ظلم (رويات ليبيه )

الحلقه 2❤🔥

روايه :ظلم
الحلقه:2
الكاتبه:Ra.Mh. so.Mo❤️

ساره : شفتي يا ماما😒
فايزه :خير شن في 😒
ساره: عمي مصطفى راكب لشقته معها شوكلاطات للباردات الي فوق
فايزه: شفت يصرف في فلوسه على حاجه مالهنش فائده 🤨
خالد : من وقت ما خلف البنات هدينه وهو يعزق في فلوسه
ساره : الصيعه الي اسمها نوران بيته برا اليوم
فايزه : ههههي وين بيته
ساره : بيته في المستشفى مع نوال صحبتها
فايزه : كيف يخلي البنت تبت برا ريت خوك يا خالد
خالد : انا مليت من مصطفى هضا
فايزه : رن عليه خليه يروح البنت و يبطل يصرف فلوسه علي الفاضي و المليان 😠
خالد مسك تلفونه يرن علي مصطفى
___________________________________

مصطفى قاعد يهدرز مع ورده علي المدرسه و الإمتحانات و ريان&روان يكلمن في نوران & نوال فيديو ؛رن تلفون الحاج مصطفى
مصطفى:إن شاء الله خير
البنات: من؟؟
مصطفى : خالد ....... الو سلام عليكم
خالد : معقوله يا راجل تخلي البنت تبت برا
مصطفى: و عليكم السلام ورحمه الله وبركاته
خالد :😒 كيف البنت تبت برا ماعندنش بنات يبتآ برا
مصطفي : البنت بيتا مع صحبتها في المستشفى ما فيها شي
خالد : لا فيها وبعدين معش تصرف فلوسك شن استفاد لمه تصرف فلوسك علي حاجات ملهمش فائده
مصطفى: هدينا فلوسي و بناتي انا حر فيهن
خالد : كيف حر فيهن نحنا ما عندنش بنات يبتآ برا روح البنت
مصطفى: شكلك فاضي جاي تكسد عليا و صكر في وجه
ريان : كنه يا بابا
مصطفى: ما في شي مشكله و انحلت
ريان بحتت في روان و ورده بمعني اطلعآ
البنات طلعآ
ريان: كنك يا بابا شنو في؟؟
مصطفى: قالي عليش البنت بيته برا ما عندنش بنات يبتآ برا!!
ريان : كيف عرف؟؟!
مصطفى : مش عرف ؟
ريان : اكيد قلتها له السوسه ساره صحبتها تكون اخت نهاد
مصطفي: من نهاد صحبته نوران
ريان :اهممم حسبي الله ونعم الوكيل فيها
مصطفى : ما تحسبنش علي البنت بالكي ظلمتيها
ريان : لا حول ولا قوة إلا بالله ... وشن قصته الفلوس
مصطفي : قالي ما تصرفش فلوسك علي حاجات ملهمش فائده
ريان : ماتحطش في بالك كله توا يرد فيهم
مصطفى: إن شاء الله خير
و آذان المغرب
مصطفى: انا ماشي الجامع
ريان : باهي تمام
و طلع الحاج مصطفى .... خشآ البنات يجرآ للدار
روان : كنه عمي خالد ؟
ريان :حكتلها
ورده & روان: ههههههههههي
روان: وين عدا بابا
ريان: للجامع
ورده : ييييياي نكد علي بابا الله ينكد عليه
............. شنو ريكآ نديروا بيتزا بابا يحبهاا
روان : فكره سمحه شنو رايك يا ريان
ريان : انتآ ديرآ انا توا انكلم نوران و انجي نساعدكن
ورده : به تمام هيا صبي ي روان
روان : هيا
خشن روان و ورده للمطبخ و خشت ريان الدار تكلم في نوران
نوران : كنه عمي خالد؟؟
ريان :حكتلها
نوران : هيييي ريتي من قاله اكيدا ساره
ريان : اكيدا
نوال : ماتوقعتش عمي يطلع هكي...... كان هكي روحي يا نوران
نوران : لالا وين نروح قاعده علي قلبك في المستشفى 😂😂
ريان : لالا خليكي يا نوران مادام ما بابا ماتكلمش
حتي انتي ماتكلمش
نوران : أيوا
ريان : كان انتي روحتي توا و سمعتي كلمهم توا يسحبوا أرواحهم أنهم مشوا كلمتهم علينا
نوران : أيوا نقعد خير ..... غريبه ورده ملهش صوت 😂😂
ريان : طيب في بيتزا هيا و روان لبابا 😂
نوران : اها غاليه عليه البيتزا حتي نا خطري فيها
ريان : توا نعقبولك منها
نوران : يا ريت يا ريونه 🤍😍
ريان : من عيوني توا هيا وجك 🤍😂
نوران : باهي تمام ... قتلك بصوت عالي
ريان : صوتك صوتك قاعده في المستشفى 😂😂
الممرضه : معلش الصوت في مرضه غيرك في المستشفى
نوران : معلش اسفه
نورال&ريان :😂😂
نوران : بابا
ريان : كنه ؟؟
نوران : يبي يعلمني السواقه بكرا
ريان : صاااح احلفي
نوران : ولله
ريان : مبروك مقدمآ يا قلبي 🤍💫
نوران :الله يبارك فيكي🤍
ريان :هيا مع السلامه نبي نساعد البنت 🙂
و صكرته
ريان : شن درتآ يا بنات
______________________________

خالد : صكر في وجي
فايزه : ههههي كيف يصكر في وجك انت خوه الكبير 😱😱
خالد : 😡😡
فايزه : هضا تخطي حدوده واجد كيييف يصكر في و جك
صباح :كنكم شن في
ساره : نوران بيته برا لما بابا قاله ماعندنش بنات يبتآ برا عمي مصطفى صكر في وجه
صباح : حرام عليكم سيبوا الناس في حاله ما دخلنش بيهم
خالد : سيبهم و طلع ولع السياره و عدا
فايزه مسكت النقال ترن علي نجمه
فايزه : الو يا نجمه عرفتي شن صار
نجمه :خير شن في ؟؟
فايزه: كلمي خديجه و تعالي توا نحكيلك .
نعرفكم علي باقي العائله
الكبير خالد مراته فايزه
وعيله:
عمر 1990/عمران1991/صباح 1992/ساره 1995
العم التاني حسن مراته نجمه
وعيله:
زيدان1991/أمير 1993/سيرين1998
مصطفى مراته صالحه متوفيه من 2007 بناته:
نوران 1997/ريان1998/روان 2004/ورده 2007
العم الصغير علي و مراته خديجه عندهم وفاء 2001/ليله2002 /سعد2010/سعيد 2011
________________________

صح الحلقه مش طويله بس أن شاء الله الحلقات الجايه اطول 🤍

الكاتبه: Ra.Mh. so.Mo❤️