تجارة ابي..

بارت 6

#تجارة ابي
... للكاتبة زينب عرمان
... بارت 6
بناتي لاتنسون التصويت والتعليق بين الفقرات.. .  قراءه ممتعه احبكم 💙

هذوله احنا.. للماعرفوا ملامحنا ولانشدونا متغيرين.. تعبانين.. لاميتين
صار سننين من متنه..

....
أحمد؛ الليل كله ماكدرت انام اريد بس يصير الصبح واطلع لبغداد أريد اعرف ولو أقل معلومه تثبتلي صحه كلام مريم صارلها كم يوم ويانا كل مره اشوفها لو اسئل امي عليها تكون هي أحسن بنيه بس داخلي مامرتاح لازم اتأكد

صليت الصبح وصارت بالسته دزيت رساله لرائد كتبتله انا طالع لبغداد
طلعت لبغداد لمسقط راسي ووذكرياتي كلها بيها بكل شارع وبكل دربونه الي ذكرى  وصلت  ورا ماافتريت كل شوارعها صار اكثر من سنه ماجاي لهنا روحي حنت الها  وصلت للمنطقه السمتها مريم والي كانت عايشه بيها بيوتها نص ونص لاحيل فخمه ولاتعبانه طبكت سيارتي ونزلت يم محل
أحمد؛ السلام عليكم عمي
ابو المحل؛ وعليكم السلام وليدي
عمي اريد اسئلك اكو رجال هنا اسمه علي أبو مريم
كلولي هنا عايش
_ياوليدي هواي هنا علي منو بيهم تقصد
أحمد وهو محتار؛ عمي اعرف اسم بنته مريم ومتزوج نسوان اثنين وحده من النجف گالو
_ها تقصد ابو احمد اي اي بويه بس هذا خطيه توفى من زمان واهله من بعد فاتحته هم راحو بس گلي شرايد منهم
_ هاعمي عندي امانه الهم زين ماتندل وين هسه
_يابويه والله ماعرف بس ابو سجاد اكيد يعرف اني ادليك عليه
أحمد؛ ومنو ابو سجاد
_يأبه هذا جارهم قبل وحتى بت ابو احمد كانت عايشه يمه اذكر شايف هذا الفرع ادخل بيه ثالث بيت هو بيت ابو سجاد
أحمد؛ مشكور عمي تعبتك
_العفو وليدي تدلل
وصلت لباب البيت كان طابقين بس مبين بنيان قديم اباوع للساعه بعدها ب تسعه وتص الصبح
متحير ادك الجرس لو عيب الناس نايمه هسه اكيد ازعجهم خل ادك مره إذا مافتح ا ارجع ورا ساعه الهم
دكيت الجرس وفتحتلي الباب مرة يطلع عمره بالاربعين
أو أكثر شويه
أحمد؛ السلام عليكم
ام سجاد؛ وعليكم السلام تفضل رايد شي
أحمد؛ ابو سجاد موجود كليله خطار جايك 
ام سجاد؛ هلابيك يمه تفضل هسه يجي
دخلتني لاستقبال وأجا ولد يطلع عمره بالعشرين سلم وجاب ماي وريوك تشكرته واكلت وياه ناس طيبين
أحمد؛ اني تعبتكم بس ابو سجاد وين صار وراي طريق طويل
سجاد؛ الوالد عنده دوام هسه بعد الصلاه هو يجي خل نسولف حتى يخلص الوقت
شكلك مال ضابط مو هيج؟
أحمد؛ لا والله اني دكتور  وانت شنو تدرس
سجاد؛ اني معهد طبي قسم أطراف ومساندة طبيه
أحمد؛ زين خوش قسم
سجاد اي ومعهد سنتين واخلص ماأحب الدراسه  شلون انتم الدكاتره تتحملوها ماادري
أحمد؛هههه نتعود اصلا هو الطب كله تعب مو بس الدراسه كل خطوه بيه تعب أكثر من القبلها
سجاد؛ اي َالله يساعدكم بس فلوسه زينه
أحمد؛  الحمدلله
دخل ابو سجاد رجال كبير يطلع عمره بالخمسين وجها بشوش ومريح
ابو سجاد؛ السلام عليكم ياهلا بخطارنا
أحمد؛ وعليكم السلام هلا عمي
ابو سجاد؛ اهلا بيك كعد وارتاح وكال يلا بابا سجاد كللهم على الغدا
أحمد؛ لا عمي مشكور هسه تريكنا انا وسجاد بس عندي موضوع وياك وراي طريق طويل اريد ارجع قبل الليل
_تفضل گول خير يابه
_عمي اني اجيت اسئل على بيت ابو مريم وكالو انت ادرى الناس بيهم
_منو ابو مريم تقصد علي الله يرحمه جارنا قبل
_اي عمي هو
_اي بويه وصلت گول
اني عندي امانه الهم وكالو زوجته بعد وفاته اخذت أطفالها وراحت ومحد يندل بيتهم
_انا اندله بس شنو من امانه يعني اقصد لابوهم هي
_اي عمي سالفه قديمه بس اريد العنوان منك
ابو سجاد وجهه بهت متفاجئ _انت رضا؟
أحمد؛باستغراب : لا منو رضا
_ها لابويه شبهت عليك عبالي ابنه رجع
أحمد؛ ليش وين هو مفقود
_لاياريت لو مفقود هذا ابوهم الله يرحمه من كان عايش حالته كانت تعبانه اضطر حتى يبيع ابنه وبنته  الزغيره علمود يعيش بالفلوس الياخذها منهم
احمد بصدمه ؛ صدك عمي وين اكو هيج ابو
_ اي والله يأبه وحتى كانت عنده بنيه جبيره راد يبيعها لو مامات بالانفجار يابويه الفقر حيل أذاه وتزوجله مره مو راحه اذته واذت أطفاله اليتامى وحتى من مات شمرت بنته وخلته بالبيت بوحدها
بقت يمنا كم سنه تقريب أكثر من خمس سنين وبعدين اجت اخذتها ماعرفت شنو السبب  البنيه كانت يمنه مثل الورده والله شاهد عليه مافرقت بينها وبين بنتي ليش راحت ماعرفت
أحمد اباوع لسجاد راسه مدنكه ووجهه مثل الطماطه صار
أحمد؛ زين عمي وهسه ماتعرف ووين بيتهم؟
_اعرف عنوانه القديم واني قبل شهر احجي ويا مريم وبعدها ماكو انقطعت أخبارها إذا مانتقلو منه فاعرف مكانهم
أخذت منه العنوان وتشكرته  وطلعت للنجف واني راسي يفتر شنو من أب كان عدهم وشلون مريم كدرت تتحمل كل هذا الصار بيها شكد ماانا عشت عذاب بس يم عذابها يهون ياربي دخيلك كل مااذكر كلامه احس جلدي يكزبر وين اكو اب يبيع اولاده  وصلت للعنوان مو هواي بعيده عن بيتي وكفت كدام الباب باوعت بيت كبير اجيت ادك الباب ووكفت متردد فزيت من صفنتي على صوت وراي
گال اتفضل رايد شي
أحمد؛ هزيت راسي بحيره وگلتله لا ماريد شي
صعدت سيارتي وطلعت لبيت امي دخلت ودكيت باب المطبخ
مريم فتحته وهي مبتسمه اهلا دكتور
أحمد؛ اهلا بيج مريم شلونج
_الحمدلله بخير
_وين أمي؟
راحت لجارتها ام علي ابنها متزوج وراحت تأدي الواجب
أمس كلت ماتجينا اليوم عندك سفر
_اي والله هاي رجعتي وميت تعب
_اها الله يساعدك اسويلك غدا
_ويساعدج اي جوعان إذا ماتصير زحمه
_سويت الغدا واني احس نضراته تختلف اليوم عنده شي يريد يحجيه
واني هواي عندي اسئله بس استحي اسئله
اتمنى اعرف منو الدكتور أحمد شنو سبب كل هالطيبه العنده انسان مستحيل اكو مثيل إله حتى من احجي وي خاله اتردد اسألها عنه
خليت الغدا وهو أجا ينشف بشعره انتبهلي وگال ألمي كولش دافي سبحت بلكي يروح التعب
كعد وكال تعالي وياي اتغدي
_لا بالعافيه عليك متغديه
لعد تعالي يمي اكعدي لا تروحين