تجارة ابي..

بارت 5

#تجارة ابي
للكاتبة زينب عرمان
بارت 5
بناتي لاتنسون التصويت والتعليق بين الفقرات  ❤️
"
نَصبَتْ حَبائِلَ هُدْبِهَا فتصَيَّدت

قلْبِي، فَراحَ فرِيسةَ الأهْدابِ

ما كُنت أعلمُ قبلَ طارقةِ الهَوى

أنَّ العُيُون مَصايدُ الألْبابِ

......

أحمد؛ تشكرت من رائد وصعدت الحجيه والبنيه الحتى اسمها بعدني مااعرفه وانطلقت لبيتنا
مريم؛ اتوكلت على الله وصعدت ماعندي حل ثاني بس الليله وخل يصير الصبح واطلع لبغداد

ام احمد؛ من شفت البنيه كلبي مامطمن شصاير ومنين هاي  ماكدرت احجي ويا أحمد لأن هي موجوده بالسياره  مامقتنعه بلوضع بس شكلها فقيره خايفه وايدها ترجف حاولت اطمنها واحجي وياها واحمد ماقصر هم وصلنا ونزلنا احمد بقى بالباب ويحجي وياها
احمد؛ خيتي والله لاتخافين انتي خطارنا وهاي امي وياج وهذا البيت بيتج  باتي الليله يمها وباجر وين ماتريدين احنا ناخذج ونروح
مريم؛ مشكور دكتور ماقصرت
ام احمد؛ يلا يابعد امج تعاي فوتي لجوا بارده وانت يمه ماتدخل ويانه تتعشى ؟
احمد؛ لايمه اترخص انا اروح لبيتي اخذوا راحتكم
؛ الله وياك يمه محروس بعين الرحمن
دخلت والبنيه وياي شغلت اضويه الغرفه وگلتلها اگعدي يمه هنا احمي العشا حتى نتعشا سوا
مريم؛ راحت وانا بقيت بوحدي بالغرفه بيتها صغير مطبخ وغرفه وصحيات عدها طارمه زغيره مسويتها حديقه  بسيطه  غرفتها بيها سرير نفر واحد وميز صغير ومرايه مطبخها هم مرتب ونضيف ومابيه اشياء هواي بيت دافي تفوح بيه ريحه الحرمل والبخور.....
فزيت من صفنتي بدخله ام احمد وهي تگول تعاي يمه ناكللنا لگمه مدي ايدج بنيتي
كملنا عشا واخذت الصينيه وياها للمطبخ غسلتهن وهي واگفه تخدر جاي خلته على النار وسحبت ايدي وكعدتني بصفها گالت تعاي احجيلي شكو وشصاير وياج؟
مريم؛ اتنهدت وگلتلها تعبتج خاله ارتاحي..

ام احمد؛ لا العفو يمه تعبج راحه بس سولفيلي بنيتي من وين انتي
مريم؛ خاله اني من بغداد بيتنا هناك بس صار كم شهر من اجيت ويا مرت ابوي لهنا وهسه بعد ماتحمل أكثر اريد ارجع لبيتنا
ام احمد؛ لعد امج ابوج وين ليش كاعده ويا مرت ابوج
مريم؛ أخذهم الموت كلهم وعافني بس انا بهالدنيا الماترحم.
ام احمد؛ الف رحمه ونور عليهم
لاتبجين يمه ولاتخافين هنا اني امج وهذا الدكتور اخيج كلنا وياج بس كليلي هناك بغداد شلون تعيشين بوحدج وانتي بنيه ماشاء الله عليج  شنو تاكلين وشنو تشربين ماتخافين من يجي الليل وانتي بوحدج زين ماعندج اخوان؟
صفنت وهزيت راسي اختنكت وبجيت شسولف وشنو اگول... لا خاله اخوي ابن ابوي بعده زغير  مايگدر يسوي شي..
رجفت واني اتذكر شكل مسلم واختنگت اكثر
مريم؛ خاله كل شي أهون من أن اتزوج واحد ماعنده عقل ومريض
أم أحمد؛ ياا ساتر يارب شنو هالحجي بنيتي
مريم؛ اي خاله مرت ابوي ابن اخوها مو صاحي يعني عقله مو تمام  وهواي أمراض غيره ويردون اتزوجه خاله والله مااكدر واني بعيني شفته شلون إذا صار عصبي يضرب أمه وأهله ويكسر كل شي بالبيت خاله يتهستر ويصير مثل الوحش وصياحه يوصل للشارع..
ام احمد؛ ليش يما تريد تزوجج هالماتخاف الله
؛ تريد تخلص مني وتورطني بابن اخوها.. خاله تعبت والله
ام احمد؛ لاتبجين يما لاتبجين الله موجود مايعوفج
نامي والصباح رباح مثل مايكولون الله كريم بنيتي. فرشتلي يمها وغطتني واني دمعتي مانشفت حسيت بهالليله نفتحت جروحي من جديد من وفاه امي لعذاب مرت ابوي لبيعه اخواني وفاه وابوي وكملت عليه باخر فتره تحرش واعتداء ذله وگاعده بيت غريب قلق وخوف ولجأت الاقرب بشر الي وتالي تريد تعقدلي من واحد فاقد عقله  اي باجر هم لازم اتحظر ارجع لبيت ابوي وشيصير خل يصير ماعندي حل ثاني. غطيت راسي وانا احاول انام بس هيهات طار النوم من عيني كل ركض النهار والمشي رجليه تون عليه من التعب بس القلق والخوف مايخليني اغفا....
أحمد وصلتهم ورجعت لبيتي  طبگت سيارتي بالباب ونزلت هنا  هذا المكان الأول مره شفتها بيه ووكعت بحضني فاقده صورتها ماتروح من بالي ولااكدر ابطل تفكير بيها
منو هاي وشنو قصتها الليل كله ماكدرت انام اريد بس يطلع الصبح واروح الهم
صارت الساعه ب ٨ رحت للمستشفى كان لود شغل وماكدرت اخذ اجازه  كملت ب٢ ورحت للبيت سبحت ونمت لل٤ طلعت للعياده ورجعت ب١٠ الوقت فاتني بعد مو مال اروح يمها خابرتها واتطمنت عليهم
طلعت ثاني يوم الصبح. للمستشفى اخذت اجازه  واشتريت ريوگ واتوجهت لبيت امي
مريم؛ صار اذان الفجر  وكعدت الحجيه اسمعها تصلي گمت اتوضيت ووگفت اصلي وياها صليت ودعيت من كل گلبي ربي يسهل امري يكتبلي الخير ويوجهني على الطريق الصحيح  كملت ورجعت لفراشي واشوفها هي كعدت تقرا قران على صوتها هدأت وغفيت   ماحس غير بال٩ فزيت ومحد يمي  گمت لبست حجابي وطلعت للمطبخ مابيه احد رحت للحديقه ولگيتها كاعده وبحضنها صينيه بيها تمن عنبر تنضف بيه.. غسلت وطلعت يمها
مريم؛ صباح الخير خاله
ام احمد؛ صباح النور بنيتي  هلا بهالوجه الحلو
اتريگي يمه بيض سلگ على الطباخ تلگينه وجبن بالثلاجة والصمون هم يمج طلعي وافتحي ريگج احبيبه..
َگمت سويت ريوگنا جهزته واخذت الصينيه وطلعت يمها
گالت متريگه تريد بس جاي صبيتلها وگعدت تشرب وتسولف عن ايامهم واني استمع الها واكل.. صارت ١٠
كملت وغسلت المواعين
ورحتلها واني افرك بايدي
ااخاله  شنو الدكتور مااجا؟ يمتى نروح لبغداد
ام احمد؛ ليش ييمه مستعجله بعدنا باسم اللله واحمد اليوم حيل مشغول هسه حاجيته گال على باجر حتى ياخذ اجازه اليوم مامحصل..
تنهدت وكعدت يمها
ام احمد؛ هايمه شو اضنج ضجتي مني
؛ لا خاله واللله بس تدرين الحيره تاكل بيه
أن أحمد؛ يمه لاتنقهرين شايفه هالمره الجبيره الكدامج ذبها المايخاف ربه بالشارع وماسئل عنها
مريم مستغربه شنو خاله مافهمت
ام احمد وهي تذب نفس ييمه هذا أحمد مو ابن بطني  بس هو صار احن من ولدي عليه
اني عندي ولد وبنيه البنيه درست ووصلت وتزوجت وسافرت وبعد ماسئلت ولاعرفت أخبارها
والولد هم تعبت وكبرته وزوجته وتالي مرته مارادتني وهو طردني ييمه
تبجي وتمسح بدموعها
مريم انكسر گلبي عليها وحضنتها وابجي وياها
مريم؛ خاله لاتبجين اني بتج والدكتور ابنج انسيهم واعتبرينا بمكانهم والله مايستاهلون تبجين وتنقهرين بسببهم
ام احمد؛ اي ييمه الحمدلله الله عوضني بأحمد لكاني بالشارع وابجي السكر صاعد ووضعي كله متخربط اخذني وكاعد يم راسي ٣ ايام بالمستشفى وبعدها اخذني لبيته وراها اجرلي هالبيت وكل يوميه يجي الي يتسوگ وينطيني مصرف ويقيس السكر ويروح وماسمعت منه بيوم كلمه وحده غثتني
مريم؛ الله يحفظه ويوفقه
كمت جبتلها ماي وكعدت يمها وبدينا نحجي بالماضي هي تحجي عن ولدها واني احجي عن امي وابوي ومرته بس ابد ماجبت طاري اخواني ومر هاليوم بين سالفه وضحكه ودمعه
...
احمد وصلت لبيت امي ونزلت من سيارتي
فتحت الباب لأن عندي نسخه من المفتاح ودخلت دكيت باب المطبخ وصحت
يوم وينج؟ حجيه هذا انا
ماسمعت جواب استغربت وين راحوا بس لاصار شي
هو كان البيت عباره عن مطبخ وغرفه وحمام وبيه حديقه زغيره امي ماكو دكيت باب الغرفه وفتحتها محد بيها  رجعت للحمام ودكيت الباب  سمعت صوت البنيه جاوبتني
مريم؛ من سمعت الباب انفتح وصوت الدكتور يصيح طفرت ركض للحمام وقفلت الباب عليه حيل خايفه وجسمي يرجف  واسمع صوت الدكتور يصيح يمه وينج.
ورجع دك باب الحمام
مريم؛ءءء اني بالحمام
أحمد؛ احم صباح الخير. امي وين لعد
مريم بارتباك؛ صباح النور ماعرف من كعدت ماموجوده
أحمد؛ هاا تمام اخذي راحتج اني طالع
طلعت للحديقه ودااتصل على امي
ام احمد؛ الو هلا يمه
أحمد؛ هلا يمه وين انتي اجيت للبيت ماموجوده
ام احمد؛ اي طلعت اشتريلنا خبزات وهاي راجعه
أحمد؛ واني جبت ريوك يلا منتظرج نتريگ سوا
ام احمد؛ ومريم هم شفتها كعدت لا
أحمد؛ اي كعدت
ام احمد؛ يلا جايه
أحمد سديته من امي وكعدت بالحديقه منتظرها الجو بارد ويا نسمات الهوا اكو مطر خفيف دينزل صافن بيه واتكيت لورا انجكت أيدي بالورد الجوري اليمي
التفت واشوف انعكاس  مريم بالباب مبين واگفه بالمطبخ
دخلت امي وقطعت صفنتي بيها
ام احمد؛ ها دكتورنا صباح الخير
أحمد؛ هلا غاليتي صباح النور شلونج اليوم
أم أحمد؛ الحمدلله يمه بخير مادامك موجود اني زينه 
يلا تعال يبعد امك لاتتمرض بارده حيل 
أحمد؛ مو البنيه كاعده كلت خاف تتضايق مني يمه بس لحضه احجي وياج
التفتت الي وگالت گول ياعزيزي
احمد بتردد؛ البنيه حجيتي وياها افتهمتي شي منها منين هي وشصاير وياها؟
ام احمد؛ اي يمه حجيت وافتهمت.. عمت عيني  بنيه فقيره يتيمه ومالها احد..
احمد؛ يعني افتهم انتي مرتاحه الها گلبج مطمن؟
ام احمد؛ الله اليعلم يمه بالتضمره النفوس بس البادي منها واضح وصافي البنيه ماضنها مو زينه مبينه طينتها نظيفه
احمد؛ الله كريم ان شاء الله