ظلم (رويات ليبيه )

الحلقه20(الاخيره)♡

ظلم ❤️
الحلقه 20والاخيره🫂❤️
الكاتبه: Ra.Mh. so.Mo❤️

فرج شاف دكتور يجري لغرفت روان او وره ممرضات ف المستشفى
فرج يعيط : خيرها شن فييي يادكتتتتور
جت نوران : فرج خيرك شن في
فرج بيحكي طلعت ممرضه تجري
نوران : لو سمحتي شن فييي
ممرضه : حلتها تعبت واحتمال تخش غيبوبه
نوران : ينعليا اختييي 😭
فرج😳😳😳😳
مشت الممرضه ونوران تبكي وفرج من الصدمه قعمز ع وطى ويبكي ها راجل يبكي يعني مفش راجل يبكي خيره مش انسان هوه كان يموت فيها معا المشاكل الي صارن بس المشاكل تقوي العلاقه وفرج كان يعشقها
وناض فرج بعد شاف الدكتور طالع
فرج : دكتور كيف حالها باللهي طمني عليها
دكتور كان واجعه حال فرج : الحمدلله تخطت الخطر وتوه بننقلوها لغرفه تانيه كانت ع وشك تخش ف غيبوبه بس الحمدلله ناضت
فرج سجد لربي : الحمدلله الحمدلله
ونوران تبكي من الفرحه : الحمدلله ياربي
بعد 3ساعات ناضت روان وخش فرج او نوران
فرج : الحمدلله ع سلامتك ياعمري
روان بصوت دوبه طالع : الله يسلمك
نوران جت وحضنت اختها : حمدلله ع سلامتك حبيبتي خوفتينا عليك
روان ضحكت :  الله يسلمك يعني رايفتولي 🤭
نوران : اي والله مكانك فاضي
روان شبحت لي فرج الي يتأمل فيها وكان فرحان هلبا : وين البنات
نوران : في الحوش توه نمشي نجيبهن
روان : اها تمام
طلعت نوران او فرج قرب لروان وهوه مشتحشها
فرج شد يد روان : حبيبتي خوفتيني عليك هلبا
روان : اسفه خوفتك عليا حبيبي
فرج باس يد روان : استحاشتك هلبا ياقلبي
روان : وانا اكثر ياعمري
فرج يشبحلها وكأنه له هلبا مش شايفها : عرسنا مزال عليه اسبوعين بس تبي ناجلو لين تصحي ولا لا
روان : لا حبيبي بنديره معا خواتي
فرج : تمام ياعمري
ورن نقال فرج
فرج : ايوااا
.....
.
.
.
عند نوران وصل للحوش ولقت خواتها رقدات نوضتهن
نوران : ورده نوضي هيا روان ناضت وتراجي فيكن ف المستشفى
ومشت تنوض في ريان : ريااان نوضي
ريان : ها شن صار ف روان
نوران : الحمدلله ناضت هيا نوضي تسأل عليكن مبكري بنشيلكن لها
ورده : اففف دبنها كويسه خلينا نرقدو نعسانه وساعه 7رااه
نوران : تي نوضي ياكلبه احسن مانعطيك طريحه
ورده : اافففففف وناضت مشت للحمام وريان تكسل مزالت نعسانه
.
.
.
عند ملاك كانت راقده جتها امها
امها : ملاااك نوضي خوك لحدت توه مروحش وين مشى
ملاك تافأف : افف ياماما قاعد ف المستشفى
امها بخوف : هييييا خيره وليدي ينعليا شن صايرله
ملاك قعمزت من صوت امها وخوفها : تي هوه كويس لاكن روان ضربتها سياره وشالها وقعدين ف المستشفى
امها : ينعليا بنيتي شن صار فيها وووواه كنك تحكي ببرود انتي يقول مش مرات خوك حي عليا البنيه صغيره مزالت حي ربي يحفظها ومشت رنت ع فرج
تررررن تررررررن فرج رد
فرج : أيوا
امه : وينك ياوليدي وكيف حال روان ان شاءالله بخير
فرج : الحمدلله اهي ناضت
امه : باهي تعال خودني نشوفها
فرج : نوران جايا تاخذ خواتها شوفيها تو تأخذك معاها
امه : تمام ياوليدي سلملي ع روان وحمدلي علي سلامتها
فرج : تمام
فرج يحكي لروان : تسلم عليك امي وقالتلك الحمدلله علي سلامتك
روان بتعب : سلمك وسلمها ، الله يسلمك
.
.
.
عند ام فرج رنت ع نوران
نوران : ايوا عميمه
ام فرج : اهلين بنيتي كيف حالك الحمد لله علي سلامت خيتك
نوران : تمام الحمدلله وانتي الله يسلمك
ام فرج : قتلك يابنيتي  انتي طلعتي ولا مزال
نوران : لا مزال اشويه وطالعه تبي حاجه
ام فرج : باهي معناها نمشي معاكم نساول ع روان
نوران : تمام ربع ساعه ونرن عليك
ام فرج: تمام
بعد ربع ساعه طلعن البنات وخذن ام فرج معاهن ومشن للمستشفى كسدن معا اختهن وحمدللها علي سلامتها وتاني يوم كتبو خروج لروان
.
.
.
بعد اسبوعين جا يوم عرس البنات في صاله درنها معا بعضهن ملاك &روان& ورده& نوران& ريان
قعدات كل وحده ف كوافيره عند نوران كملت وطلعت تهبل ورنت ع امير عشان يشيلها للصاله
نوران : الو حبيبي
امير : عيون حبيبك كملتي
نوران : اي تعال
امير : هيا ف الطريق
وجا امير ومشت للصاله
وعند ريان كملت ورنت علي معتز
ريان خايفه هلبا : الوو
معتز : أيوا ياعمري
ريان : حبيبي كملت نا
معتز : نعليا مش مصدق اليوم تكوني ليا ومراتي وأم صغاري
ريان : ربي يحفظك ليا ياقلبي
معتز : او يحفظك ليا هيا شويه وجايك ياعمري
ريان : تمام حبيبي
عند روان طلعت تهبببل بالفستان وميكب بتاعها وطبعا فرج يرجي فيها قدام. المزين وسيارته مزينها تهبل
روان رنت عليه ورد
فرج بصوت الرجولي : ايووا
روان : الو حبيبي وينك
فرج : قاعد نراجي فيك قدام المزين اطلعي كان كملتي
روان : باهي هي
وعند ورده&ملاك مشن لنفس المزين وطلعن يهببلن هنا الاثنين وكل وحده جاها عريسها وطلعن هنا الاثنين
ورده & فارس
ملاك & محمد
وصلو للصاله اول ماحشت نوران تهبل وبعدها ريان وبعدها روان وبعدها ورده & ملاك معا بعض كانت صداقتهن قويا هلبا
خشن قعمزن هنا ال5لحدت ما جت فايزه والبنات انصدمن
فايزه دموعها ينزلن وجها شااحب بكل : نوران
نوران : عمتي فايزه شن في
فايزه. : بنات سامحني غلطت فيكن وزعلتكن سامحني انا درت فيكن هكي وربي عاقبني وبنتي قتلها ولدي عمر وعمكن توفى
نوران : عميمه الله يسامحك ونحنا مسامحينك
فايزه تعنقت نوران وقالتلها : بارك الله فيكي وبجديات هلك محظوظين فيكن  الله يرحمهن
والبنات كانن يسمعن او وجعتهن مرات عمهن
قلو امير بيخش وخشن البنات لغرفت العروس وخش امير
نوران كانت مصبيه تراجي فيه جا امير  او خوللها الطرحه من وجها وباس راسها بحب ولبسلها الخاتم وقصو من التورته او وكلها وطلعو
وبعدها ريان وخش معتز ولبسها خاتم وطلعو
وبعدها روان  قعمزت ع كوشه وقالو فرج بيخش وخش فرج وشخصيه ويهبل وروان غايره عليه من تبحيت البنات عليه فرج حول الطرحه من وجه روان
فرج : نعليا من قلبي الي تهبل قصدكم هضى كله ليا وحلالي
روان ضحكت : وقالت ليش متانق هكي انت
فرج عرفها غايره ضحك : متانق لحبيبتي معقوله تشوفنش متانق
روان : بس كلهم يشبحولك 😒
فرج ضحك وقرب منها باسها ع👄 والبنات يعيطن
وبعد ضحكلها : شنو تو
روان ميته من الحشم وركبت ام فرج قالت لبس البنت واطلع ياوجه الفضايح🤨
ضحك فرج وروان متت من الحشم قدم عمتها وخبطت فرج ع يده بشويش:  بارد
فرج ميت ضحكك: هيا نلبسك ونكملو ف الحوش🤣🤣
روان متحشمه لين خلاص : بطل قلة ادب😳
ولبسو خواتم وطلعو وبعدها طلعت ملاك وجا محمد ولبسها وطلعو روحو وطلعت ورده ولبسها وروحوا
وبرا بيبات وجو
.
.
.
بعد كم سنه في مزرعه بات فرج عازمهم كلهم
سليمان الصغير يشد شعر اخته : من قالك تلعبي مع العيال
رزان تبكي : حول ياماماااا😭😭😭
روان جتها تجري : ياحيوان سيب اختك فرررج تعال لسليماان
سليمان الصغير : تي تلعب معا العيل شنوو هضى
فرج جا : خيرك صوتك عالي
روان بطنها قدامها  : سليمان يضرب ف اخته
فرج شبح لسليمان : ليش يابابا هذي خيتك صغيره
سليمان : تي ياباتي تلعب معا الولاد
فرج : اي معاك حق انتي من قالك تلعبي معا الولاد
روان فنصت : تي شنو معاه حق بدال ماتقوله معش تضرب اختك تقوله معاك حق 😤
فرج : اي معاه حق من قاللها تلعب. معا عيال
روان : تي صغيره شنو من قاللها
فرج : خليه يربيها
روان رقيتلها : تي شنو وانت شن قاعد تدير هااا😠
فرج : خيرك رقيتلك راهو صغار
روان كشخت  عليه ومشت
فرج 🙃
عيسى قاعد هوه ونور معا بعضهم
عيسى بأس نور ع خدها
نوران : حي علي امه ولدك يااريان القليل الاذب
امير يضحك
ريان : شن بنديرله مكبد رسمي هضى
معتز هوه وامير مطربقين ضحك
نوران : نووووور تعالي هنا ياكلبه
نور جت : نعم ماما 😊
نوران : شن كنتي تديري😠
نور : نلعبو ياماما في صبايا هوه راجلي ونا مراته
نوران : شن اللعبه هذي اخر مره تلعبي معا ولاد سمعتي
نور زعلت وقعمزت : اصلان انتي وبابا ديما تلعبو فيها😔
نوران تحشمت قدام الشباب وهما مطربقين ضحك
نوران : سكري فمك ياكلبه
امير يوشوشلها : خيرك البنت ماقالت الا الصدق
نعرفك علي عيال البنات
نوران عندها نور عمرها 5سنين
ريان عندها بنت او ولد عيسى عمره 6سنين وساره عمرها 3سنين
روان عندها ولد او بنت وحامل شهر الخامس ولد سليمان 6سنين وبنت رزان  سنتين
ورده عندها بنتين تؤم او ولد جنى وجينان عمرهن 4سنين سالم عمره 3سنين وحامل شهر السابع
ملاك طولت ف الحمل وبعدين حملت جابت 3بنات وتوه حامل ف الشهر الثالث صفاء 3سنين استبرق سنتين ولاء سنه

النهايه😊❤️
ان شاءالله تكون نالت اعجابكم وانتضروني في روايه جديده وتفاعلو بليز