اعصار المافيا الجزء الثاني (هدوء قبل العاصفة)

#اعصار المافيا الجزء الثاني (هدوء يسبق العاصفة ) الحلقة الثالته عشرة

#اعصار المافيا الجزء الثاني
(هدوء يسبق العاصفة )

الحلقة الثالته عشرة

استيقضت وجدته يعبث في هاتفه.....ثائر الفلوس الي معايا خلصوا

اجابها بسخط قبل ان يقوم من جانبها ... ما انا عارف اني هدفعلك تمن الليلةانت مش بريئة للدرجة دي

ابتسمت مردفة ..... ليه انت ماجرني ، ما تحسن الفاضك وبعدين مش خسارة في لوزه حبيبتك

نضر لها بإستنكار مردفا .....انتي  مستغلة هو مش المفروض دافع فيكي مهر كله دهب وكمان قاعدة تسحبي مني

عبست بوجهها مردفة بضيق ...على فكرة انت ناصب عليا في اخر مرة بتاع الفندق ....وما دتنيش بقية فلوسي ....وكمان انا زعلانه منك ومخصماك اشمعنا تفسح اختك وانا ساجني هنا

التقط قميصه من على الأرض مردفا ...اول حاجة انا مانصبتش عليكي  بس انشغلت ونسيت اني ادهملك ...واسترسل بتفكير  .....ثم انا عايز اسألك سؤال شغل بالي

نضرت له بإستفهام قائله.... ايه هو

اقترب منها وانحنى نحوها بجدعه العلوي مردفا بإستفهام  بعد ان قابل وجهها ....هو انا جوزك ولا مأجرك عشان ادفعلك فلوس مقابل حقي انتي ماجنونه يا بنت

رفعت سبابتها بوجهه مردفة بتذمر....جوزي اه على عيني وراسي كمان ....لكن حقي حقي يا ثائر ولو فاكر انت الي اخدتني الفندق ...وهو  خارج اطار عش الزوجيه ...يعني تدفع ..وبعدها فلوس المصروف خلصوا اعملك ايه انا

قال بضيق....تلمي ايدك من الصرف بدون فايده انا بديهم لك من هنا بترميهم من هنا

اجابته بعدم رضى ....هو انت هتعدهم عليا ....طب سبني اشتغل واصرف على نفسي طالما مش عايز تديني

  قال بحدة....اخر مرة تقولي اشتغل ...ثانيا بتصرفيهم علي ايه هو مش اسبوع واديتك  مصروف البيت  غير فلوس الفندق الي سحبتيهم مني

ابتسمت مردفة..... مصروف البيت انت بتديه للخدامه دنيا فاكر الي عملته معايا ...دول حقها وفلوس الفندق اتعاب لوزه..واكيد حقها كمان 

عض على شفته السفليه من شدة غيضه وقال ....هو انتي بتبعي وتشتري في نفسك عادي يا بنتي احترمي نفسك  على الأقل ولا ابوكي اللى رماك ليا وارتاح

ابتسمت مردفة بإستفزاز  .....هو انا رامية نفسي عليك انت الي  عايز لوزه ادفع  لها حقها انا  مش  بضربك على ايدك  ولا هديك وقتي ببلاش..وايدك على الفلوس يا ابليس  ، انت اصلا دا اللى نافع معاك انا مسكاك عافية كان زمانك بتدور على مغامرة جديدة

اجابها بإستفزاز ....بقولك يا حلوة  من الأخر كده ...انا طبيت ومش عندي مليم واحد ....كده كده استني لأخر الشهر

التقطت قميصه وارتدته  بإهمال قبل ان تنهض من على السرير  ثم توجهت له وعقدت يديها على خصرها مردفه بضيق......شوف يا ثائر بخلك دا اعمله على حد ثاني ...انا مابفهمش فيه يا تديني.... يا أرن على بابي حسن اقوله انك ..لاعايز تديني فلوس لا تفسحني