؛
كل شي ماضي عوفيه انا وياج بالحاضر والمستقبل خلينا نفكر
نفتح بيتنا ونربي اطفالنا العيونهم خضر على امهم ونسافر نفتر العالم سوا نروح لايطاليا نروح للمكسيك ونروح لكل دوله بحلمي ازورها وياج
كل شي مأجله لان ماريده اعيشه بدونج
انا حياتي واحلامي  كلها مرتبها بس اجيتي وصرتي اكبر احلامي انتي
ماريد احقق شي قبل لاافوز بيج عيشي وياي وخليني اعيش بيج
..........
مريم؛ رجع احمد ورجعت الروح النا ٣ ايام بدونه مابيهن اي لون
گاعد بالغرفه يدرس واني ارتب بالملابس
كملت وگعدت يمه مصادر وكتب يمه اعوذ بلله كل واحد اثقل مني وكله انگليزي وظلمه اوراقه
شلت واحد واوزن بيه بايدي؛ شهالضيم هذا شلون تقرا شتفتهم منه يمه الحمدلله الله رحمني وبعدني عنهن
نزع نضارته الطبيه وهو يضحك؛ لعد هينه كلمه دكتور قابل تجي بسهوله  ارواح الناس بايدينا  ومسؤولية كلش جبيره علينه طريق صعب ودراسه صعبه ومو اي واحد يتحمله
مريم؛ وهسه لازم تحفظ هذا كله
احمد؛ مو احفظه كله بس لازم تكون عندي معلومات كامله عن كل حاله ولازم تكون عندي معرفه   باصغر خليه بجسمج ودارسها  الطب بحر ودراسته ماتخلص لا بتخرج ولابعده لازم تبقى تطور من نفسك وتبحث وتدرس كل شي
لذلك مو اي احد يستاهل يكون طبيب
؛ اكيد هالشي ومو كل طبيب يعني يگدر يعالجك لا بالعكس اكو اطباء فشلوا وماكملوا واكو لاوالله تشوف اساميهم لمعت اشتغلوا على انفسهم صح وعرفوا يستمرون
؛ الله يساعدك حبييي  وان شاء الله اشوف اليوم وانت افضل دكتور عيون بالدنيا
؛ امين يارب
گعدت اگلب بالاوراق  واني محتاره شلون افتح الموضوع وياه
وصلت لقسم بيه صوره جنين ومرأه حامل صفنت بيها وابتسمت وانا اتخيل اكو نفس هالجنين بداخلي
جر خدي وگلي تلوگلج لزمه الكتاب والدراسه بس نرجع للعراق تقدمين خارجي
باوعتله واني الفكره بعدها ببالي رفعتله الكتاب
اشرلي بعيونه شنو ؟
شوف هذي
جنين؟
اي
شبيه؟
اشرت على بطني وگلتله يمكن هنا مثله
ابتسم وگلي شنو ؟
يمكن حامل
صدگ تحجين
اي والله كل الاعراض عندي والشسمها صار اكثر من زمان غايبه
خله ايده على وجهه وگال؛ يالله وراح صوته بس يهتز جسمه
احمد احمد شبيك حاولت اشيل ايده عن وجهه واني استفسر احمد ياا
حضني وعيونه حمر دم
شبيك تبجي  حجيت هيج بجيت ماتحملت
شابكني وراسه برگبتي ويشهك
رفعت راسه واني مختنكه ابجي واحجي
شبيك احمد لي ليش تبجي
؛ مابيه شي من الفرحه والله ان شاء الله الله يتمهها على خير
بس بعدنا مامتأكدين اي تحليل مامسويه
هسه اخذج ونسوي تحاليل گومي بدلي يلا
گمت على السريع لبست ونزلنا  امي تقرا قران
؛ ماما اني واحمد طالعين
صدقت وگالت الله وياكم بعد روحي يوم