تجارة ابي..

بارت 15

بارت 15
بقلمي زينب عرمان
لاتنسون التصويت والتعليق بين الفقرات بناتي
........
حلفوني بعيني وماگلت الصحيح
وحلفوني بعينك وماجذبت
.........

مريم
وصلنا لبيت صديق احمد واني متحمسه شگد مايحجي بيهم احمد يسويلك واهس بس حتى تتعرف عليهم
استقبلنا بالباب رائد ووالده بعد ماتصافحوا ابو انور واحمد بحراره وسلم على امي التفتلي ابو انور وهو يحدد واحد واحد بالسلام
رياض _السلام عليكم بنيتي شلونج ان شاء الله بخير
مريم؛ وعليكم السلام عمو الحمدلله
_كل هلا بيكم اهلا وسهلا اتفضلوا بابا
رفع صوته وصاح ام انور حجيه تلگي خطارج..
اجت ام رائد وياها مره نفس عمرها استقلبتنا
ام انور بوجهه بشوش يخبل والوياها نفس شخصيه ابو انور وتشبهه حيل بالملامح
ام انور باوست امي واني ؛ كل الهلا حبيتي اتفضلي يروحي هنا تعالن اتفضلوا اتفضلوا عيني
تمشي گدامنا تهلي وتأهل بينا ودخلنا للهول
گعدت يمنا ام باقر بعد ماعرفتنا بنفسها
ام باقر؛ كل الهلا بيكم يسولفنا رائد ومايسكت من طاريكم روحة متعلگه باحمد خطيه شگد يحبه
ام احمد؛ اي واحمد نفس الشي ماعده غير رائد يگول حاسبه اخوي مو صديقي
ام انور نزلت المي والضيافة
ام انور؛ الله يحفظهم ان شاء الله ويفرحنا بيهم
گعدت يمي
يازين مااختار احمد بعد عيني ماشاء الله
منين انتي يروحي؟
مريم؛ من بغداد بيتنا هناك
ام انور؛ يا شجابج لهنا لعد؟ شنو اقارب لو بالمستشفى وياه
ام احمد؛ قسمه جمعتتهم والله كاتبلهم يتزوجون لااقاربه ولا وياه
ام باقر؛ حامل انتي ؟
مربم؛ اي الحمدلله
ام باقر؛ الله يتمملج عيوني
ام احمد؛ الله يسلمج
سكتت امي شويه وگالت
ام احمد؛ ماكو بنيتج ماشفناها بالدوام؟
ام انور؛ لاو الله خطيه تعبانه هسه اجت وصعدت نامت ماتدري بيكم اجيتوا
ام احمد؛ خطيه الله يساعدها عوفيها تنام ترتاح هي يمتى زواجها
ام باقر؛ ان شاء الله عن قريب مابقى شي كل شي كامل بس يعقدون محكمه
التفتت لام انور وهي مبتسمه_وناخذ نورهم ونخلي بيتهم ضلمه
ام احمد؛ منور بالموجودين ان شاء الله وهي مو بعيده هنا انتم انتقلتوا للنجف مو
ام باقر؛ اي انتقلنا صار فتره طويله هنا دقائق مو بعيده
ام انور؛ هي ببيت عمتها وانا اعرف باقر وامه شنو بس كل هذا وابقى شايله همها تجي ساعه اريد اگللهم بطلت بتي ماانطيها
ام احمد؛ گلب والده معذوره
ام انور؛ خيه تعودت بنيتي بأكلتي وشربتي ضحكتي ودمعتي وبكل شي وياي نوره
نوره اختي وصديقتي قبل لاتكون بنتي
ماگدر افارگها من اتروح للدوام وتجي مفرفح گلبي عليها وهسه تريد تفارگني وتعيش وي اخوها يمه وانا لااگدر اگللها لا هذا حقها ولاگدر اگول اي گلبي مايطيني
هزت راسها ام احمد؛ هذا دربهن وقسمتهن كلنا على هالدرب لاتعرضين بقسمتها ادعيلها الله يسهل الها
ام انور؛ الحمدلله گلبي متطمن هي يم عمتها ومثل گلبي عليها والله حنينه ام باقر مو گدامها بس انا دائما اگول ام باقر شايله گلب والده وتحن عليها
وباقر ترباتها بعد
ام باقر؛ بعيوني اخليها وباقر انتي تعرفينه وتدرين شگد هايم بيها يشوفها ويضحك سنه يگول روحي ترد من اشوفها