ظلم💔
حلقه 15❤️😊
الكاتبه: Ra.Mh. so.Mo❤️
عند البنات بعد جتهم ام فرج وهدرزن
ام فرج :نوران دبنك انتي الكبيره بنطلب منك طلب وإن شالله ماترديني
روان استغربت وسكتت وتراجي ف ام فرج تحكي وخايفه
نوران : تفضلي ياعمتي وإن شاء الله لو نقدر عليه منردكش
ام فرج : يانوران انا بنطلب روان لفرج وإن شاء الله لو وافقتو تكون سبرها من سبر ملاك
روان انصدمت😳 ونزلت راسها ونفس الوقت فرحانه
نوران : واللهي اهي البنت وخودي راسها عن نفسي نا منلقش ناس احسن. منكم لاختي
ام فرج فرحت من كلام نوران : ها ياروان شن موافقه ولا
روان متحشمه وجها قعد حمر ومع عرفت ترد
ام فرج : نجيها الخجلانه😊
روان : عطيني وقت عميمه نصلي صلاة الاستخاره ونرد عليك 😊
ام فرج : تمام يابنتي خودي وقتك أملا نحنا نطلعو توه
نوران : خليك ياعميمه مزال بدري
ام فرج وهيا تلبس ف عبايتها : لا وين بدري من عمرك بنروح نديرلهم عشاء وإن شالله يومين ونجوكم ونشوفو قرار بنيتي روان
روان ابتسمت لام فرج ونزلت راسها
نوران : إن شاء الله ياعميمه تبي شي رني عليا زي بناتك نحنا
ام فرج: اكيد حبيبتي زي بناتي وأكثر ربي يحفظكن هيا معا السلامه
نوران مصبيه ع باب تودع فيهم وسكرت لباب وخشت لخواتها : روان تعالي نبيك
روان صبت ورها : نعم
نوران : في شي بينك انتي وفرج صح🤨
روان : اي كنا نحبو بعضنا بس ايام هذنا متعاركين ومعش نحكو معا بعضنا
نوران : اها وليش ماقلتيلي
روان : مش عارفه خفت تهزبيني ومعش تخلينا نمشو معاه 😔
نوران : وقت نهزبك نقعد خايفه عليك بس فرج كويس لو حد ثاني راه ضحك عليك انتي عارفه ولا مهم بتوافقي ولا لا
روان : 😔مش عارفه نصلي صلاة الاستخاره ونرد عليها هوه صاح نحبه بس مرات مش من نصيبي نصلي لو تريحت حانوافق عليه
نوران : اها تمام
.
.
.
عند فرج قاعد هوه وصاحبه محمد قدام حوشهم روحت ملاك وأمها ومحمد يشبح لملاك وهيا تشبحله
فرج خش ورا امه
فرج : امي شن صار
امه : خيرك مستعجل هكي انت
فرج : نبي نعرف شن ردت عليك
امه : قالتلي نصلي صلاة الاستخاره ونرد عليك
فرج رقيتله بس ف نفس الوقت تريح شوية: اها تمام
عند ملاك يشبحلها محمد بحب وهيا تشبحله وهايمين ببعضهم لين سمعو فرج جاي خشت ملاك
فرج : وين كنتي🤨
ملاك : نسيت حاجه ورديت جبتها
فرج : باهي خشي جوا
ملاك : باهي ياروان وضحكت
فرج: خشي ياحيوانه وخذا الصبط بيعزقه فيها
ملاك خشت تجري وتضحك
فرج طالع ويتمتم
محمد : خيرك ياراجل صوتك عالي وطالع تمتم
فرج : اوووو محمد نسيتك بكل انك قاعد تي الفرخه هذي مش عارف امتى تكبر
محمد تمى يضحك عليه ويذكر ملاك بعد كانت تغني وفتحتله الباب😂
فرج : خيرك🤨
محمد تلبك : لا شي بس منظرك يضحك😂😂😂
فرج : امشي ناقصني حتى انت ازف 😒
محمد يضحك : باهي أملا خليني نروح
فرج : وين ياثلب نبصر معاك
محمد : تي هلي رنو عليا وبعدين هضى حوشي تاني انا نلزك مش انت😂😂
فرج : تااافه
ومشى محمد للحوش وفرج رن ع روان مزال مقفل
فرج : اففف امتى تبي تفتح نقالها ونشوفها استحشتها 😔
.
.
.
.
تاني يوم عند نوران في المستشفى جاها امير بيشوف شن ردها
امير : السلام عليكم
نوران : وعليكم السلام تفضل قعمز
امير. قعمز وشبحلها : ها شن قررتي
نوران : انا لو وافقت هلك يوفقو وعمامي يردو زي قبل مستحيل وعمتي فايزه حتدوي علينا وامك تعاملني معامله شينه
امير : بس بوي وعمي تبرو من عيلت عمي خالد
نوران بصدمه : ليييش 😳
امير حكالها شن صار ونوران وجعتها حالت عمها وساره الي ماتت وعمر الي نحبس
نوران : لاحول ولاقوة الابالله أن لله وان اليه راجعون الله يرحمها ويسكنها فسيح جناته صاح عاملونا معامله شينه بس ربي يسامحهم ان شاءالله وجعوني هلباا😔
امير : انتي قلبك طيب هما ياما دارو فيكم وربي مينسش عباده
نوران : ونعم بالله ❤️
امير : انا حنحكي لأمي ونجي نطلبك لو موافقه
نوران : انا موافقه بس يمكن هلك لاا
امير : متفكرش في هلي ونا شريت حوش برا وتو نشوف حوش قريب منه بيش ياجرنا خواتك
نوران : ع خير ان شاءالله
( ربي مستحيل ينسى عبده حتى وبعد سنين يرد الحق وشفتو شن صار للبنات وهنا يتيمات ضلموهن عمامهم ولزوهن وهما عارفين معندهنش حد بس ربي كان معاهن وشفتو شن صار لخالد وبنته وولده وخوته تبرو منه يعني مهم تدير ف الدنيا ابسط شي يرد عليك وعلي الي تعزهم ربي صح غفور رحيم بس مينسش عباده فا الدنيا فانيه حبو بعضكم ومتضلموش غيركم وكونوا يد وحده ❤️)
عند نورهان شرت بتاتها كله وحجزت ف الفيلو والصاله والمزين وجا يوم تفريشتها
نورهان رنت ع ريان
نورهان : وينك ياكلبه
ريان : هيا ربع ساعه ونكونو عندك
طبعا عبدو يكون صاحب فرج عشان هكي عزم هل فرج وعزم محمد وهله او نورهان عزمت البنات
ريان وصلت هيا وخواتها لحوش نورهان
نورهان : ريونه نورتن حبيباتي
سلمن البنات ع نورهان وباركلها وخشن سلمن ع امها
وغيرن جو
في يوم الزفه مشت ريان معا نورهان للكوفيره وطلعت نورهان مشالله عليها جميله
نورهان : ها شن رايك ريان 🥺
ريان : نعليا طالعه تهبلللي مشالله تبارك الرحمن ربي يحفظك من العين وتمت تقرا عليها القرآن
ريان لبست فستان لونه ازرق ودارت شعر ملوي وميكب خفيف
شويه وجاهن خو نورهان أنور
أنور رن ع اخته : هيا اطلعي قاعد برا انا
نورهان : هيا
نورهان ركبت هيا وريان ومشن للصاله
.
.
.
نوران لبست فستان حمر وفيه فتحه من الكراع وفيه ميكب خفيف وشعرها مطلوق
روان لبست قميص ابيض فيه هلبا ريش وسروال اسود وميكب خفيف ودارت شعرها ذيل حصان 😅
ورده لبست فستان ازرق ولفه شعرها كوبه وميكب خفيف
عند عبدو لبس بدله العرس وطلع مشالله عليه والشباب طلعو بالسيارات والموتوات ويمتعو ويبيبو
وخشت العروس ع اسماء الله الحسناء وجت المصوره تصور فيها بعدها بنص ساعه خش عبدو وركبلها وحوللها الطرحه من وجها
عبدو : مشالله تبارك الرحمن نعليا هضى كله ليا ❤️وحب علي راسها ونورهان منزله راسها خجلانه وقصو تورته وكلها وهيا وكلته وبدلو المحابس وطلعو
ام نورهان : دير بالك عليها
عبود : في عيوني
ونورهان تعنقت امها وخواتها وتبكي
وأم عبدو : خلاص اهدي خربتي ميكب بتاعك خودها ياعبدو
عبدو : هيا نورهان
نورهان لبسوها وطلعت
.
.
.
.
عند ريان طلعت هيا وخواتها من عرس ومعاهن ملاك قالتلها ورده روحي معانا وأم ملاك عجبتها روان كيف طالعه. ولمى كانت معا روان
ام فرج : ها بنيتي شن قررتي
روان : ......
#يتبع
زعما شن تقرر روان اعطوني رايكم ف الروايه وبليز تفاعل ونزلت عشانكم الحلقه بس تفاعلوا وتعالو لقروبي ❤️🥺
الكاتبه : Ra.Mh. so.Mo❤️
أنت تقرأ
ظلم (رويات ليبيه )
Fiksi Umumروايه ظلم روايه من وحي الخيال...... في الأوقات الصعبه تعرف الناس الي تحبك و الناس الي تكرهك و للاسف الناس الي قريبين منك هما اكثر ناس ما يتمنوش لك الخير و حتعرفوا معنى الكلم هضا من الروايه و أن شاء الله تنال إعجابكم ♥️) باللهجه الليبية 🇱🇾 الكتابة:...
