ظلم (رويات ليبيه )

الحلقه 13🔥🔥

الظلم ❤️
حلقه 13❤️😊
الكاتبه : Ra.Mh. so.Mo❤️

فرج بعد حكى لأمه
امه : قصدك بنات هذنا 😳
فرج : اها ياأمي خيرهن
امه : بس ياوليدي من منو بنطلبها لكي
فرج : من اختها الكبيره ياأمي
امه : ع خير ان شاءالله
(طبعا امه كانت مش من النوعيه الي تدخل في حيات عيالها الي تحبه حبه مش زي توه بيخربو ع عيالهن معا انه ولدها جا لأمه بيطلبها البنت بالحلال بس الأم ترفض يحسسني هنا الي بيعيشن معاها مش ولدها )
.
.
.
.
محمد : فرججج وينك
فرج : تي نقص صوتك نعن.^*$^$😡
محمد : تي وينك يابرو ليا ساعه نرن ونضبح
فرج : كنت نحكي معا العزوز ف موضوع
محمد : اها ان شاءالله خير
فرج : خير خير تفضل للمربوعه خش هوه ومحمد للمربوعه وتمو يهدرزو
.
.
.
عند ملاك مقعمزه ع سريرها وتفكر ف محمد كيف يهبل ولمى شافها ابتسملها ، جتها امها تشبح فيها تبتسم
امها : خيرها بنتي انجنت ولا شنو
ملاك خافت ومعش عرفت شن تحكي
امها : خيرك
ملاك : مفش شي شردت بس
امها : اها
.
.
.
عند امير  اتصل بورده وقالتله مكان مستشفى الي تشتغل فيها نوران ومشالها امير
نوران تشتغل في المستشفى وعندها حالات
ممرضه: دكتوره في آخر حاله نخششها ولا لا
نوران : خششيها معا اني تعبت بس اخر حاله اكيد من مبكري تراجي
ممرضه : تمام تفضل استاذ
ونوران كانت مطبسه راسها تبحت في الاوراق ولمى رفعت راسها نصدمت😳
نوران : امير
امير : اي نوران ليا هلبا ندور فيكم
نوران : بس نحنا نلزينا من ال
امير قطع ع نوران : انا مكنتش نعرف قلوبهم ميته هكي كانت نعرف ميحبوكمش بس متوقعتش يلزوكم يانوران ولمى سمعت بيها ان لزوكم  لحدت نهار اليوم منحكش معا هلي ولا معاهم نوران انا مليش ذنب ف كل شي
نوران : انا عارفه مش شورك الموضوع بس نحنا. خلاص معدش نردو لحوش عمامي واول مانحصل مبلغ كويس نشري حوش
امير : بس يانوران 😔
نوران : شنو ياامير😐
امير : يانوران انا ليا هلبا ساكت وخايف ترديني بس خلاص انا انحبك من انا وصغير ومنقدرش نقعد بلاك. وليا هلبا نراجي فيك وبنطلبك من بوك خفت يردني ولا هلي يرفضو بس توه معش يهمني حد غيرك ومنبش نخسرك
نوران :.......
.
.
.
.
ريان في المستشفى مقعمزا معا نورهان وفرحانه
ريان : نورهان
نورهان تشبح ف الملفات : هممم
ريان : معتز 😍
نورهان شبحتلها : خيره؟
ريان حكتلها كل شي صار معاها
نورهان : ربي يهنيك ان شاء الله حبيبتي
ريان : إن شالله وانتي شن صار معاك
نورهان : خلاص عرسي قرب😅وانتي بتجيني أسبوع العرس كله انتي واخواتك ايوااه😊
ريان : إن شاء الله حبيبتي
.
.
.
.
في مدرسه عند ملاك& ورده
ملاك : ورده
ورده : هاا
ملاك: نعليا تلاقيت معا صاحب خويا طرف يهبلللل
ورده : حي عليك كان يعرف خوك
ملاك : تي اسكتي طلعت منضري عااار شعري مشتشت وسروالي مرفوع كانت نسيق منضري عار
ورده : هههههههه معناها الراجل جاته صدمه وووووهه عليا😂😂😂
ملاك كشخت : مبردك اسكتي كذا 😒بس يهبل🤤
ورده : حتى فارس يهبل شفتيه كيف يشبحلي يوم جا للمدرسه😍
ملاك : اها قصدك هضى هوه الي تحكيلي عليه
ورده : اي وعارفه من اول ماطلعنا من حوش وهوه يومين بعد نروحو يلحق فيا بالسياره يطمن اني وصلت للحوش ويروح 😅
ملاك : احا جديات تحكي قيسه طايح ع وجه 🤣
ورده : والله نحكي جد بس نا عاد روحي مش شايفته😂
ملاك : إن شاء الله ناخدو يلي نحبوه نعليا بس طرفي نا يهبللل😂😍
ورده : إن شاء الله 🤣
ملاك : اففففف طولو هذما
ورده : اي بس نقولك حاجه 😅
ملاك : شنو
ورده: ........
..
.
.
.
عند روان & فرج
روان : هي حبيبي طولنا
فرج قاعد يراجي في كافي : شويه قالي قريب يكمل
روان : منبش نا هيا وقت ع بنات راااه
فرج: اسكتي مش حيصيرلهن شي
روان : اااففففف هيا يافرجج
فرج فنص فيها : اخر مره تاففي في وجي سمعتي😠
روان قريب بكت من تهزيبته وقلبت وجهها
وفرج خذا الحاجات من الكافي : هياا
روان طلعت وركبت السياره وتبحت في الروشن ودموعها ينزلن وتمسح فيهن وفرج يبحت فيها
فرج : كولي
روان : منبشش
فرج : خيرك انتي مش واكله حاجه من الصبح كوولي بلا عناد
روان مردتش عليه وحطه وجهها ع روشن
فرج رقيتله هلباا😡 ولع السياره وطلع يجري
وصل للمدرسه نزلت روان ركبت لاورا وفرج رقيتله من لقطتها وفنص فيها : خيرك نزلتي
روان مردتش عليه وجا بيحكي جن البنات ركبت ملاك لقدام او ورده جنبها
ملاك : خيرك روان مش قدام
روان سارحه ومردتش ملاك استغربت انها مردتش عليها
ورده : روان
روان فطنتلها  : هاا
ورده : ملاك تحكيلك خيرك متردش
روان : نعم ملاك
ملاك : خيرك شن فيك
روان مفش شي نبي نروح نتريح تعبانه بس
ملاك : اها
ورده شبحت لفرج رقيتله وروان زعلانه
ورده : فرج ولع اغاني
فرج : راسي ياورده مش وقته بكل راه
ورده ضايقت : تمام وسكتت
روان حست اختها ضايقت ورقيتلها من فرج بزياده ع اسلوبه
ملاك : وكان ولعت شن فيها
فرج : ملاك خطيني مش وقتك
ملاك فاتته وشبحت في كريب وعصير : حي لمنو هذنا
وخذت الكريب
فرج شبحلهن وسكت
ملاك فتحت وتاكل : والله جا في وقته جعانه نعطيك ياورده
ورده : لا صحتين حبيبتي
ملاك : سلمك
وصلن البنات للحوش وخشن وروح فرج رقيتله خش للحوش وركب لداره طول وسكر الباب ورن على .....
.
.
.
عند روان خشت للحوش مضاايقه : ورده
ورده : هاا
روان : شن رايك نقولو لنوران نمشو ف بأص احسن
ورده : عليش
روان : شفتي معاملته معاك اعيه مش زي نمشو بفلوسنا او ورده تشيلنا
ورده : ياروان انتي عارفه اختك معندهش ويلا تطلع حق الاجار
روان : اهمم
ورده خشت تغير ف دبشها وروان بتخش رن نقالها لقاته فرج مبتش ترد أو سكرت نقالها
.
.
.
عند فرج رقيتله بكل بعد مردتش ورن اخرى لقاها مقفل 😡
.
.
في حوش خالد
روحو من مستشفى أو خالد ع كرسي المتحرك وحطته فايزه ف الدار وجابتله حاجه يأكلها قبل مايرقد وساره حابسينها خوتها ف الدار يعاملو فيها زي المحابيس
.
.
عند فارس بعد لحق ورده للحوش روح الحوشه وخش وسكر الباب : ياامي وينكك
امه هناء : نعم ياوليدي
فارس : ياأمي جعان ديريلي حاجه ناكلها وبعدين تعالي بندويلك موضوع
امه : حاضر ، ان شاء الله خير بس
فارس : خير خير
#يتبع
اسفه طولت عليكم بس واللهي مريضه 😔 عطوني رايكم في الحلقه ونبي التفاعل يوصل 300 عشان نزل حلقه 14بسرعه❤️
الكاتبه :Ra.Mh. so.Mo❤️