وصلو كلهم و ركنو السيارات.
نزلت انوار من سيارة حمزة وهي متنشطه والدنيه بعينهة ورديه
انوار: شفتم ؟ اني گعدت بالصدر يم حمزة وخليتكم ورة✨
ياسمين صبعتلها أما زيد فى چان لاهي يشيل البليستيشن مالته
سمير: يلا اول ما نگعد رح انطيكم چم بيت شعر مغناة بمناسبه العطله ✨
ابتسمله يزن وصفگت انوار بحماس وراحت لسيارة اسامه
انوار: اساعدكم ؟؟
حسين: لا خية روحي اگعدي الرجال يتصرفون
ضحكتله انوار وردت: جنتل مان مثل صاحبك
ابتسم اسامه ببروده المعتاد وضل ينگل الغراض ( طبعا اكثر شي زيد جايب غراص يمكن جايب خمسة بليستيشن و الف طوبة و مليون قلم ودفتر رسم)
گعدو و استقرو جوة على الكنبات وگال يزن: يلا سمير راوينة حنجرتك الذهبية
سمير: حنجرة خشبية والله بس مادري ليش يعجبهم صوتي ، المهم انطمو.
گعدو كلهم عدل و ضلو ينصتون
سمير بصوته الرقيق يلي يشبه صوت طفل ب بداية المراهقه مع بحة خفيفة وطريقته بالغناء يلي تاخذ قلب السامع: لَم يبقى شيءٌ من الدنيا ب ايدينا...♪ إلى بقيةٌ دمعٌ في مئاقينا ~♪ كُنّا قلادةٌ جيدِ الدهرِ فَ انفرطتْ ~♪ وَ في يمين العلى كنّا رياحينَ..~
هدئ شوي وقال بصوت عالي ادهش الجميع: كانت منازلنا ~♪ في العز شامخةٌ لا تشرقُ الشمسُ الى فييي مغانيناا ~!♪،كانت منازلنا في العز شامخةٌ لا تشرقُ الشمسُ الى فييي مغانيناا ~♪
سكت وگال : اكو بعد بس مابية اغني احس نفسي جاي انهگ
صفگوله وصرخت عليه انوار بحماسهة المعتاد: جعل محد ينهگ غيرك! حنجرتك ذهبيههه!
ياسمين: صوتي احله بس يلا
باوعلها زيد وگال: يلا اطربينا
ياسمين: لا يا معود لاتفشلني
صفنت انوار شوي وگال : اني اريد اشعر! لا لا اريد اغني!
دار اسامه وجهه على حسين صاحبه و باوعله النضرات البومباستيكيه و حسين فهم قصده وضحك
بدت انوار تغني بصوتها الانثوي : اول مرة اجرب الحب ~♪ و اعيش الدور واعرفله ~♪ غطيييني بحناانك حيل...ترى گلبي گلب طفله ~♪
ابتسمت لاسامه باخر كلامها وكملت: مجنونة وغرامك صابني بحييره ~♪ على گد عقلي اخذني واتحمل الغيرهه ~♪
أنت تقرأ
سنّي
Fanfiction{ عْادَ مُنتصرَ بَعدَ كُل مَعارَكهِ... فى أنهَزمَ أمام عَينَيهِ الدامِعة~} سنّي 𝔵 شيعي
