بارت 14
بقلمي؛ زينب عرمان
لاتنسون التصويت والتعليق بين الفقرات بناتي......
وشائت الصدفه وتلاگينا بدرب
هو رايح وانا جاي
گلبي شگ صدري وطفر وافتر وراي
وگام يدفعني على دربه يگلي فدوه
والله اخر مره هاي!
...
مريم؛ انخبطت بطني ومغص قوي وياها احاول انزل الدرج والتقارير بايدي
احمد هسه نزل ادور عليه بكل زاويه بالبيت عيوني تغوش دمع واريد بس اوصله بلكي يكذب خبرهم وتقاريرهم تطلع خطأ بلكي اني افتهت غلط وهو يشرحلي .. وصلت وكلي أمل مايتتحقق القريته بس هيههات تكمل فرحة اليتيم... شفته گاعد
يرتب بالسندانه وهو يتمتم..
احمد؛ حبُ كبير في دواخلنا نما
فالى متى نخشى من الاعلانِ.
أمن العوائق نحن نخفي حبنا
ويل الخريف من الربيع الداني
همستله بصوت يرجف؛ احمد؛
التفتلي ورجع دنگ بسندانته مامنتبه لايدي
احمد؛ افتريت المشاتل كلها وصفتلهم الورده الشفتها بالحلم وماعرفوها ردت اشتل منها بس ماحصلت ومااعرف شسمها شوفي جبت جوري احمر التحبينه
مريم؛ مديت ايدي البيها التقارير؛ احمد شنو هاي؟
رفع راسه الي وعگد حاجبه من شاف الاوراق بايدي
وگف بهدوء نفض ايده من التراب
احمد؛ وين لگيتيهن ذني؟
مريم؛ على الميز! احمد شبيهن فحوصاتك؟
احمد؛ لم شفته لداخل حلگه وهو يگول نسيتهن انا
مريم؛ ليش ضامهن عني
احمد؛ مابيهن شي ريمه.
حجيت وانا احس رجليه بعد مااتشيلني
ليمتى ناوي تضم عني؟ ها؟ يمتى ناوي تشاركني حالتك وتعبك؟ ليش ليش ماتحجي وتگول انت مريض ومو اي مرض عندك فشل اهتزيت كلي؛ احمد فشششل كلوي
اتقدم عليه حضني لصدره وساكت
مريم؛ احمد ليش ساكت ليش ماتحجي ليش كل هالفتره ضام عليه وماتشكي
رفعت راسي اله؛ شنو عذرك.؟ ها گلي شنو حجتك هالمره كل مره تبينلي شگد ماتثق بيه كل مره نفس الموقف تخليني بيه ماحاسبني زوجتك وماتحجي الي
احمد؛ مو قصه ثقه مريم ماردت اخوفكم عليه لااكثر من البدايه عبالي اكدر احل الموضع بوحدي كل ظني اگدر اتعالج واخلص منه بس
مريم؛ بس شنو احمد احجي لاتسكت
احمد؛ مايفيد مايفيد العلاج
حالتي شبه واصله المراحل الاخيره بعد فتره يصير ماله اي علاج
مريم؛ لاتحجي هيج لازم اكو حل لازم اكو علاج هاي عود انت الدكتور وهيج تگول؟
احمد؛ واذا دكتور مابيدي اي شي بس ادعيلي اشوف بنتي وهايهيه ماريد شي بعد
احمد هاي انت تحجي والله مااصدگ طول عمرك انت اكثر بشر يحفزني ودائما تگولي لاتيأسين من رحمه رب العالمين ليش انت يأست ليش؟
سحبني وگعدنا بالمطبخ بعد مازادت رجفتي
قدملي مي وگعد يمي يحجي بهدوء كالعاده؛
اشربي واهدأي اني ليش ماحجيت من ورا هاي حالتج اخاف عليج وضعج وحملج مايتحمل هيج امور واخاف على امي عمرها جبير وضغطها يصعد وتتعب
مريم؛ ميلت راسي وحجيت؛ لعد وانت؟ مافكرت بروحك مره.؟ كاتل روحك بالشغل والتعب والتفكير بينه ومافكرت بروحك؟ اني شعندي بالدنيا غيرك اذا صار بيك شي وين اروح وين انطي وجهي ويا باب ادگ؟
احمد رفع ايدي و باسها ضمهن بسن ايديه وهو يگول؛ مااخليج تحتاجين احد والله بحياتي ومماتي انتي مدلله
مريم؛ ماريد دلال ولاعز يجي بعدك اريدك يمي وجودك كلش كافي عليه
لازم تتعالج ولازم اكو حل لاتيأس من رحمه ربك
احمد؛ والنعم بلله الله قادر على كل شي.
مريم؛ اي لاتگول غير هالكلام وعلاجك لو يصير بنهايه الدنيا نروح ونعالج
هزلي راسه ؛ ان شاء الله ملامحه الهادئه تخوفني وترعبني اكثر مصدر اماني احمد ماريد يتعب
اخاف من يسكت واحس ضام عليه شي
أنت تقرأ
تجارة ابي..
Romanceوصلنا للمستشفى ودخلنا لغرفه امي اباوع لأمي وكأنما مو هي متغيره حيل بس شفتها بجيت واجت نوره حضنتها وبجت ورضا يبجي يريدها علي حضنهم ويبجي وياهم شويه وجهاز القلب صفر ودا يطلع صوت جدا قوي بابا بدأ يصيح وين الدكتور بسرعه أجا الدكتور والممرضه طلعونا م...
