تجارة ابي..

بارت 11

بارت 11
بقلمي زينب عرمان
عريان يگول :من شفنه الحجي مگاطف عرفنه وجوهنا نملت..
........ لاتنسون التصويت بناتي.......

:حجي الولد صاحب التلفون سوا حادث ونقلوه للمستشفى
لطمت امي على وجهاا وصاحت يمه ابني
وگفنا كلنا وي بابا بعد ماغلق السماعه الخارجيه ورفع الموبايل على اذنه
؛ بس گلي عايش مو
والله مادري حجي شالوه فاقد ماعرف عنه شي بس بقى التلفون بمكانه وشفتك تتصل
بيا مستشفى؟
تمام مشكور يابه
غلقه منه وباوع لانور وابراهيم الاصفرت وجوهم وهما يسألون بيا مستشفى
يلا نروح
امي ترجف كلها وتسأل؛ حجي عايش فدوه گلي ابني رائد عايش
لزم عكازته وهو يگللها ان شاء الله عايش ادعيله يكون عايش
طلعوا وبقينا بس اني وعمتي وامي بالبيت
ام باقر؛ نوره يمه اتصلي على باقر خل يلحگ خاله لايصير بيه شي يمه فدوه اروحلج
رحت ركض اتصلت على باقر؛
من اول رنه رد
باقر؛ ها حبيبي
نوره برجفه؛ باقر الحگ فدوه
باقر؛ شبيج نوره شصاير
نوره؛ رائد باقر رائد سوا حادث وناقلينه للمستشفى
باقر؛ يالله دخيلك ياربي وشلونه هسه وين بيا مستشفى
نوره؛ مادري اتصل ببابا او بالولد واسألهم طلعوا ركض ومافهمنا شي
؛ هسه اشوفهم لاتخافين ان شاء الله مابيه شي
يلا باي
غلق التلفون مني واني رجليه بعد ماتشيلني
هسه كان هنا هسه اني وياه تضاربنا بالباب وين راح لو مانعته لو مامخليته يطلع وصايحه وراه مره ثانيه
هسه وهو زين ويمنا يتعشا مثل كل ليليه
اتأذى؟ شنو النجرح بيه وجهه الحلو رجله ضهره؟ اففف ياربي ارحمنا ياالله
فزيت من صفنتي على صوت عمتي وهي تصيح
نوره تعالي يمه بسرعه وينج
نزلت ركض لگيت امي متخربطه وگاعده بالگاع لاتحرك لاايد ولارجل منتهيه والوجه كركم
حاولنا وياها اني وعمتي وگعدناها على الكرسي
قست سكرها مصفر الضغط صاعد احتاريت شسوي وماتقبل تاخذ علاج بس تون وتبجي
ام باقر؛ ام انور گولي يالله ان شاء الله مابيه شي لاتزودينها عليهم ويحتارون بثنين بدل الواحد اخذي علاجج وعيني روحج شويه فدوه اروحلج
بعد حجي هوايه من عمتي يلا قبلت امي تاخذ علاجها وگعدت مخليه راسها بين ايديها وگاعده بالباب
التتفت وگلتلي اتصلي بيهم شوفيهم وين اريد اروح ماابقى هنا شعندي گاعده وابني مادري بيه ححي لو ميت لطمت على رجليها وگالت عمت عين امك وين رحت شوداك لدرب الموت مو هسه يمي جنك ورده

التفتلي وهي تمسح بدموعها اتصلي عليهم اكلج لو تجيبين تلفوني بسرعه
ماگدر اگوم رجليه مايشيلني
رحت جبت تلفونهاو اتصل على بابا اكثر من مره ومايجاوب
نص ساعه او اكثر رجع اتصل علينه
امي بصوت يرجف؛ ها حجي
رياض؛ بصوت مختنگ؛ رائد بالعمليات بعده ماطالع
ام انور؛ بالعمليات؟ شيسوي شبيه ابني شيوجعه؟ شمكسور منه گُلي
؛ الضربه صايره براسه مسببتله نزيف داخلي وهسه جوا ماندري شوضعه بس ادعيله
سناء ادعي لرائد يرجعلنا
من سمعت بابا گال اسم امي وهاي اول مره بين شگد مكسور على رائد وتعبان
؛ اريد اجي حجي
لاتجين جيتج ماتفيده ابقي يمج وادعيله
ام انور؛ وانا وگلبي شلون بيه مااتحمل وداعتك
رياض؛ ام انور عزيزتي ماگدر احجي اكثر بس وعد بس يطلع بسلامه من العمليه انا ادز واحد من الولد يجيبج
؛ خوش حجي انتظرك
؛ من عيوني يلا الله وياج
؛ الله وياك الله يعينك حجي الله يصبرنا ويردنا ابنا سالم
غلقت التلفون وانطتنياه
ام انور؛ عينيني اگوم اتوضا
ساعدتها وگامت توضت وراحت لمصلايتها بين صلاه وقران مرت اكثر من ساعه وماكو خبر منهم روحي خلصت والدقيقه تمر بثقل الجبل علينا
دگ تلفوني وفزينا على صوته ركضت وشفته باقر جاوبت ملهوفه؛
؛ بشرني باقر
زين والله زين هذياه طلع من العمليه والحمدلله الدكتور طمنا
الف الحمدلله ركضت لامي والتلفون بايدي
ماما طلع طلع رائد من العمليه والحمدلله زين اخذت التلفون مني وهي تحجي وي باقر
تگله ها خاله شلونه ابني؟
بخير خاله والله زين هسه طلع من للعمليه واذا تريدين اجي اجيبكم واتشوفونه
؛ يلا منتطرتك بالباب تلگاني
؛ جايكم مسافه الطريق
سجدت امي شكر لله
وگامت لبست عبايتها واني لبست على السريع وعمتي ويانه منتظرين باقر بالطارمه وامي كل شويه توگف بالباب وترجع
تفتر مثل المره المعسره ولادتها تحسين نار بداخلها وماتگدر تستقر بمكانها
ندگ هورن سياره بالباب وطلعنا
صعدنا وياه واخذنا للمستشفى وهو يطمن بامي ويگللها
شنو هالعار كل شي مابيه
هن كم شخط على كم خياط هسه يومين ويگوم
ام باقر؛ ولك لاتحجي على أخيك هيج شمالك
ضحك وهو يگلها؛ يمه مو خالتي راح يوگف گلبها حلفتلها بميه امام ونبي زين ومابيه شي وهي مامصدگتني
ام باقر؛ گلب والده لاتلومها الله يعينها ويعينه كلنا
تسبح عمتي طول الطريق وامي ساعه تدمع عيونها وتمسحهن وساعه اشوفها تدعي وتهمس باسم الله
وصلنا ودخلنا بسرعه لغرفته ناقلينه ومنتبه من البنج
راسه ملفوف بشاش ورجله وحتى ايده اليمين اثنين من اصابعها مكسورات دنكت امي وباسته بوجناته وهي تگله بامك ولابيك يعزيزها عسى بامك الوجع والاذيه شلعت گلبي بهذا الخبر
تقربت منه لزمت ايده صاح ااخخ وثول
حجيت واني ابجي؛ الثولك فوگ ماانت مثوول وين رحت تركض هيج احسن الك اصيح وراك ماترد خوفتنا عليك لو ميت شلون بيه
انور؛ هسه هاي شبيها مضروبه على راسها شنو شو تبجي وترزل بيه
باوعله
رائد بطرف عينه وگله؛ هي من زمان عدها خيط واحد هسه فلت
ابراهيم؛ هاي گدام باقر وعمتي حتى مو بعد يومين يگولون غشيتونا
رياض؛ ولكم كافي حتى هنا مناگر انت رائد مو اسنانك مكسره وراسك متفلش ماترتاح شويه
انور؛ غمز لرائد وگله اي ارتاح ونرجع للييت حتى يعلمك الحجي شلون تمشي ١٨٠ بعد
رائد؛ اخخخ يابه راسي
رياض؛ اسكت عوفه هسه بعدين نتحاسب واريد اعيد تربيتكم من جديد عبالي كبرتوا وعقلتوا بس ماكو فايده الله كريم
تطمنا على رائد ورجعنا باقر للبيت وبابا ويانه نزلنا وراح هو وعمتي لبيتهم واحنا كلمن راح لغرفته من الخوف وتعب اليوم بس شمرت روحي على المخده وماحسيت الا ب١١ الصبح ثاني يوم على صوت ماما تگعدني.. فتحت تلفوني باقر متصل مرتين اتصلت عليه واني متوجهه للحمام
صياح الخير حبيبي
صباح النور نونه شنو كل هذا نوم
اي والله من تعب امس نمت وماحسيت بنفسي وصلت لمكانك حبيبي؟
اي الحمد لله رائد شلون صار؟
ماشايفتهم بعدني مانازله هسه گعدت حتى وجهي لسه ماغاسلته
افتحي كامرا
شنو
افتحي كامرا اريد اشوفج
باقر انت صاحي دااگلك هسه گعدت وخلقتي مگلوبه افتح كامرا شنو
ضحك وگال هسه القاضي راضي يابه انا مقتنع بس خل اشوفج مو طگ گلبي
لحضه بس ثبتت التلفون على المغسله فتحت شعري وغسلت وجهي على السريع
وفتحت كامرا
ابتسم وعيونه تلمع؛ هسه اگدر تگول بدا يومي
كل شي بدونج عدم لا نهار يبدي ولاشمس تشرق لحد مااشوفج وتضحكين ويضحكلي كل شي
نوارتي
هاحبيبي
يروحلج فدوه على فدوه احبج والله
سمعت صوت امي من جوا تصيح
نور؛ حبيبي لازم انزل تاخرت على امي
باقر تمام روحي بس عوفي التلفون يمج اول مااتصل جاوبي لاتشلعين گلبي
نوره؛ ههه تمام
نزلت بسرعه
صباح الخير ماما صباح النور وين صرتي من يمتى گعدتج اخوانج اجو وطلعوا وانتي ماكو
مادري باقر كان يحجي وياي
منو بيهم اجا؟
انور الصبح اجا سبح واخذ ملابس لرائد ورجع وهسه اجا ابراهيم وهمين توا طلع يجوز بعده بالباب
خل الحگ بيه ركضت لگيته بعده ماطالع صحت وراه التفتلي ورجع
نوره؛ صباح الخير حبيبي
صباح النور نونه
شلونه اليوم رائد
والله متأذي جسمه كله يأذيه ووجهه كله مورم
ومنين ماتلزمه يصرخ
اتأفافت واني اگله ؛ يروحي زين اروح وياك اشوفه؟
أصدقاءه كلهم يمه وين رايحه
فدوه بس دقيقتين بس اطمن عليه
لحضه اتصل على بابا اذا قبل اخذج
طلع تلفونه واتصل على بابا وفتح الصوت
اسمعه يگله؛
اي حجي هاياها يمي تريد تجي
رياض؛ بابا جماعته كلهم هنا وين جايه
ابراهيم ؛ گلتلها والله بس تدري راسها يابس ماتقتنع بكلام احد
سحبت التلفون من إبراهيم وگلتله
زين انطيني احجي ويا رائد
مايگدر بابا تعبان
من گلي هيج مايگدر يحجي وياي رجف جسمي كله مااحس غير گمت اشهگ بالبجي
غلق التلفون ابراهيم وحضني لصدره وهو يمسح على ضهري.. اششش لاتبجين نونه عليج الله لاتبجين والله دموعج يأذنا مسح دموعي ورفع راسي اله؛ والله بس يروحون اجي واخذج عسما ب٣ بالليل بس اسكتي
نوره؛ تعبكم يتعب روحي اتمنى اني بمكان رائد ولاهيج يصير بيه شهگت بجي وامي طلعت وي شهگتي
ام انور؛ ها ابراهيم اخوك صار بيه شي؟
لا يما لا مابيه شي
ام انور؛ لعد شبيها اختك ليش هالبجي احجي ضامين عليه شي
لاوالله لاوداعتج بس رادت تروح تشوفه وماقبل بابا
التفتلتي وهي تطبطب على ضهري؛ ياعزيزتي قبلج ردت اروح وماخلوني ان شاءالله بس يصير عدهم مجال يجون وياخذونه وانا گلبي نار عليه هم والله بس شنسوي ندعيله الله يحرسه ويشافيه
حضنتها وضميت راسي بصدرها مكسور خاطري اريد اشوفه تعبني وضعه
....
مريم؛ سمعت الباب انفتح عرفته احمد طلعت من المطبخ مستقبلته
هلا حبيبيي اجيت الله يساعدك
بوسته بخده بس احمد طافي ماله واهس حتى ماحجه
استغربت الوضع دخل يم امي واني اخذتله كاسه مي ورحت وراه
لگيته مخلي راسه بحضنها وهي تسمي باسم الله عليه وتتعوذ
اتقربت منه وسألته ؛ ها احمد شبيك
باوعت بامي؛ ماما شبيه احمد ؟
والله مادري يمه حاولت ترفع راسه
شو يمه خل اشوف وجهك الحلو يايا بعد امك وعمرها يا يمه احمد تبجييي دموعك تغسلني وليدي ليش يالحنين تبجي؟
عدل گعدته ومسح عيونه فرك وجهه حيل وگال وهو مختنگ؛ هسه اتصل عليه انور اخو رائد؛ رائد مسوي حادث البارحه ووضعه حيل حرج يمه يمكن رائد مايطلع منها سلامات واني مو يمه
يمه رائد هو صديقي الوحيد ومثل اخوي حاسبه تالي هيج يصير بيه وانا ماگدر اوصله ولااكون يمه
؛ اشش يبعد امك مو بيدك جا انت لو بيدك ماتقصر ادري بيك بس مو بيدك دوامك ودراستك وكل شي تعبته يروح هدر
؛ لا مو مشكله الغيها وارجع بس كون تصير هي هسه الغي هالمنحه وارجع
التفتلي وكأنما ديستشيرني؛
اروح اقدم طلب بس يوافقون نرجع للعراق
مريم؛ سوي اليريحك اذا تتعوض هالمنحه وتگدر تعيدها بوقت ثاني او اذا ينطونك ريست كم يوم تروح وترجع
اشوف شيصير باجر اروح للمدير والله يسهلها
ان شاء الله بس لاتضوج ورائد يطلع منها سالم ان شاء الله
فرك وجهه رفع شعره بايده مثل المحتار وگال
ان شاء الله
لزمت ايده؛ گوم حبيبي اسبح وصلي وخل نصب غدانا وان شاء الله ربي يسهل امرك ويشافي صديقك
يلا يروحي سندته وگام وياي صعدنا لغرفتنا دخل الحمام واني حضرت ملابسه ومصلايته وقرأنه وانتظرته يطلع
كمل وطلع لبس ورش عطر الصلاه واتقرب باسني براسي
احمد؛ ربي لايحرمني وجودج وسندج وابتسامتج التزيح تعبي
حضنته؛ ولامنك حبيب روحي انت
عفته يصلي ونزلت كملت الغدا نزل وگعدنا كلنا على ميز الطعام اشوفه ماله نفس بالاكل حاول ويا نفسه ماگدر عاف الاكل وگال؛ عاشت ايدج حبي
؛ مااكلت شي
؛ مالي نفس الحمدلله گام غسل وصعد للغرفه ينام
كملت ترتيب المطبخ وصعدت وراه
الغرفه بارده وضلمه احمد كالعاده مشغل قران بصوت هادئ. رحت تمددت يمه حضنته وهو شدد حضنته الي ونمنا مادري
مريم؛ يمتى گعد وطلع واني نايمه
صايره تنبل وين مااخلي راسي اغفى
اكلي زايد بس تلعب نفسي مرات واريد استفرغ اكو عطر اتحسس منه وريحه البيض مااتحملها
ام احمد؛ ان شاء الله بشاره خير ماسويتي اختبار حمل حتى لو منزلي
مريم؛ مامتأكده ماما بعدها خل يعبر كم يوم يلا اگل لاحمد على اختبار حمل يجيبلي مااريده يتأمل على الفاضي
بكيفج بعد بس انتي من زمان فايتج؟
من قبل زواجنا.
هاي هيه يما ان شاء الله حامل صار تقريبا شهر او اكثر
اي اليوم ٣٥ يوم
الله يرزقكم الولد الصالح اليعوض تعبكم ويفرح گلوبكم يستاهل احمد وانتي هم تستاهلين
الطفل مشقه وتعب بس بضحكه منه تگولين كل شي فدوه
وربج گالها زينه الحياه همَ
مريم؛ والنعم بالله سبحانه وتعالى أن شاء الله ربي يرزقنا خير الذريه
خليت ايدي ع بطني وانا اتخيل رد فعل احمد من يعرف اني حامل ضحكته وفرحته كلهم اجن ببالي وتحمست بالزايد بس خل يعدي هالاسبوع.. واتأكد اكثر
رجع بالعشا تعشينا وهو ماله خلگ راح صعد لغرفته
كملت التنظيف ودخلت يم امي انطيتها علاجها وقست ضغطها
الحمدلله زين ضغطج مستقر
والسكر بله اخذت اصبعخا وجكيته وشفت 125 وسكرج هم زين
گالت امي يبعد امج شوفي احمد اخذ علاجه اليوم لاهي عن روحه اخاف ينساه
مريم؛ الضهر اني شربته بايدي
وهسه اصعد اذكره
صعدت لگيته فارش سجادته وديقرا قرأن
اخذت علاجه وكوب مي وگعدت يمه وجهي بوجهه مو بيدي اتأمله واحبه اكثر يوم يعد يوم
صدق وطبگ القران
باوعلي بابتسامه بادلته نفسها؛ ريمه گلبي العيونها تهد حيلي وتبني بنفس اللحضه
اتقربت منه بسته بخده.؛تقبل الله حبيبي اخذ علاجك لاتنساه
اخذه مني وشرب مي وراه
احمد؛ الحمدلله الذي اطعمنا السقم لنرى الراحه
استغربت فسألته ؛ شلون.؟
بكل بلاء اكو راحه
ابتسمت وگتله؛ هم شلون؟
اني اگلج شلون لما رب العالمين بجلاله قدره ديختبرك وهو يحبك يريد ينبهك لشغلات انت مامنتبه الها ولامدرك قيمتها يحسسك بقيمه المفقود والموجود بنفس الوقت
زين ليش يختبرنا؟
:_رب العالمين مايختبرنا بالمعنى الحقيقي للاختبار
رب العالمين ادرى بينا من انفسنا مايحتاج يختبرنا ويبين معدنا امامه
وانما حتى بالامتحان هذا اكو جزاء بعده ملموس او غير ملموس عاجلا او اجلاً
انطاك نعمه وابتلاك بالشكر
انطاك مصيبه وابتلاك بالصبر
كله بحكمه وكله لصالحنا حاشاه يسوي شي يضرنا
ربنا حنين
:_والنعم بلله...
سكتنا شويه وگلتله إتطمنت على رائد؟
هز راسه ؛ اتصلت على انور وگلي بعده نفس وضعه
اتمددت وخليت راسي على رجله وهو رجع يقرا قران ويتلو بصوت هادئ ومريح للاعصاب اصابعه تغلغلت بشعري وهو يتلو بصوره الرحمن ؛
حسيت بيه رفعني ونزلني ع السرير ورحت بنوم عميق...
ثاني يوم راح احمد متلهف للدوام وهو يدعي يقبلون ينطوه اجازه او اي شي يسمحله يرجع كم يوم للعراق ودع امي وهو يگلها؛ ادعيلي الله يسهلها بوجهي
امي؛ اللهم يسر ولاتعسر يارب ربي يسهلك بحق فاطمه الزهراء بجاه الحسن والحسين سيدا شباب اهل الجنه باس راسي وطلع واني ادعيله
والحمدلله رجع وهو فرحان انطوه ٤ ايام
مريم؛ بس حيل قليل يعني شتلحگ بيهنن
حمد؛ الحمدلله هاهيه تدرين كلش صعبه واني سوولي استثناء وحاله خاصه لان المدير وصا بيه والا مستحيل ينطون اجازه بفتره التدريب يحسبون عليك ساعه ساعه
اني رحت حجزت للعراق بس انتم شلون؟
تبقون هنا؟
بكيفك تريد نروح وياك تريد نبقى المهم مانتعبك.
تمام لعد اروح هن ٣ ايام والرابع انا هنا بس اتطمن على رائد وارجع مااتأخر ان شاء الله ابقوا هنا واي شي تحتاجينه او امي تحتاجه انطيج رقم المترجمه ورقم دكتور صادق وياي هم عراقي من نفس دفعتي وانا اوصي عليكم ان شاء الله
:روح حبيبي ولايضل بالك علينا احنا هنا امان وكل شي متوفر لاتحتار
:ربي يسهل.
راح لامي وبلغها ب٩ بالليل سفرته للعراق
وان احنا راح نبقى هنا وهي مااعترضت بالعكس دعتله و تمنتله يرجع سالم
صعدنا رتب جنطتنا حظر جوازه وكل شي كمله
احمد؛ راح انزل اجيبلكم الاغراض المحتاجينه شوفي شنو النقص عدكم بالمطبخ او الج انتي وامي?
ماناقصنا شي لاتتوتر احمد
فرك وجهه وگال والله لو بيدي اخذكم ماريد تبقن هنا بوحدكم
:_روح احمد روح وبرد گلبك شوف رائد وارجعلنا احنا مابينه شي
حضني باسني حيل ونزل اتسوگ كل شي
مريم؛ هذا مسواگ مال شهر مو عبالك رايح يومين وراجع
احمد؛ احسن خاف تحتاجين شي حتى ماتطلعون اقفلوا الباب واگعدوا علما ارجع
اتعشينا على وقت وطلع احمد للمطار وعافنا باسطنبول بوحدنا....