ظلم (رويات ليبيه )

الحلقه12❤🔥

الظلم❤️
الحلقه 12💔🙁
الكاتبه :Ra.Mh. so.Mo❤️
متابعه لصفحتي ❤️

عند ساره حكت الامها كل شي صار معاها
امها تخبط علي وجهه : ينعليا شن يقولو علينا الناس فضحتي بينا وتمت تضرب فيها لين خش بوها وساره تبكي بس
بوها : شن في يافايزه خيرك معا البنت
امها : ينعليا ياخالد بنتك جابتلنا العااار ياخالد 😭وحكتله كل شي
بوها من الصدمه معش عرف يحكي ولا يضربها طاح بطوله
وساره & وصباح يعيطن وامها تنوض فيه وتعيط وتقول لساره قتلتي بووك ياكلبه وساره تبكي بالعبره وشالو خالد للمستشفى بعد ربع ساعه طلع الدكتور
فايزه : شن صار يادكتور
دكتور : هوه جايته صدمه والصدمه سببتله جلطه ف المخ
فايزه تمت تبكي وتضرب. في ساره كله منك ياكلبه كله منك 😭😭😭
.
.
.
.
عند نوران روحت من مستشفى ومشت روحت بريان
نوران : شن جو الشغل معاك ياريان
ريان : تمام حال تعب
نوران: اي والله تعب خذيت معاشي وبندفع الاجار شهرين
ريان : اي تريحي منه ،تعرفي جعانه
نوران : تو نتكو ع مطعم وانزلي جيبيلنا سندوتشات علي مارنيت ع بنات سألت عليهن
ريان تمام وصلو للمحل ونزلت ريان بس هنا كانت صدمه لريان
ريان : انت 😭😭
....: ريان اسمعيني وعطيني فرصه بالله عليك
ريان بتطلع مسكها من يدها
ريان: اطلق ايدي معتتزز 😡
معتز : مش حنطلق لين تسمعيني
ريان: شن بنسمعك بعد خنتني وكذبت عليا
معتز : انا ندمت والله نحبك واكتشفتها متأخر باللهي عطيني فرصه وحانعوضك علي كل شي درته
ريان : معتز كل شي بينا نتها اطلق ايدي
معتز:  مش حنطلق لين تعطيني فرصه
ريان : بعد شنو نعطيك فرصه بعد طلعتني وحده رخيصه ولا بعد قتلي انتي مش متربيا توه كيف بتاخذ بنت هه حتى بوها متوفي لاعندها سند ولا عندها من يوقف معاها كذا حول
معتز : بوك توفى؟؟؟
ريان : ميخصكش حول يدك احسن مانلم عليك الناس
معتز : مش حنسيبك لين تعطيني فرصه واللهي مش قادر نعيش بلاك ولا قادر نرقد زي الناس وكل انسان يغلط عطيني فرصه نصحح غلطتي بالله عليك ياريان
( ريان كانت تحب معتز هللبا بس بعد كذب عليها حاولت تكرها مقدرتش )
ريان : تمام نعطيك فرصه بس اخر فرصه والله لو درت اي شي معد تشبحني🙁
معتز تعنقها من الفرحه ونسى الناس الي جنبه ريان دفاته : حول اشبح الناس كيف يشوفولنا 😐
معتز : اسف والله من فرحتي معش حسيت بروحي شكرا ياريان
ريان سيبته ومشت بتطلب غداء وهوه يشبحلها وبس
.
.
.
.
عند نوران رنت على روان
روان معا فر في السياره او ماشيين للبنات ف المدرسه رن نقالها
روان : حي نوران اكيد روحت تقول وينكن
فرج : قوليلها دوبنا طلعنا من محاظره وماشيين للمدرسه
روان : تمام
نوران : ايوا روان وينكن روحتن ولا
روان : توه بناخذو البنات من مدرسه
نوران : كييف عارفه ساعه كم انتي توه
روان : اي دوبنا طلعنا من المحاضره خيرك
نوران : بسرعه راهو اكيد برا يراجن فيك
روان : قريب نوصلولهن
نوران : تمام نتلاقو ف الحوش
.
.
.
عند امير & فارس معا البنات ف المدرسه
ورده : خيرك شن تبي جاي بعد هلك لزونا شن تريد في وجهنا
أمير: والله ماكنت نعرف بيلزوكم ليا واجد ندور فيكم
ورده : به أو لقيتنا شن تبي توه
امير : تبي نحكي معا نوران ياورده انا عمري مادرتلكم حاجه لو هلي لزوكم انا شن ذنبي انا لنهار اليوم حتى نخش للحوش منحكش معاهم
ورده : باهي من ماسكك وقالك متحكش امشي احكي معاهم
امير فقد الأمل: ورده متكسرش بخاطري بالله عليك
ورده : شن تبي منا انت
امير : تي انا نحب نوران من وانا عمري 15سنه وبنطلبها من بوك خفت يرفض ساعديني خليني نحكي معا نوران
ورده : تمام انساعدك بش شهاده من ديني تكذب ع اختي او تجرحها ميصيرلكش خير
( ورده تعرف ان اختها تحب امير من قبل بس نوران مبتش تدوي لحد عشان كان في مشاكل بين الخوت فا مبتش تزيد مشاكل )
امير : مستحيل نجرحها تي نا نحبها مغير وصليني فيها
ورده : تمام
وجا فرج شاف شابين وقفين ع ورده & وملاك استغرب ونزل رقيتله يحساب ينبشو فيهن  وروان حقت امير ومعاه شاب : ربي يستر
فرج : شن في ياورده وملاك وهوه يفنص
ملاك خافت من خوها وسكتت
ورده : فرج هضى يكون امير ولد عمى حسن
فرج : اها وخيره شن يبي
أمير: جاي نشوف في بنت عمي انت من
فرج : انا
وقطعت عليه ورده : هضى يكون ولد جيرنا وخو صاحبتي خلاص هيا فرج نمشو خيركم طولتو
فرج وهوه يشبح لامير : كانت عندنا محاضره اضافيه 😒
ورده : باهي هي
امير : ورده
ورده : نعم
امير بصوت واطي : عطيني رقمك
ورده : تمام سجل عندك ********09
وهوه يكتب وفارس حصل فرصه بياخد رقمها  كتبه 😂
طلعت ورده &ملاك معا فرج وركبن السياره لاورا
روان شبحت لورده : امير شن يبي
ورده : قال يسأل علينا ويدور فينا توه كيف حصلنا
روان :  اها
ملاك استغربت ماقلتش لروان ع انه يبي نوران وشبحت لورده
ورده تدويلها بصوت واطي : متحكش شي تو بعدين نقولك ليش
ملاك : تمام
روان تشبح لفرج وهوه يبتسملها وصلو للحوش ونزل البنات وروح هوه وملاك للحوش
.
.
فرج خش للحوش او وراه ملاك : السلام عليكم
امه : وعليكم السلام خيركم طولتو
فرج : طلع عندي محاضره ثانيه  وطولت عليهم
امه : اها  باهي نحطلكم غدى
فرج& ملاك : ياريت
حطت امه الغدى وكلا هوه وملاك وركب لغرفته. غير دبشه ورن علي روان
.
.
.
عند روان بعد روحت دوشت وجعانه هيااورده
روان : جعانه بككككل🙁
ورده : حتنا تو تجي نوران وتجيبلنا حاجه نكلوها
رن نقال روان لقاته فرج
روان بدلع  : ألوو
فرج : ناعليا من الصوت الي امهبلني
روان بخجل : كيف حالك
فرج : بعد سمعت صوتك قعدت احسن
روان : دووم
فرج : يدوومك ليا ها تغديتي
روان سكتت شويه وبعدين قالت : لا
فرج استغرب : خيرك ليش ماتغديتي تحسي ف حاجه ولا شنو
روان : لا مفش شي الحوش ونراجو ف نوران تروح تو تجيب غدى
فرج : وليش ماقلتيلي راه روحتن معانا تغديتنا
روان : لا صحيت بس تو تجي نوران ونتغدو متدورش
واصلان معندش نيا نا
فرج اذكر لمى قاله الدكتور عندها هبوط هذا عليش متكلش ظايق بكل ومبش يبينلها: باهي الايام الجايه بندوي لأمي عليك
روان : زعما توافق
فرج : اكيد أملا شنو وانتن عجباتها وديما نشكر فيكن
روان : اها ،وتمو يهدرزو
.
.
.
في المستشفى خالد جاته جلطه وفايزه داخت عليهم وقالو جاها الضغط وتعبانه وساره خشت في حاله اكتئاب ولمى سمعو خوتها حاولو يقتلوها بس امها حزت عليها وقالتلهم اول واحد يجي ولو كان شايب نعطوها
.
.
.
عند ريان بعد جابت الغدى روحن للحوش وهيا تذكر ف معتز وفرحانه ونفس الوقت خايفه يرد زي قبل
.
.
ومعتز فرحان بكل وحكى لبلال كل شي صار معاه
.
.
وعبدو مشى طلب نورهان من هلها واتفقوا العرس بعد شهرين
.
.
في الكافي قاعد محمد مكسد بروحه رن علي فرج 📞
فرج : أيوا
محمد : ها ياثلب وينك مختفي انت وعبدو
فرج : والله قاعد تعال كسد عندي
محممد : هيا ف الطريق
فرج سكر منه وخش ع امه : يامي بنقولك ع موضوع
امه : إن شاء الله خير ياوليدي قول
فرج: ياأمي نبي نخطب
امه : من سعيدت الحظ
فرج : نبي روان بنت جيرانا
امه ......😳
.
.
عند ملاك كانت تسيق في السور  وتغني
اغنية"طالت الغيبة"
طالت الغيبة ماشفت فعينك😥😓☹
كتجيني صعيبة نشوف فغيرك🙁😪😧
يالمصيبة قولي وينك 😖😖😖
جاتني صعيبة انا باش نقيلك 🤕🤕😧
واش قدرتي تنساي لي بيني وبينك🙃😔😔
اي حاجة درتها غير لك💓😰😰
قاع الناس تعرف انايا حبيبك😭😭😭
وانا عليك نخاف وقاع منسيبك ❤❤❤
                            ~~~~~~~~~~~
قلبي بغا منك  la repense☹☹☹
وليت غير نسلك j'ai pas de chance 😖😖🥴
منقدرش نقولك adios 👋👋👋
وليت نعشق فيك a distance 🥵🥵🥵
                            ~~~~~~~~~~~
وها لالا.......طالت الغيبة عليا 😖😓
وها لالا.......ماسولتيش فيا ❤😫😫
وها لالا.......شكون لي بعدك عليا 😔😫😔
وها لالا.......وها لالا😥😥😥😥
وكانت تغني باحسس😂 وباب الحوش مفتوح
ومحمد كان يسمع فيها من اول ماغنت 😂😳
محمد خبط الباب
ملاك سمعت الباب قالت من جاينا توه
بحتت لقت باب مردود قربت قابلها محمد ومحمد شبحلها وهيا تحشمت وخشت تجري
ومحمد يضحك ع شكلها كيف رافعه سروالها وشعرها مشتشت😂😂
محمد تما يضبح : فرججج وينك ياراجل
فرج .......😡
#يتبع

شن يصير في ام فرج توافق ع روان ولا وشن يصير في خالد وفايزه وشن يصير في ساره وشن يصير في نوران وامير وشن يصير معا محمد وملاك وشن يصير معا ورده وفارس 😅نتلاقو في الحلقه القادمه ونعرفو شن يصير معاهم بس لو سمحتو نبي تفاعل عطوني رايكم 😊❤️