ظلم (رويات ليبيه )

الحلقه4

الكاتبه:.Ra. Mh. So. Mo♥️
الحلقه: 4 ♥️
قراءه ممتعه للجميع 🤍🥺

نوران : المفاجأة هي حنتعلم السواقه 🙂
ورده : اااااااه كذابه
نوران : والله
روان : مبروك يا قلبي 😂
نوران : الله يبارك فيك 😂
ورده : سمعتي يا ريان ولا انطرشتي 😂
ريان : هههه ضحكتيني عرافه قبلكم
روان : ليش ما قلتي
ريان : ماجتنش نيه ندوي لحد

نوران : هيا افطرن
فطران البنات و مشت روان الجامعه و ريان و نوران للشغل ...كان يوم عادي روحت روان من الجامعه الساعه 2/30 و ريان و نوران روحن الساعه 3 و تغدو درتلهن ورده فاصوليا 😂
و بدت نوران اتعلم السواقه ...... عدي اسبوع عادي تعلمت نوران السواقه و مصطفى شرلها سياره
___________________
صباح يوم جديد
ناضت ورده حطت فطور هيا و مصطفى و فطرو
و عدي الحاج مصطفى للعمل
___________________________
الساعه 11/30
نوران : ريان هيا نوضي و ناوضي روان عشان نوصلوها للجامعه .... خشت نوران الحمام حشاكم
ريان : روان هيا نوضي
روان : نايضه .
ريان : باهي هيا صبي
روان : صبيت
ريان صبت طلعت دبشها الي حتمشي بيه العياده طلعت بنطلون اسود و بلوزه طويله شويه خضره و وشاح اسود و كويش ابيض و شنطه بيضه
طلعت نوران من الحمام
نوران : هيا يا روان صبي عشان نوصلك معيا
روان : لالا نبي نمشي مع بابا
نوران : بابا مش فاضي هيا صبي تأخرت علي العياده
روان : باهي و صبت
نوران لبست بلوزه سوده و بنطلون ابيض و وشاح أبيض و شنطه بيضه و كويش اسود و ميكاب خفيف
طلعت روان من الحمام لبست قميص رصاصي و بنطلون امريكي أزرق و كويش ابيض و وشاح أبيد و شنطه سوده و ميكاب خفيف
طبعا ريان خشت الحمام حشاكم و طلعت لبست و دارت ميكاب خفيف
نوران: هيا
روان: جعانه
نوران: هيا توا نشروا اي حاجه من المحل
روان : به هيا
طلعن البنات و هنا نزلت علي الدوروش قابلن سيرين سلمن عليها
سيرين: عمي مصطفى سيارته مش لوطه كان هكي نوصلوكن انا طلعه مع امير
نوران : لالا عندي سياره يا قلبي توا نمشو بيها
سيرين : صاح ما شاء الله يا قلبي مبروك
نوران: الله يبارك فيكي 🤍
طلعن البنات ركبن في السياره........ كان أمير قاعد في سيارته يرجي في سيرين و ماحولش عينه عن البنات لعند ما طلعن. بي السياره زعما أمير يبي اي واحده من البنات 🤔
ريان : كويسه سيرين
روان : اها احسن وحده في بنات عممي هي و صباح مش كيف ساره السوريه
نوران: اها كويسه سيرين حتي صباح ماعمرش شفت منهن حاجه
درست نوران جنب المحل : انزلي يا ريان جيبلنه حاجه نفطرو بيها في الطريق
نزلت ريان من السياره و خشت المحل
ريان : 😳😳
معتز : ريان
ريان :ا انت شن جابك هنا
معتز: انا جاي لصحبي هنا
طلعت ريان تجري من المحل و هيا تبكي و ركبت في السياره
نوران : كنك تبكي بسم الله
روان : في حد دارلك حاجه
نوران : ادوي كنك ساكته
ريان : م م معتز 😭😭
نوران و روان : 😳
ريان : امشي يا نوران 😭
مشت نوران بسيارة
روان : شن قالك معتز
ريان بعياط : معش تقولي اسمه معش تقولي اسمه ما صدقت نسيته 😭😭
روان :خلاص خلاص اهدي بس
درست نوران جنب مطعم للإفطار الصباحي و نزلت شرت مائه و سندوتشات
نوران :خلاص اهدي حبيبتي اهدي هاكي اشربي اميه
مسكت ريان الشيشه وايديها يرعشن شربت شوي من ميه
ريان : ليش نصيبي هكي نا ليش ياربي خلاص قلت خلاص نسيته رديت لنقطة الصفر آخره ليش 😭😭
روان: ولهي مايستهل دمعتك مافي والي يستهل دمعتك خلاص اهدي بس
نوران: خلاص يا قلبي اهدي😟
وصلو روان للجامعه
روان: شن رأيكن نمشو الكورنيش بعند العصر
ريان : يا ريت حتي نشم شويه هوا
نوران : به تمام
نزلت روان من السياره ......خشت روان للكفيتيريه لقت جنى قاعده تقرا
روان قمعزت ع الكرسي جنب جنى
روان: تعرفي شن صار اليوم
جنى: تي قولي السلام عليكم ولا هلا ولا شن جو خبط رزع تخشي في الكلام طول😂😂
روان: تعرفي شن صار اليوم 🙂
جنى : مبرد وجك شن صار
روان: حكتلها
جنى: يانويرتي يا ريان وجعنتني ولهي ما تستهل الي صار فيها 😥😥
روان : المسكينه بكت واجد 😥
قعدن يهدرزن شويه لعند ما بدت المحاضره
_______________________________
بلال : تحكي جد شفتها😐
معتز: والهي شفتها الله ..... ااااه كان يرد بيا الزمان كان مدرتش فيها هكي😔😔
بلال : قتلك انا ماديرش في البنت حتندم شوف توا انت شن صار
معتز: يا ريت سمعت كلمك لعند توا ضميري يانب فيا
بلال: عدي اطلبها من باتها
معتز: بلا بردا مش وقت بصارتك توا
بلال: مانبصرش نحكي جد عدي اطلبها من باتها
معتز: شن نطلبها من باتها حتي كان باتها وافق هيا مش حتوفق
بلال: به حتي كان ما موفقش تقعد انت دريت حاجه عشان ما يقعدش ضميرك يانب فيك
معتز: توا نفكر ...... هيا سلام
بلال: سلام
_____________________________
الساعه 2/30
ورده قاعده في المدرسه
ورده: اوووف بابا معش جاااء طوال
استاد جلال: ورده مزلتي قاعده
ورده: لا روحت و قاعده نتغدي مع خواتي
استاذ جلال: 🙂 نروحك انا مادام هلك تاخرو
ورده: لا بابا اكيدا طوال عشان عنده شغل شويه توا يجي
استاذ جلال: به براحتك 😒 و عداي
ورده اتمتم: ثقل دم لا يوصف😒
____________________________
روحن نوران و ريان و روان
روان تسلح في الوشاح في غرفة النوم : ورددده
نوران طلع في توتا من الدلاب: شكلها مزال ما روحت
روان: غريبه بابا مزال ما روح بيها بلكي عابي عليكي رني عليه شوفيه
نوران : توا نرن عليه....... مقفل
روان: مقفل 😧 بابا مستحيل يخلي النقال مقفل
ريان: بلكي طفه منه شويه كان ماروحوش رني علي استاذ جلال عندك رقمه يا روان
روان: عندي
ريان : خلاص كان طول كلميه
روان : نكلمه شن نقوله ماتعرفش بابا وين😂
ريان : لا يا ضريفة اساليه علي ورده كان قاعده في المدرسه ولا لا كان مش قاعده معنه مروحين وصارت حاجه اخرتهم
روان : وكان قاعده🙂
ريان: معنها ربي يستر
____________________________
دكتوره نورهان؛ غرفة العمليات واتيه
ممرضه: واتيه
دكتوره نورهان: حلته خطيره بكلل كلمي الدكتور عبد العزيز و الكتوره شهد بسرعه
ممرضه: تمام
دكتوره نورهان: نبي كيسين دم بسرعه
ممرض: تمام زمرت دمه متوفره
دكتور عبد العزيز: شن
دكتوره نورهان: وضعه خطيرر بكلل
دكتوره شهد: العمليات واتيه
ممرضه : واتيه
دكتوره شهد: علي العمليات بسرعه
مش شور غرفت العمليات
مهند: شن وضعه يا كتوره طمنيني
دكتوره نورهان: وضعه خطيرر توا محتاج دعوتك
وعدت
هند قعد علي الكرسي: أن شاء الله ربي يخدك و نفتك منك ونخد مرتبك العالي في الشغل😏😏
_______________________
الساعه 3
روان:نوران الساعه 3
نوران: كذابه
روان: والله
نوران : رني علي استاذ جلال
روان: به و رنت....... الو السلام عليكم كيف حالك استاذ جلال انا اخت ورده عرفتني
استاذ جلال: اها عرفتك تفضلي
روان: نبي نسألك علي ورده روحت ولا لا
استاذ جلال: اي قاعده
روان: باهي بارك الله فيك استاذ جلال
استاذ جلال: فيك بارك الله
روان : قاعده في المدرسه
نوران: اها شكله بابا عندا شغل توا نعدي انروح بيها ............... طلعت نوران من الحوش ركبت في السياره وطلعت
_____________________________
استاذ جلال : كلمتني روان توا
ورده : صاح شن قالت
جلال: تسال عليكي
ورده : 😐
شويه و وصلت نوران ..... ركبت ورده في السياره
ورده : كنكم طولتو عليا انسيتوني انتو ولا شنو تعرفي الساعه كم توا الساعه 3 و نص نا ليا قريب 3 ساعات في الشمس ولي ماشي ولي شي يبحت عليا  طول عمري نحس في روحي زيادة عدد عليكن  و توا تأكدت 😡😡😡
نوران: كملتي
ورده:
نوران : نحسابك قاعده مع بابا...
قطعت عليها ورده: عليش ما رنيتو علي بابا
نوران: معتش تقطعيني وانا ندوي و حكتلها
ورده : باهي بابا وين
نوران: وووه ووه 😩ليا ساعه شن نقول بابا نقاله مقفلل مقفلل نعاود آخرا 😂😂
ورده :خلاص فهمت😒

_________________________________
الساعه 7/30
نوران : حي بابا طول اكيدا في حاجه صايره معه
ورده: بابا مش من عويده يطول هكي 😟
روان: رني علي عمو مهند
ريان: اااه مهند اكيدا عارف وينه
نوران : رنت عليه....
_________________________

في المستشفى

دكتوره نورهان: للاسف المريض....
مهند😨😨😳
الكاتبه  رتاج محمد
إن شاء الله تعجبكم الروايه