ظلم (رويات ليبيه )

حلقه3♡"

الحلقه :3🤍
روية: ظلم 🤍
الكاتبه: .Ra.Mh. so.Mo❤️
"لان الحلقه الي فاتت كانت قصيره ف الحلقه هذا حتكون طويله"

ريان: شن درتآ يا بنات
ورده :خلاص هكي كويس تعبت
روان :مزال اعجني كويس...... اختك هدي مزطتني
ريان :حتي انتي كنتي هكي زمان
ورده :قصف 😂
روان:🥲اعجني وانتي ساكته
كملت ورده العجن و طيبت ريان الصلصله
خش مصطفى الحوش و خش المطبخ
مصطفى : شنو العشاء جعان
البنات : بيتزااااا 😂
مصطفى: اوووواووو ليه 3ايام عليها😂😂
البنات :😂😂
ورده :انا عجنتها
مصطفى :متاكده😑
ورده :اها انا عجنتها
روان : صدمه كبيره 😂😂
ريان :هي الي عجنتها 😂
ورده : شفت ما نكدبش عليك
مصطفى : عارفك ماتكدبش لكن عارف انك ماتحبش تسوي
ورده: عشانك اندير اي حاجه🥺
مصطفى حضنها :بنيتي
ورده تبحت في روان:😉😛
روان كبت دقيق علي شعر و دبش ورده :،😝
ورده : تعيط بصوت عالي شعررري دبشييييي بحت يا بابا بنتك 😭😭
ريان و روان:😂😂
مصطفى: كنك يا روان مع اختك 😂
روان : ماكني شي رديت علي حركتها 😂
ورده طلعت وهيا تبكي : توا نوريكي عليها 😭
_______________________________
في مكان آخر
نجمه لبسه ملية الصلاه و طلعة دقة علي خديجه
خديجه :من ؟؟
نجمه : انا نجمه
خديجه فتحت الباب و سلمت علي نجمه
نجمه : رنت عليه فايزه قلتلي يجبي خديجه و تعالي
خديجه: خير شن في؟
نجمه : مش عارفه والهي ؟!
خديجه:باهي انتي انتزلي توا انا ننزل في جرتاك
نجمه :به تمام .. ونزلت
دقه نجمه علي فايزه فتحت ساره و سلمت عليه
وخشت في الصاله سلمت علي فايزه
فايزه : وين خديجه
نجمه : جايه في جرتي
دق الباب
فايزه : اكيده هي
خشت خديجه و سلمت علي فايزه
فايزه: شفتن شنو صار !
نجمه : شنو صار أن شاء الله خير
فايزه : نوران بيتا برا اليوم لما خالد عرف و كلم مصطفى صكر في وجه
خديجه :هههههي كيف يصكر في وجه هضا خوه الكبير 😧
نجمه : اكيده البنات السوس سوسله
خديجه: الحمد الله الي رجلي مش اكبر واحد في خوتا 😏
فايزه :ههه بصوت واطي
نجمه : وين بيتا نوران ؟
فايزه:بيتا في المستشفى يا حنه الي كلها شباب و رجاله
نجمه : ريتي ريتي
خديجه : عليش بيتاا في المستشفى
فايزه : يا حنه صحبتها ديرآ عمليه و هيا بيته معا
خديجه : شن دخلها نوران بيتا معها
نجمه : الحمد لله الي بنتها مش مختلطات بيهن كان خربن بناتنه
فايزه : اهاا والهي صديقتي
نجمه بصوت عالي: ديريلنه قهوه يا ساره خلينه نبلعو الصدمه هدي
فايزه : لا يا حنه اشربي القهوه في حوشك 😒
خديجه :باهي نشربو فنجان مع بعضنا و نهدرزو شويه
فايزه : به 😤

_______________________________
ورده خشت الدار تبكي وتبحت في المريه :والهي نوريكي يا روااااان 😭😭
طلعت ورده دبش من الدلاب و خشت الحمام أكرمكم الله عشان تدوش
في الدار المعيشه
مصطفى: حرام عليكي اديري في اختك هكي.
روان:شفتها يا بابا كيف اطلع في لسنها زي الكلبه
مصطفى: باه هي في النهايه اختك حرام هكي بعد ما تطلع رضيها
روان :٠ حاضر
بعد شويه وقت طلعت ورده من الحمام و خشت الدار
مصطفى: صبي يا روان طلعت
روان ٠:حاضر ...... و صبت خشت الدار لقت ورده تمشط في شعرها
روان: وريدتي
ورده بحتت فيها بعيونها الحمر من البكاء ....في لحظه الي تلقي الناس كلها تضحك عليك معش تقدر اتحكم في مشاعرك فتنزل دموعك و نفس الشي صار مع ورده و زيده علي هكي هيا ما تتحمل شييييي في شعرهااا
روان :خلاص يا ورده مش قصدي .
ورده : مش قصدك شنو مش قصدك تمسكي الدقيق و تكبيه علي شعري و انتي عارف اني ما نتحمل شي في شعري 😡
روان : خلاص ما تكبرش الموضوع اسفه اسفه بليززز يا ورده بليز سمحتي
ورده ولا عبرتها كملت شعرها و شغلت اغنيه علي التلفون و حطت السماعات في ودنها و تصطحت علي السرير
روان قمعزت جنبها و كرتها من أيدها : قمعزي هيا قمعزي
ورده قمعزت
روان : ااسفه يا دودي خلاص سامحيني مش قصدي وحضنتها
ورده : خلاص سمحتك
خشت ريان وهنا حضنات بعضهن
ريان : معقوووووله حضن من غيري
روان : وووووه صوتك ...... تعالي
انضمتلهن ريان كان شعور سمح بس كان ناقص نوران
_______________________
عند نوران
نوران : بكره الخروج من بيت معكي
نوال : نورا جايه بكرا
نوران : اها
نوال : الساعه كم
نوران :10 ....... خلاص تمرقدي
نوال :نعسانه بكلل ... تعرفي طول ما نا نهدرز معكي مانملش و الوقت يجري لكن مع نهاد وووه ماحوتك بس غاليه عليه
نوران : تسلمي ي قلبي .... هيا دوتها واجده بس علي نيتها
نورال : أها هيي بكللل
نوران ٠:مش غير. امتا تبدي عياده ؟؟
نوال :مش عارفه بس مانيش مطوله عشان ما يخصموش واجد من المرتب
نوران ٠: اها باهي يا حنه قدمك 4 ايام بس و تردي للشغل كساد من غيرك في العياده
نوال : اكيد حبيبتي مش مطوله حنقعد علي قلبك لين تقوليلي ديري عمليه وحده آخره
نوران ٠: بعيد السوءء عليكي 😂😂.
قعدن يهدرزن شويه لين ما تمرقدن😂
_____________________________
في مكان آخر
فارس: مزلت تحبها
أمير : بحت في السماء :اااااه بس كان نعرف هيا تحبني ولا لا
فارس : فوتها يا راجل خير حتي امك مش حتوفق عليها
أمير : انا مستحيل انسيبها ولا نجوز غيرها حب 15 سنه و تقولي فوتها
فارس :15سنههه واااو عمر خلاص يا راجل كان تبيها عدي اطلبها من باتها انتا خلاص توا 30سنه غمض عيونك و افتحه تلقه روحك في ال40 وانتا مزال علي نفس الحال
أمير : باتها مش حيعطيها ليه انا عارفه عمي مصطفى حتي كان عمي مصطفى وافق هلي مش حيوفقو خلاص صكر علي الموضوع زف
فارس: خلاص تم انا مروح سلام
أمير: سلام
ولع فارس سيارته و طلع...... رفع أمير راسه و بحت في السماء كيف صافيه و القمر كامل و كبير و كيف النجوم اضوي جنب القمر
أمير : ااااااه يا قلبي مش عارف عليش نصيبي نحبك يا ريت ضروفنه كانت احسن من هك
🤍🔥
عمر : هوي انتا تكلم في من ؟
أمير يبحت في السماء:نكلم في قلبي🤍.
عمر: قلبك ؟شكلك طيح ب وجك يا برو
أمير : طيح طيح هدي ولا حاجه بالنسبه الي انا فيه توا
عمر : اوواو من سعيدت الحظ هذي
نزل أمير راسه بحت في عمر : انت امتا جيت ؟
عمر : كنك انتا راك شكلك تخد في حبوب انتا
ليه ساعه نهدرز معك
أمير  : هيا وجك .....سيبه و ركب الشقه خش الحوش
نجمه : تعال تعشي يا أمير
أمير : ماعندش نيه نبي نرقد
نجمه: كنه هضا را تطلع وحده من بنت مصطفى ديرته سحر
سيرين : سحر شنو يا ماما حرام عليكي ساد انكم مركزين علي كل صغيره و كبيره يديرن فيه
نجمه : صكري فمك انتِ كولي وانتِ ساكته
سيرين : سكتت 😒
_______________________________

تعشن البنات بيتزااااا 😂 و جوهم سمح و خشن الدار كل وحده تصطحت علي سريره و مسكات التليفونات
روان : ااااه امتا يجيني فارس احلامي و انتزوج ونتريح من عممي
ورده سيبت النقال :شن شكله فارس احلامك
روان سيبت النقال: يكون شعره اسود و عيونه عسليات و ابيض شويه مش أبيض بكل ولا اصمر بكل
ريان سيبت النقال : وسط
روان : ايوااا وسط وعنده لحيه مش تقيله و مش خفيفه
ورده : وسط
روان : ايواا وسط و اول يوم انشوفه فيه يوم لبس ابيض مش أبيض بكللللل و مش أبيض بهتت
روان & ريان &ورده : وسط 😂😂😂😂😂
روان : وطوله
ورده & ريان :وسط 😂
روان : لا مش وسط يكون اطول من الوسط بشويه
ورده : وانتي يا ريان
ريان : يكون شعره اسود ميل للبني و عيونه سود و لحيته تكون ثقيله شويه و يكون اطول مني بس ..... وانتي يا ام لسن طويل
ورده : يكون شعره اسوده و عيونه سود و لحيته عاديه و سوده طوله وسط مش طويل واجد
روان ٠:يا ساتر كنه شكله هكي
ورده : هضا هوا وقعنه لكن انتن احلمكن ورديه عقلكن خضر 😂😂
روان & ريان 😂😂😂
هدرزن شويه لين ماتغلب عليهن النوم
___________________________
صباح يوم جديد 💫🌄

ورده نضت بحتت في نقال لقت الساعه 10
طبعا ورده عندها مدرسه لكن لمه لقت الوقت تأخر كملت نومها
الساعه 10:30
نوران : هيا يا بنات نوضن
ورده فتحت عينه بحتت في نوران :روحي
نوران:لالا مزال في المستشفى 😂
روان : الساعه كم
نوران :10/30 هيا صبآ عندي لكن اخبار سمحه
ورده :شنو في ؟؟؟
توا انقوللكن علي الفطور هيا يا ريان صبي جعانه
صبة ريان للحمام حشاكم ....... شويه و طلعت
خشت روان الحماد حشاكم....... شويه و طلعت
خشت نوران الحماد حشاكم....... شويه و طلعت لقت الفطور واتي يرجن فيها عشان ايقولو المفاجأة
ورده : هيا قولي حمستني
روان : هيا عليك دراه كبد
نوران: المفاجأة هي ......
#يتبع

حولت نخليها طويله علي قد مانقدر ♥️
إن شاء الله تنال إعجابكم ♥️
الكاتبه:..Ra. Mh. So. Mo🤍💫