متبرية من ذنوبكم ❣️
استمتعو ❣️
________
بصوته الرقيق و بكل شي چان يحس بيه وقتها نطق وهو يباوع لقطرات مطر الخريف يلي تتصاقط برا الشباك:
"ضلمة و درب عاثور...♪ ليلة شتى و غيم ♪~روحي اشتهت ملگاك...♪عتتني الك عت~♪ها خوية ها، ها هااا ها هاه تگول اني عيناك♪ما مال حملي و كلفك...چا وينة حچيك؟ ...♪♪"
ابتسم بحزن و كمل يدندن بينما يتأمل المطر.
~
بمكان ثاني گعد عمر من النوم جسمه متكسر ، وخر ايد ريان يلي چانت شابگته وگام بدل وطلع يفتر
سمع صوت اثنين يتبسبسون يمه
واحد : مو هذا عمر يلي چان بصفنه ؟ كريه
الثاني : اي طبعا مبين كريه ، تراه سنّي
تنرزف عمر ورجع للبيت وبس دخل عبس حلگه ودمع لا اراديا
شافه ريان بهاي الحال وراحله شبگه وسئله: ها شبيك بسبس نو ؟
گله عمر شنو صار وياه و ورا كل جمله يگولها يفشؤ عليهم و يسبهم
ريان : اروح احرگ عشيرتهم هسة ؟
عمر : ترى چنت حالك حالهم...
ريان : چنت.
تنهد عمر وراح گعد يباوع للتلفزيون
راح ريان وراه وشاله حطه بحضنه وكملو يباوعون للفلم هيچ.
دخلت انوار وهي جاي تدفر الباب وخلته يطيرون من مكانهم و يخترشون
ابتسمت انوار وتمتمت: و ثول...عبالهم كلشي ماعرف ما يدرون عندي تشبيكات ثلاث عوائل و صور و فيديوهات الهم كلهم...
ابتسمت وشمرت عليهم علاليگ متروسه حلويات و كرزات
عمر : طاگه ماشالله
انوار وهية تعدل خزامتهة يلي بحلگهة: مو اني اشتريته،
ريان : اي گولي بايگته من اول!
باوعتله انوار وگلات بملل: اخ صديقتي لطش علي إلى يشترليل مبين چريم بزيادة
عمر : زاحف؟
انوار : تصدگ ؟ لو ولد ثاني سوا هيچ چان گلت زاحف بس هوة كلش كريم وشخصيه حلوة فى طبيعي يسوي هيچ.
ابتسملها عم وضل يدلك برگبته ، مو لانها تعوره! حتى انوار ما تشوف العلامات يلي عليها.
راحت انوار عليه و بسرعه البرق وخرت ايده وگصت ثلاث صور لرگبته
عمر : اا..ا شسمه! مو هذا!اااعع
انوار بابتسامه خفيفه : صورة جديده لمجموعه الكوبل رقم اثنين.
أنت تقرأ
سنّي
Fanfiction{ عْادَ مُنتصرَ بَعدَ كُل مَعارَكهِ... فى أنهَزمَ أمام عَينَيهِ الدامِعة~} سنّي 𝔵 شيعي
