تجارة ابي..

بارت 3

جاوبتها بصدمه؛ شكو خاله ليش انظلم مره ثانيه
ام مسلم؛ يمه من اجت مروه وگالت الولد متحرش بيها وهي تريد تشرد والله انهضمت عليج وكلتلهم جيبوها لاتبقى البنيه بالشارع
مريم؛ بقيت ساكته ومقهوره
اردفت ام مسلم بنفس الغصه؛ بس مارضيت من اتفقوا مروه وآخوها على زواجكم انتي ومسلم صدك مسلم ابني ومتمنيه يتزوج بس مو تنظلمين وياه يمه مسلم مو صاحي ساعه بشر مثلنا وساعه لا يتحول ويصير مثل الوحش
مريم؛ شنو خاله شنو اتزوج مسلم
أم مسلم؛ يمه ليش انتي ماتدرين انتي مو رضيتي واجيتي هسه حتى تعتقدون الليله
مريم؛ بذهول؛ شنو نعقد خاله هذا الحجي اول مره اسمع بيه كمت ابجي وتهسترت
اجت خاله مروه على صوتي؛
مريم؛ خاله شنو هذا الحجي صدك تردون تزوجوني من مسلم
مروه؛ خل يستر عليج وانتي تساعدين أمه بيه مابيها شي
مريم؛ لاخاله بيها وشنو يستر عليه اني مابيه شي
مروه؛ انتي كل هذي السنين كاعده بيت ناس غرب وعدهم ولد سافل بالبيت منو اليكول انتي بعدج بنيه واصلا منو الراح يتزوجج بعد مايدري بيج هيج
مريم؛ اني شريفه غصبا على اليرضى والمايرضى اني بنيه وماتغير بيه شي مو ذنبي اذا امي وابوي ماتوا وعافوني بيد بشر ماترحم مو ذنبي تبهذلت وعشت بيت الغربه مو ذنبي ابنهم يتحارش بيه واقفل الباب عليه وابقى للصبح كاعده خايفه لايدخل عليه
ابجي وهي تباوعلي وام مسلم واگفه على جهه وعيونها مدمعه وياي
ماسويت شي غير البجي ماعندي احد يدافعلي احس روحي هسه محتاجه امي أريدها وياي هي الوحيده الممكن تصدكني
تعبت ياالله ساعدني بهالاثناء دخل مسلم وانا انصدمت بالمنظر الكدامي كان يأشر لأمه يريد للتواليت احس گلبي راد يوكف من الخوف طلعت اركض ودخلت لبيتنا وقفلت الغرفه عليه كعدت ابجي  وادعي ربي ياخذ عمري تعبت تعبت بعد مابيه حيل اباوع احرگ روحي لو اشنقها شأسوي زين اكص شرياني شلون اموت واخلص خايفه من الحياه بقدر خوفي من الموت اني متهستره وماعرف شسوي
اجت ود آدك على الباب
مريم؛ ود روحي منا مافتح الباب
ود؛ حبابه افتحيه لاتبجين والله انا احبج
ود؛ روحي اكلج روحي مافتح
لحضات واحس الباب تكسر من الدك صوت خاله وهي تصيح خله جسمي يهتز من الخوف
مروه ؛ افتحي الباب اكلج كافي عياره مو داكلج أريده يستر عليج بس تسجلين باسمه شبيج
مريم؛ أكلج خبل مااريده خبل
مروه؛ هاي سوالف ود ولج مابيه شي الولد لاتعترضين يمه اريد مصلحتج افتحي الباب اطلعي يلا خل يعقدلكم الشيخ
مريم؛ عوفوني لا انتحر والله هسه احرك روحي
مروه؛ دحركيها وخلصيني منج ومن مشاكلج
ملت وعافتني بعد ماحاولت هواي وياي
كعدت ابجي للصبح ماطلعت من الغرفه  اول ما طلع  الضوا لميت جنطتي وطلعت بهدوء كانو نايمين ماحسو عليه من طلعت وصلت للباب وركضت حيل اركض وماعرف لوين اروح ضايعه ودموعي تنزل أسرع مني
عبرت كم شارع  وكم منطقه مااعرف اريد ارجع لبغداد  ارجع لبيتنا حتى لو مشي عادي خل اكعد بوحدي خل اموت من الجوع المهم مابقى هنا كنت اركض وابجي
.....
نوره؛ ماما اني اجيت
ام أنور؛ هلا بنيتي هلا بشمعه البيت تعالي انطيني بوسه
نوره؛ اجيت بوستها واني ارجف من البرد
ماما بارده موتتت
ام أنور؛ ادخلي حبيبتي لجوا غيري ملابس واتدفي لما يجون اخوانج حتى نتغدا
نوره؛ دخلت اركض غيرت ملابسي واجيت متشوقه احجيلها كل شي الصار تعودت كل شي يصير وياي احجي لأمي هي صارت كل شي بحياتي ومن بعدها رائد وانور وحتى إبراهيم صح مرات تصير عركات بيني وبين إبراهيم ويضوجني بس ابقى احبه وهو يعرف شلون يراضيني
اجيت اركض باوعتلي ماما  وضحكت كالت احجي يلا
واني حجيت لها من اول ماطلعت الصبح للمدرسه لحد مارجعت
بعدين صفنت كلتلها هواي مشتاقه لبابا هالمره تأخر
بعده جهازه مغلق؟
ام أنور؛ اي والله مغلق لحد قبل شويه اتصلت عليه ماكو بعده مغلق
نوره؛ الله يرجعه سالم النا
ام أنور؛ امين يارب فدوه اروح لحلكج
نوره؛ شنو سويتي غدا؟
ام أنور؛ اني متفاجئه لهسه مافاتحه الكدوره ولا سألتي على الغدا سويت تمن وفاصوليا
نوره؛ ايي فدوه لايدج بس بصراحه ماجوعانه قبل ساعه أكلت بالمدرسه
ام أنور؛ هسه من يجون اخوانج تنفتح شهيتج ماعليج على الواهس
نوره؛ اي هههههه
بعدنا نحجي وهم دخلوا أنور المتعبه السادس وصاير مثل العود ورائد وانا صف ثالث وإبراهيم صار صف اول متوسط
دخلو يبدلون واني وماما دنحضر بالغدا على السفره والباب اندك كلتلها اني افتحه رحت اركض منو؟
ابو أنور؛ اني بنيتي
نوره؛ بابااااا وشبكته وهو شابكني ويضحك هلا بروحي شلونج بابا
نوره؛ الحمدلله مشتاقتلك ليش تأخرت هالمره
ابو أنور؛ واني هم مشتاقلج بس خل ادخل لأن ميت تعب
دخل وسلمت ماما عليه وهي وجهها يضحك من صدك احسها تفرح من تشوفه اني ابقى اباوع بلمعه عيونها من تضحك شكد حلوه
كعدنا تغدينا وكالعاده نحجي كل الصارويانه لبابا ينصحنه ويرزلنا ويضحك على سوالفنا وخاصه دكات إبراهيم الماتخلص
مرت الايام ونجح أنور من السادس بمعدل ٩٧ دخل كليه هندسه وهو كان فرحان بيها كولش سوينا عشا لوجه الله من طلع قبوله وعزمنه كل اقاربنا خالاتهم اثنين وخالهم واحد وعمتهم وحده كلهن بناتهن ولدهم وياهن اول مره تصير هيج كعده بيتنا بحيث البيت كله مابيه مكان أجواء حلوه اول ما دخلو اني كنت لابسه بنطرون نيلي وبدي طويل لونه وردي وشعري شايلته لفوك  اني شعري كيرلي أشقر كولش حلو هالمره تجرأت خليت كحله لون عيوني برز حيل لونهن كان عسلي وبالكحله بين واضح كنت واكفه بالمطبخ اني وبت خالي روان هي هم يصف الخامس أكبر مني بسنه بنيه حلوه بس ادري بيها عينها وين هواي اشوفها تحاول تتقرب من رائد وهو مامنتبهه مادري منتبه ومغلس ماعرف
تحجيلي عن مدرستها واسمع صوت ورانا
باقر؛ السلام عليكم
رفعت راسي واشوف رجال طول بعرض بشخصيه تجنن
جسمه مفصل تفصل
روان ونوره؛ وعليكم السلام
باقر شلونج روان شخبارج
روان؛ الحمدلله بخير انت شلونك
نوره صافنه؛
باقر؛ نوره مو؟
روان؛ اي هاي نوره
نوره؛ اهلا وسهلا
باقر؛ اهلا بيج شنو هالجمال وين كانو ضامينج انتي
دخلت ام أنور؛ هلا يمه باقر شلونك
باقر؛ هلا خاله الحمدلله بخير انتي شخبارج
ام أنور؛ يمه صلاوات اندليت بيتنا والله عبالي ماتعرفه شجاك ولاتمر علينه
باقر؛ اعذريني ياخاله بس مو تدرين دوام والله اجازتي  ٧ ايام اجي بيهم ميت تعب اكضيها بس نوم
بس خاله ماكنت ادري عدكم هيج كيك بالبيت ويأشر على نوره
ام أنور؛ اسكت ولك عيب لايسمعونك اخوانها يموتونك
باقر؛ خاله هو اني شحجيت الساكت عن الحق شيطان أخرس
دمشي لهناك يلا كل أهلنا كاعدين بالهول
نوره؛ اني احس روحي من الخجل راح اموت وجههي تطلع منه حراره مو طبيعيه هاي شنو اول مره واحد يتغزل بيه اووف ربي لعد اني شكد خبله من كلمه وحده راح اوكع
روان؛ شبيج ولج وجهج احمر هذا كله خجل
نوره ولج ياخجل راح اموت اوكفي خل اغسل وجهي
رحت على السنك غسلت واباوع بالمرايه هاي شبيه اول مره هيج يصير ههههه واضحك على روحي وروان تضحك وياي  اني اعرف عمتهم ام باقر ودائما اسمع بابنها بس ولا مره شايفته هو مايجي النا قليل ودائما اني لو بالدوام لو ادرس بغرفتي فمامتصادفين ابد هاي اول مره