ظلم (رويات ليبيه )

الحلقه 16🔥🔥

ظلم🥺
حلقه 16❤️🫂
كاتبه : Ra.Mh. so.Mo❤️

نورهان & عبدو وصلو للشقه بتعهم وركبو
نورهان تفرج ع حوش وكان يجنن ديكوراته وكل شي فيه جميلل
عبدو : هذي دار النوم خشي غيري عشان نصلو
خشت نورهان وهي متحشمه ومعرفتش تفتح السوسته
طلعت نادت عبدو وهيا متحشمه
نورهان : عبدوو😔
عبدو : عيونه خيرك حبيبتي مغيرتش
نورهان بصعوبه تحكي : م ممعرفتش ننفتتح السوسته 🥺
عبدو : باهي ابرمي نفتحهولك
نورهان برمت وهيا بتموت من حشم
فتحلها السوستهه وخذا دبشه وطلع
غيرت نورهان دبشها ولبست روب ابيض ودارت ميكب بسيط ولبست ملايه الصلاه وطلعت
نورهان : هيا نصلو
عبدو ببتسمه : هي
وكملو صلاتهم وبرم عبدو ع نورهان وقرا عليها وهيا تشبحله بعدين مش شورنا🤭😅
.
.
.
ام فرج : ها بنيتي شن قررتي
روان بحشم  : صليت وتريحت 🙈وطبست راسها
ام فرج: نجك ليا يعني موافقه
روان بتموت من الحشم : اي 😵
ام فرج فرحت هلبا وحظنت روان : نجك ليا والله فرج حايفرح هلبا
طبعا بنات روحن بس روان مروحه معا ام فرج او فرج لأنه قالتلهن خودنها ملاك لاكن عقبلي روان 🤣
.
.
.
عند محمد وفرج كانو قدام القاعه طلعن البنات ومعاهن ملاك فرج لمح البنات وملاك جاهن ومحمد يشبح لملاك كيف طالعه تهبل وهيا تشبحله
فرج وهوه يدور ف روان بعيونه : وين ماشيه
ملاك: ماما قالتلي امشي معاهن البنات
فرج بضيق : باهي قولي لأمي هيا
ملاك خشت تنادي. في امها وروان وفرج رقيتله هلبا طلع سبسي ويدخن وهوه غامه عند ويحكي بروحه : تي حتى فرح مجتش خيرها هيا عشان هزبتها مره دارت هك اففففففف 😤
.
.
.
طلعت روان وأم فرج ركبت ام فرج ف السياره وكان بيمشي وروان فتحت الباب وهوه  مشى خبط الباب في يد روان عبطت : ااههه
امه عيطت : تي اصبببر البنت
وروان ماسكه  يدها : اه يديي 😭
فرج مفطنش لروان ونزل يجري يشوف فيها : روان انتي بخير
روان 😭😭😭
فرج بخوف ومش فاطن لروحه : حبيبي سامحيني مفطنتلكش والله نحسابك مجيتش للفرح
روان ببكاء حولت يدها : انا كويسه وركبت للسياره وتبكي
فرج شبحلها وهوه رقيتله وركب للسياره ومشى
ام فرج : تره وريني يدك يابنيتي مش عارفه العيل هضى يمشي بدون تركيز
فرج ساكتت ويسمع بس
روان تبكي : كويسه ياعميمه فيهش شي
ام فرج : كيف كويسه وانتي عيطتي منها ومزالتي تبكي وريني يدك كذا
روان دوب مامدت يدها شكعها كيف الضي عيطت : اااههه وتبكي😭😭
فرج انفجع ويشبحلها وساكت
ام فرج : حي عليك كما يقعد كسر
روان تبكي وتشهق بصوت😭😭😭
ام فرج : شيلها لمستشفى ينعليا جاتك عوينه اصلان طلعتي مشالله عليك وكلهن يشبحلك
وفرج رقيتله بكللل من معاملت روان ومن. خبطته لها
.
.
.
وصلن البنات للحوش
نوران : غريبه مزال ماروحو
ملاك : هما طلعو معانا وطولو ان شاءالله خير
ريان : ورده رني ع روان تره
ورده : روان نقالها ف دار مقفل له كم
ريان : خيره خرب ولا شنو
ورده : لا هيا متبش تفتحه مش عارفه خيرها
نوران عرفت اختها قافلته ع فرج : ملاك رني ع فرج شوفيهم طولو هلبا
ملاك : باهي.
.
.
.
عند فرج وصلو للمستشفى وينزل ف روان نقاله رن سكره من الجنب
روان وهيا تبكي : رد عليها عادي راه تو نمشي بروحي معقوله تخليها تنشغل عليك وهيا تبكي 😭😭😭😭
فرج رقيتله وعلمت عنده : خيرك ازف شنو تنشغل ماتنشغل كذا امشي وسكري فمك
روان دفاته : حول كذا مش شورك بيا تو نمشي بروحي 😭
فرج. شدها بقوه علي يدها الي توجع فيها  وهوه يفنص : انا قلت امشي وسكري فمك
روان بدون شعور من الألم نفضت روحها وطحت في اللوطا تبكي من ألم يدها : ااااااه يديييي 😭😭😭
فرج خاف عليها وطبسلها: اسف تعالي نشيلك للدكتور بسرعه نوضي روان
روان مشت معاه وتبكي بتموت من ألم يدها 😭😭😭
خشت للدكتور درلها صوره لقاها عندها شعب جبسها لها وطلع هوه وياها ومتبش تحكي  معاه بكل
فرج : روان خيرك هكي متغيره
روان 😶
فرج بيحكي رن نقاله ترررن ترررررررن 📞
رد عليا نقاله
ملاك : الو فرج خيركم طولوت
فرج : قعدين ف مستشفى شن تبي
ملاك : هييييي خيرررركم شن فييي ماما صارتلها حاجه
فرج : تي سكري فمك ووطي حسك روان نخبطت يدها بالباب السياره شالنها للمستشفى
ملاك : حي شن صارلها كسر ولا شنو
نوران: شن في خيرررهم ياملاك
ريان : حي علينا اختييي😭😭😭
ورده تشبح وساكته
فرج يسمع فيهن : قولليلهن مافيها شي عندها شعب بس شويه ومروحين وجك وسكر الخط
وصلو للسياره وركبو
ام فرج : شن صار معاكم ان شالله غير مش كسر بس
روان تشبح للروشن ودموعها ينزلن
فرج : لالا عندها شعب بس
ام فرج : باهي الحمدلله ع سلامتك ياروان
روان بصوت مبحوح ودوب طالع : الله يسلمك
فرج يشبحلها مره مره من لمريا وعم السكوت ووصلو للحوش نزلت روان للحوش طول وفرح يشبحلها ويراجو ف ملاك
فرج : امي مش قالتلي بنساليها ليوم شن ردت عليك
ام فرج : قالت صلت وتريحت وموافقه
فرج تريح بس استغرب من اسلوبها معاه مبذري : باهي وامتى ندير الخطوبه حاجه رسميه قدم الناس. اقل شي
ام فرج : إن شالله بعد اسبوعين هكي وبعدها ساهل
.
.
.
عند امير بعد روح حكى لأمه انه بيخطب نوران
امه : تي نا نخطبلك هذي مستحيييل نخطبها لكي
امير رقيتله : عارفه لو ماخطبتيهش. ليا نقتل روحي ومعش تشبحيني نهائي
امه : عشان فرخه تقتل روحك هل سحاره حسبي الله ونعم الوكيل فيها الي بتبعد عيل من امه حسبي
وقطع عليها امير : انتي خيرك مشفتش عمي ومراته شن صاااار فيهم هذا عقاب من ربي الي لزو بنات يتيمات تي مفروض تسألو عليهن وينهن تي خيركم هكي خافو ربي خلو عندكم ضمير شويه راكم اسلاااام
امه شردت من كلام ولدها وامير طلع من الحوش وهوه راقيله بكل
.
.
.
تاني يوم عند البنات
نوران : نوضي ياروان هيا ورده وقت وشويه ويجي فرج وروان لكي هلبا مامشيتش للجامعه صبي بدون نقاش
روان : اففففف خليني نرقد خيرك راهو يدي توجع فيا وحتى نوم محوتك مارقدت
ورده : باهي هيا نضت الحمام فاضي ولا
نوران : اي فاضي
ورده : وين ريان
نوران : عندها حاله وشلتها من ساعه 7بضبط وتوه قريب 8هياا
روان :  باهي نضنا 😒
ورده لبست زي المدرسي وروان لبست سروال اسود وبلوزه بيضه وجاكه بيه وكويش وردي وشاح وردي
وطلعن هنا لثنين بعد سمعن بيابه  وفرج بعد شاف روان فرح هلبا ورده كانت شايله شنطتها وكتبات روان لانه روان يدها
ورده : صباح الخير
ملاك & فرج : صباح النور
روان ساكته وتشبح للمرايا
ملاك : كيف حالك روان اليوم
روان :  تمام الحمدلله
ملاك : باهي ان شاءالله دووم
روان ابتسمتلها وبعدها جت عينها في عين فرج نزلت راسها طول
فرج عطا اخته فلوس : هاك اشري فطور انتي وورده
روان بضيق : لا ورده معاها فلوس بارك الله فيك
ورده شبحت لروان بستغرب
فرج رقيتله : باهي زيدت الخير خيرين او ورده معزتها زي ملاك
روان قلبت وجها ومعش دوت وصلن البنات للمدرسه وطلع طول للجامعه
فرج شبح لروان : خيرك انتي شن فيك هااا
روان مردتش عليه وتشبح للمريا وفرج رقيتله من استكرادها وقف السياره بقوه وبرملها وروان انخبطت في الكرسي الي قدامها وعيطت
روان : تييي خييييرك انت خيييييرك😠
فرج يعيط : انتي الي خييييييرك ليش تعاملي فيااا هكي سكرتي نقالك ومعش رديتي عليا كنككك شن درتلك نا لمى هزبتك كانت نبيك تاكلي وانتي عليتي صوتك علياااا
روان بعيط : انت هزبتني قدام الناس لما نكون حلالك هزبني بس وقت نكون طالبه معاك ف الجامعه ملكش دخل فيا
فرج وجعه كلامها وشبحلها ورد يسوق ومعش دورهااا وصلو للجامعه وكملو وطلعو لا يحكو معا بعضهم ولا يشبحو لبعضهم
.
.
.
.
نوران اول ماخشت للشغل تلاقت معا نوال وسلمت عليها
نوران : وييينك استحشتك ياحيوانه ❤️😘
نوال : والله صارلي ضروف وصاحب خويا خطبني ووووه ياما صار
نوران : حيوانننه نخطبتي وماقلتيلش 🙃
نوال : والله صارن ضروف تعالي نمشو للكافي ونحكيلك
نوران : تعالي هي
.
.
.
.
ورده وصلت للمدرسه وشبحت فارس وابتسمتله وخشت للمدرسه هيا وملاك وفارس طلع للشغل
.
.
.
امير بعد طلع من الحوش ركب ف السياره ومشى للبحر درس سيارته ورقد غادي ناض الصبح مشى لشغل فارس بيحكيله شن صار معاه ومش عارف شن يدير
#يتبع

شن صاير معا نوال وشن يصير معا امير &نوران وشن يصير معا فرج &روان  اعطوني رايكم ف الحلقه 16
وبليز تفاعل🥰