تجارة ابي..

بارت ٨

تجارة ابي (اخوتي) للكاتبة زينب عرمان

واني لأعجب ممن ينظر لعيناك ولايعشقك
.....  
مريم؛

اشرلي أحمد وتقربت كعدت يمه
بدوا يحجون عن السفره وعن وضع امي نص ساعه وراح رائد ووعده أحمد بس نجي من تركيا نزورهم
كملت العشا واخذته يم  امي البعدها نايمه
مريم؛ ماما حبيبتي يلا اكعدي نتعشا
گعدنا كلنا واني  واحمد نتناوب عليها احس الله عوضنا بسها ومانريد نفقد امنا للمره الثانيه
بعد العشا أحمد كال بعدني مامحضر ملابسي ومابيه حيل اروح أجهزهم
مريم؛ اروح وياك اساعدك
؛ تسوين فضل والله ياريت بس شلون وامي
ام احمد؛ اني ماعندي شي روحو يمه اني راح انام
مريم يلا اغير ملابسي واجي
أحمد؛ لاتتأخرين
مريم؛ دقائق
لبست صايه ولفيت شالي معطر هادئ ومرطب لأيدي وجهي وشفايفي وطلعت
اتطمنت على امي وغطيتها وطلعت خففت الاضويه ورحت لأحمد المنتظرني بالسياره
اول ماصعدت؛ صافن بيه ابتسمتله وگلت؛ ها اتأخرت عليك؟
احمد؛ اشوف بمريمي وهدوءها نزاكتها واني ادعي ربي تكون الي بالحلال ماريد حتى بتفكيري اخدشها

صعدت ومبتسمه :اتاخرت؟
احمد؛ لا بالعكس ماتوقعت بسرعه هلكد تجين لأن سامع النسوان تتاخر
مريم _ههههه لااني سريعه
_اي ابقى هيج مو تتغيرين خاف هاي البدايات بس؟

وصلنا للبيت  مو بعيد عن بيت امي
نزلت وفتحت الها الباب
احمد؛ ادخلي برجلج اليمين وسمي باسم الله وان شاء الله قريباً نعيش بيه كلنا سوا
مريم يمشي گدامي ويدلي بيه هذا الاستقبال وهذا الهول منا ومنا المطبخ وغرفه ونصعد بالطابق الثاني غرف اثنين مابيهن اثاث
احمد؛ هذا البيت اخذته بعد ماسكنت امي بيتي القديم اني كنت هناك گاعد يمها بس من اجيتي استقريت هنا
لذلك اتشوفينا بعده فارغ
مريم؛ اي صح ناقصه هوايه أثاث
احمد؛ منتظر عروستي تشرف وهي تأثثه على ذوقها
مريم؛ اي الله يرزقك
أحمد؛ امين يارب مابقى شي ان شاء الله
احمد؛ شوفي هاي الغرفه الجوا لامي والفوگ اثنين
النا تعالي
صعد وصعدت وراه دخل بغرفه تصير خشابها رصاصي بخشبي حلوه وزغيره مالت نفر واحد وحيل نضيفه ومرتبه
احمد؛ غرفه عزابي ههههه

؛ اي بس  كولش حلوه
سحب الجنطه وگال يلا خل نطلع ملابسي ومانتأخر على امي
ملابسه مرتبات وأغلبهم لونهن اسود اخذ كم قطعه وياه واحذيه وكل شي يحتاجه من عطر ومناشف وحتى غسولات صارن جنطتين وطلعنا قفل الغرفه
وگفت جذبتني الغرفه الثانيه الي بصفها دخلت فارغه مابيه شي.
دخل وراي وگال؛ هاي لاطفالنا ان شاء الله
مريم؛ اطفالنا ؟ ليش شگد رايد؟
احمد؛  وهو يعد على اصابعه اريد اربعه
_ههههه اربعه مو هواي
_لا مو هواي اصلا مسويلج تخفيض لأن مبين ماتكدرين تكثرين
يباوع  بأيدي هذي مابيها حيل تغسل وتكنس وتنظف وراهم والله تكسر خاطري
_لعد ساعدني لو تجيب وحده تساعدني
احمد بابتسامة ؛ قصدج اتزوج ثانيه؟
مريم؛ ها خير بدينا شنو باسم الله
اموتك والله شنو تزوج اقصد هذي الفلبينيه مااعرف شيسموها المساعده ولو اذا هيج حتى مساعده ماريد بطلت
تخزر بيه وهي عيونها كبار
أحمد؛ تموتين منو؟
_اموتك واموتها هم شنو تزوج عليه
تقربت منها؛ ماادري هلكد تحبيني وتغارين عليه؟ من فكره هيج طلعت عيونج لعد لو اطبقها شلون
باوعتلي بعيون مدمعه وهي تگول؛
؛ اي اغار والله اغار من خيالك عليك اغار من كل شي يمر من يمك اخاف عليك واخاف لاتنساني لو تبتعد عني
احمد؛ ههههه اني انساج ريمه اني انسى روحي وماانساج هاي اول مره أحب وأول مره يدك كلبي لبنيه اول مره اعيش وبالي شخص يحبني مثل مااحبه اني عشت كل عمري ضايع وهسه لگيتج وطن  اكو واحد يعوف وطنه ويضيع من جديد؟
لاتفكرين بيوم اعوفج ولااتركج لحد الموت اني لگيتج سكون الي وراحه روحي وگلبي يمج
مريم؛ واني بكل دعاء ادعي ربي لايحرمني منك ولامن حبك وطمأنينه روحي بقربك
احمد؛ امين يارب
يلا نروح
مريم :ووين
أحمد؛  شنو وين لأمي غير؟ لو تريدين نبقى هنا
مريم؛ ضحكت بخجل؛ هههه نسيت امي
؛ فتح باب السياره وصعدت ودار هو صعد؛ التفت عليه وگال جبتلج شغله
مريم باستغراب؛ شنو؟ حلويات؟ مو راح اسمن شگد تشتري واني مااصدگ بس اشوفهن اكل مااقارم.
احمد؛ هههه لا هالمره غير شي بس ترا عادي انتي رشيقه مايبين عليج شگد متاكلين
مريم؛ الحمدلله ميبين والا هسه واني دُبه من ورا حلوياتك   اي گلي شنو جبت؟
احمد؛ افتحي الصندوق اليمج
مديت ايدي فتحته علبه مغلفه باوعتله باستغراب  شنو؟
احمد؛ افتحيها.
مريم؛ فتحتها.. واووو احمد تلفون يجنن
كان ايفون بعده هسه نازل وشكله حلو
باوعتله بعيون مدمعه؛ شكرا حبيبي
احمد؛ تستاهلين يروحي انتي ريمتي يلا شغليه وخلي السيمكارت بيه ثبتي رقمي.
سويت مثل ماگال وهو اتصل عليه حفظت اسمه وسجلته حبيبي ❤️
رجعنا للبيت بعد ماتطمن على امي طلع واني رحت فرشت يمها ونمت
......
رائد؛ بقت صوره مريم ببالي شكلها حيل مألوف ياربي تشبه منو
داكلب بالصور البتلفوني
وحده منهم  صوره جمعتنا بتخرج انور  كلنا موجودين بيها
قربت الصوره علينا واحد واحد بابا بالبدله واني و ابراهيم وحتى انور وامي ونوره تشبه نوره اي والله بيهن شبه هوايه سبحان الله اليشوفهن يگول اخوات! اخوات!
فزيت من سريري وطلعت بسرعه متوجه لغرفه نوره وگفت ودگيت الباب واني محتار ماعرف شسوي ..
دخلت للغرفه ماموجوده اتقربت لباب الحمام البغرفتها سمعت صوت المي عرفت هي جوا گعدت انتظرها دقاذق وماتحملت طلعت من الغرفه
نزلت للحديقه تلأگيت وي انور
رائد؛ انور
انور بأستغراب؛ هاحبيبي بيك شي
رائد ماعرف شگول  هزيت راسي وكتله لا ماكو شي بس انت شعجب هنا؟
انور بحسره ؛ رائد احبها..
رائد؛ فدك؟
انور؛ ايي لعد منو غيرها  شاغله بالي وماخذ كل تفكيري هالموضوع  شلون بأهلي داتشوف شلون معترضين؟
هزيت راسي اله مؤيد؛ صحيح كلامك بس انطي مجال فتره وكلنا نضغط عليهم اني وياك وينوره وحتى ندخل عمتي هي تحجي وي بابا تدري مايردلها طلب ونشوف تالي وين توصل
لاتشيل هم مستحيل اهلنا يشوفونك هيج ضايج ومايوافقون
انور؛  ان شاء الله 
طبطبت على كتفه وحجيت ؛ دگوم يلا نام واني هم صاعد تصبح على خير
انور؛ وانت من اهل الخير حبيبي
.........
نوره؛ طلعت من الحمام والمنشفه بشعري  شغلت  موسيقى استرخاء وگعدت اسوي تنظيف البشرتي
هاي عادتي كل ليلة اسبح وانظف بشرتي وارطب وجهي وايدي وامشط شعري واروح انام احب هالروتين جدا. شفت جهازي داتوصله اشعارات ع الواتس  وبس رقم
دخلت عليه مخلي صوره سلاح ورتبه بصفها
كاتب
.. السلام عليكم
گاعده؟
ترددت اجاوب عفته على جهه وداظفر بشعري رجع كتب
اني باقر..
اني جدا اعتذر على الازعاج بس رايد احجي وياج شويه
كتبتله؛ وعليكم السلام اهلا باقر
مين حصلت رقمي؟
باقر؛ اخذته من خالي..
نوره؛ من بابا معقوله؟
باقر؛ اي  حجيت ويا واخذت رقمج منه
نوره؛ مافهمت؟
باقر؛ طلبتج منه وهو گال القرار يم نوره هي تقرر واجيت احجي وياج
نوره؛ لحضه شويه شويه عليه خل استوعب
باقر؛ اگدر اتصل؟
نوره؛ تمام اتصل
اتصل عليه وحسيت بصوته وانفاسه بالسماعه وگلبي يدگ حيل شديصير ويايه
رجع سلم وگلي
باقر؛ تذكرين بيوم الاتصلتي بيه خالتي تعبانه
نوره؛ ايي
باقر؛ من يومها طحت على وجهي بيج عبالك ماشايف وشاف ارحمي بحال هالفقير واقبلي بيه ترا متلوع عليج والله
بقيت ساكته...
باقر؛ وليدي لاتسكت مو شليت حالي سمعني صوتك احجي من يغدولك فدوه كل اليحجون
ضحكت بصوت
اتنفس براحه وگال اروح فدوه لهالضحكه يابه وتالي شلون تبقين ساكته اريد اسمع جواب؟
اخذت نفس وحجيت بس اني مااعرف شي عنك ولا ملتقيه بيك غير كم مره   شلون اوافق؟
باقر؛ تمام نخطب ونطول فتره خطوبتنا واذا ماعجبتج وهذا مستحيل الشي بس اذا لااسامح الله وماتفاهمنا كلمن يروح بطريقه
ها شگلتي؟
خليني افكر
براحتج بس لاتطولين
تمام مع السلامة
بعد وقت شسالفه
هههه اني انام من وقت
ََتمام يروحي باجر ترجعيلي جوابج
لا مو لهالدرجة انطيني وقت افكر
ماكو داعي تفكرين والله انا خوش وليد وحباب واذا تريدين اسألي عمتج عني هي تشهد
نوره؛ هه اكيد تشهدلك اي مو انت ابنها
باقر :لا امي مره صايمه ومصليه ماتشهد زور لاتضلمينها.
نوره؛ اي والله والنعم منها عمتي تخبل
باقر؛ وانا طالع عليها هم اخبل وحباب
نوره بجزع ؛ افتهمت والله كافي تمدح بروحك