ظلم (رويات ليبيه )

الحلقه 9🥺🔥

ظلم❤️
الحلقه 9 🥺🔥
الكاتبه : Ra.Mh. so.Mo❤️
تفاعلوا وادخلوا للقروب❤️🔥

طلعو الشباب للكافي
وبنات وصلن قدام الحوش ونزلت نوران تبي تشوف الحوش وفرج كان مقعمز هوه وشباب قدم الكافي ولمح روان
فرج: هذي نفس البنت شن تدير هنا
محمد : كنك يابرو تحكي بروحك
عبدو : شكله في وحده واخذا عقلك
فرج : هذي البنت الي معانا ف الجامعه صح وبعدين مفش حد واخد عقلي
محمد & عبدو : اي صح هذي روان
فرج يشبحلهن : شن يديرن هنا
وطبعا ملاك بعد كلمت ريان قالتلها انها بوها ف غيبوبه بس مقالتش لفرج عليها
روان كانت تبكي ومنزله راسها بعدين بحتت برا شافت فرج يبحت فيها: شنو هضى وين مانمشي نلقى فيه
ورده : خيرك بسم بالله تحكي بروحك😳
روان : مفش شي امتى بتجي نوران راهو ملينا وحرقتنا الشمس ،بعد 5دقائق طلعت نوران وهيا تحكي معا راجل
نوران : انا توه معايا نص الاجار ندفعلك ولا نجيبهن معا بعضهن
راجل : لا جيبيهن نهايه الشهر وتو يجيك صاحب المحل انا خلاص اتفقت معاك بس وتوه نعطيك رقم صاحب الحوش
نوران : تمام عطيهولي
راجل : تمام اكتبي عندك *******091
نوران : تمام شكرا بارك الله فيك
نوران مشت للسياره نادت خواتها ونزلن دبشهن ونظفن الحوش وطبعا بعد خشن جا فرج للراجل
فرج : منو هذنا ياخوي
الراجل : هذنا اجرن الحوش جديد بوهن متوفي وعمامهن لزوهن كان عندكم فراشات او شي دزولهن لأنه حوش فاضي
فرج وجعه حالهن :مزال في منهم العمام الي هكي لاحول ولاقوة الابالله تمام تو نشوف هلي يعطوهم دبش وجوهم
.
.
.
.
.
عند البنات
ورده : افففف الحوش معفن بكل (حشاكم)
نوران : الله غالب نقعدو فيه لين ربي يسخر ونشتغلو ونشرو حوش
ريان : هيا روان & ورده نوضن للمطبخ ونا ونوران نظفوا الحوش
روان&ورده : تمام وخشن للمطبخ
روان : ورده
ورده : نعم
روان : تذكري الشاب الي قتلك عليه معايا ف الجامعه
ورده : اي خيره
روان : لقيته في الكافي الي مقابل الحوش
ورده : اها بالكي يسكن هنا
روان : مش عارفه 🙃
ورده : هيا خلينا نظفوا قبل ماتجي ريان تهزبنا 👌😶
تمن ينظفن
.
.
.
.
في مكان تاني عند امير😊
أمير كان يدور في بنات وينهن وكان راقيله. من عمامه وباته الي ظلمو و لزو البنات وهنا معندهن حد ودور هلبا وملقش حد روح للحوش ورقيتله
امه : خيرك  ماتسأل علينا راهو نحنا هلك مش بنات هذنا 😠
خش للغرفه ومدورهش ودوش او بعدها تغدى ورقد
.
.
.
.
بنات كملن وقعمزن في صاله طبعا الحوش صغير
غرفه وصاله وحمام ومطبخ شويه ويدق الباب البنات خافن
ريان : من بيجينا في وقت هضى
نوران : بلكي صاحب الحوش جا
ورده : بس عليش بيجي وانتي اتفقتي معاهم
نوران: تو نشوف منو
طلعت تفتح ف باب  قالت منو
ام فرج : افتحي يابنتي انا جارتكم
.
.
.
.
فرج بعد سأل الراجل استاذن من شباب وروح لحوشه
فرج يضبح على ملاك  : ملااااك وينك
ملاك من الدار : هيا جايا
جت ملاك بحت فيها فرج
فرج : عارفه البنت الي دويتلك عليها
ملاك : اها اخت ورده خيرها
فرج : باتها توفى وحكالها شن قاله الراجل
ملاك : إن لله وإن إليه راجعون لاحول ولاقوة الابالله وتوه قصدك يسكنن هنا😭😭
فرج : اي امشي انتي وامي عندهن وكان عندك فراشات او بطانيات شيلولهن الحوش فاضي
.
.
.
.
نردو لام فرج
نوران بعد سمعت صوت مرا فتحت : اهلين ياعمتي كيف حالك تفضلي
ام فرج : تمام الحمدلله ،تسلميلي يزيد فضلك وخشت
وخشت معاها ملاك
ملاك : اهلين نوران
نوران استغربت كيف تعرف اسمها : اهلين بس كيف عرفتي اسمي
ملاك : انا صاحبت ريان وينها هيا وعضم. الله اجركم
نوران : اهلين بيك ياقلبي اجرنا واجرك على الله 😥
وخشت ملاك وشافتها ورده صبت تعنقتها وتمت تبكي
ورده : ياروحي رايفتلك طبعا ورده كانت تبكي هلبا علي بوها وكانت ملاك صاحبتها المفضله
ملاك : حتى نا ياعمري رايفتلك  ، اهدي خلاص. ياعمري عظم الله اجرك
ورده بعد سمعت كلامها زادت تبكي بذات كلمة عظم الله اجرك
ملاك : حبيبتي اهدي خلاص هذا اختبار من ربي ، اذا احب عبده ابتلاه
ورده هدت شويه وتمن يهدرزن وجابولهن دبش ونوران اشكرتهن هلبا على وقفتهم معاهن
ساعه 9:00 روحو لحوشهن ملاك او امها
خشن  للحوش شبحهن فرج
فرج : شن صار معاكم
ام فرج: بنات مشالله عليهم ربي يحفظهن بس وجعني هلبا ع معاملت عمامهن في نفس يوم مات فيه باتهن لزوهن خزي ع عمام اليي هكي
فرج : باهي  وين امهن
ملاك : امهن متوفيا من هنا وصغار
فرج : اها الله يرحمها
.
.
.
.
.
بعد شهر كانن البنات كل وحده تدير ف حاجه نوران &ريان يشتغلن وطبعا روان تمشي معا فرج لأنه نفس الجامعه ويوصل ف ورده &ملاك للمدرسه
.
.
.
.
.
نعرفوكم علي اهل فرج
فرج مواليد 2003اكبر من روان بسنه هوه ثانيه جامعه وروان اولا جامعه مواصفاته ابيض طويل وجنتل مان ملامحهه قريب من الاسود نفس امه نقشهن خفيف وعلى القهوي ، عنده اخت وحده الي هيا ملاك
.
ملاك مواليد 2007كبر ورده ويقران  معا. بعضهن  ملاك طيوبه وحلوه شخصيتها حساسه اول ما تعيط فيها تبكي خجوله هلبا مواصفاتها عيونها كبار عسليات رموشها طوال وشعرها كستنائي مايل للبني الفاتح وطويل , بيضا هلبا وقصيره ورشيقه
.
امه اسمها حليمه مواليد 1977
وبوه اسمه سليمان  مواليد 1901
#يتبع

طولتها لكم وإن شاء الله تنال اعجابكم تابعوني  ❤️🥰
واسفه على التأخير صارلي ضرف😔💔