ظلم (رويات ليبيه )

الحلقه 8💔🔥

ظلم❤️
8💔😥
الكاتبه :Ra.Mh. so.Mo❤️

طبعا قبل مانبدا حنعرفو شن صار قبل مايخشن البنات للحوش
                    ✨️ فلاش باك✨️
نوران وقفت السياره قدام الحوش وامير درس وراها
خديجه كانت ف بلكونا تنشر ف دبش حقتهم طلعت تجري تلبس ف ملايه الصلاه  : حي عليك يانجمه سحرلك ولدك
وفاء : ماما خيرك 🙂
خديجه : مش شورك انتي خشي جو وطلعت تجري
مشت تدق علي حوش نجمه بقوه
نجمه : باهي بشويش ع بابا كسرتوه فتحت الباب
خديجه :  حي عليك يانجمه حي عليك ولدك راااح
نجمه : ولدي كنه شن صارله 😳
خديجه قالتلها شن شافت وقالتلها سحرلك ولدك ونجمه ولعت فيها ناار🔥:تو نوريهن بنات ال*&#*
الليله ياانا ياهنا ،ولبست ملايه الصلاه وركبتلهن )
        ✨️نردو للواقع✨️
.
.
.
.
.
.
.
الباب 👊👊👊🚪
ريان : باهي كسرتو الباب وفتحت وتهجم عليها نجمه
نجمه : خلاص معش عرفتن على من تبرمن غير على ولدي واللهي ياانا ياانتن وتمت تدف في ريان وطلعن خواتها ومش فاهمات شي وين باتكن وينه يلي متحشمن علي وجهكن طلعات ف  قايله معا شاب شن يحكو عليكم الناس خزي يالي هلكن ماربوكن
روان : منسمحلكش ياعمتي تجيبي سيرت هلي على السانك ونحنا محترمينك لأنك ف حوشنا وبعدين مفروض تدعيلهم بالرحمه مش تقولي هكي راهو مش طالعين معا حد غريب طالعين معا ولد عمي وبعدين كنا ف مستشفى مكنش نلعبو😐
خديجه : ريتي الكبيره طلع عندها السانه يانجمه وترد عليك 😏
.
.
.
نجمه حمقت : تي واللهي نوريكن تعالي ياخديجه
نزلت نجمه لفايزه هيا وخديجه دقن الباب🚪👊
فايزه كانت تفرج هيا وصباح وساره
فايزه : من جاي توه في القايله نوضي ياصباح افتحي
ناضت صباحوتخش نجمه لاسلمت لاشي خشت راقيتلها نجمه : فايزه شفتي بنات ال$#&
فايزه : كنهن شن دارن نا. عرفتهن مش متربيات
حكتلها نجمه من اول ماجتها خديجه لحدت مانزلت لفايزه: باتهن وين يلي مايتحشمن على وجهن
خديجه : قالو ف مستشفى
فايزه رنت علي خالد وحكتله قاللها تو نشوف أمير
رن علي أمير
امير : أيوا
خالد : أمير وين مصطفى
أمير: عطك عمره ياعمي توفى
خالد : معقوله  لاحول ولاقوة الابالله إن لله وأن اليه راجعون ، توه شن بنديرو في البنات الي سيبهن انت دير اجرات الدفن ونا تو نصرف معا البنات
أمير: شن بتدير ياعمي راه البنات يتيمات ومعندهن حد
خالد : مش شورك انت هيا اوكي
امير: عمي ،طوط طوط سكر خالد وامير رقيتله ومشى دار اجرات الدفن ع عصر
.
.
.
خالد رن على فايزه
خالد : أيوا
فايزه : ها شن صار
خالد : مصطفى توفى
فايزه : باهي تريحنا منه ونا تو نصرف معا بنات ال$#%
خالد : تمام
فايزه ركبت فوق وتمت تدق ع بابا بقو
طبعا بعد ماطلعت نجمه وخديجه نوران سكرت الباب
نوران بحتت ف خواتها : ربي يستر معا عمتك فايزه وعمي خالد مستحيل يخلينا دقيقه ف الحوش بعد يعرف بابا توفى وتمت تبكي😭😭
روان &ورده😭😭😭😭
ريان ماسكه روحها بالسيف : اهدن خلاص مش حيصير شي زي هكي 😔
بعد شويه دق الباب عند البنات 👊👊🚪
ورده : حي علينا اكيده عمتي فايزه
ريان : اهدي مش حتدير شي لانه حوشنا هضى
ريان فتحت الباب وهدت عليهن فايزه ومعاها خديجه &نجمه
فايزه : توه تلمن دبشكن وتطلعن من الحوش مايلزمنش بنات مش متربيات
ريان : اول شي هذا حوشنا وتاني شي انتي مدخلكش بينا متربيات او لا إلهي في بناتك واطلعن برا هي
خديجه تسوس : ريتي ميتحشمن بنات مصطفى ريحات قليلات الاذب 😏
فايزه رقيتلها :  توه تطلعن ولا نقلب عليكن الحوش 😡
ورده : وين نبو نمشو نحنا معندنش حد هضى حوشنا
فايزه : مش شوري بيكن عندكن فرصه لحدت ساعه 5 نلقا الحوش فاضي وطلعت
روان & ورده  : 😭😭😭😭
ريان بحتت في نوران : شن بنديرو 😔
نوران : هيا بنات لمن دبشكن تو نشوف. حوش للأجار ونشتغل نا وريان وندفعو حقه
ورده تبكي: ياريت بابا عايش راه مقدروش يلزونا من حوشنا😭😭😭
ريان : خلاص ورده امشي انتي وروان ضمن دبشكن
ورده : هيا روان😥
ريان بحتت في نوران: زعما نلقو اجار ولا لا😥
نوران : إن شاء الله نلقو هيا نوضي ضمي دبشك ولو في مأكله جيبيها نشيلوها معانا
ريان : تمام
لمن البنات الدبش وركبنا ف السياره وفايزه خدت المفتاح وطلعن
.
.
.

نوران حايره باتها سيبلها مسؤاليت خواتها ومش عارفه وين تشيلهن بعدين مشت لعقار وتشوف ف شقه للأجار بعد وقت لقت اجار 300د قالت كويس نبوه اليوم قاللها تمام هذا مفتاح معايا هيا تطلعو تشوفوه
طلعت نوران ورا الراجل بالسياره
.
.
.
ف حوش خالد
روح أمير وسمع ان البنات لزوهن رقاله وتما يهزب وطلع رن علي نوران لاكن مردتش
.
.
عند فرج يسكن في منطقه ال****
في نفس المنطقه فيها شقا. الي بتاجرها نوران
فرج مكسد هوه &محمد &عبدو فم باب حوشهم
فرج : شن رايكم نمشو للكافي
عبدو : لالا انا شويه ومروح غدوا عندي شغل
محمد: تي ياراجل قالك نكسدو مش نتعبو ساعه ونروحو وبعدين هوه قريب من حوشهم اهوه ف بدايه الشارع
فرج : هيا يابرو
عبدو : باهي هيا
طلعو الشباب للكافي ونفس الوقت جن البنات 🙂🔥
#يتبع

حولت نطول ف الحلقه وان شالله حلقه 9تجي اطول 😊
رايكم ياهمني وتعالو ف قروبي روايات Ra.Mh. so.Mo❤️