قيود _ الهوس ⭐

« البارت الاول»

فـي احـدى محفـضات العراق _ الساعة،5 عصــࢪا ⭐

_ ماما ماما وييييينننج تعاليييييي.

الام:- وسم وزعير شبيج اصيحين.

طلعت امي شافتني وشهكت بصدمه.

الام:- عزززاااااا يمه شلون وكعتي ثولة انتي.

_ طلعت اغسل الطارمه و وكعت.

بجيت بالم

اجتي مسرة تعلج علج وتعوج بحكلها عود ما عاجبها.

مسرة بستهزاء:- من اجيبولك نادرة من باب الشرجي.

امي خزرتها اجيت احجي بس امي عضتلي شفة عود اسكتي لن تعرف انو بعدين الغلط. يطلع بينه اني وامي سكتت وطبينه.

»»»»»»»»»»»»»»»»»»»»»»»»»»»»»»»»»
آسـمي « ناريــن» عمـــࢪي 16 سنه اني البنية الوحيده الامي وابوي احنه عايشين عد جدو
«ابو بابا» جدو اسمه « نيهاد» وبيبي اسمها « صفية» جدو نيهاد عنده 3 اولاد بابا ااجبير اسم بابا « حازم» مزوج ماما اسمها « بيان» واني بنتهم الاوسط عمي « داود» هم مزوج مرته اسمها « رسالة» وعندهم بنية وولد البنية الجبير عمرها 22 واسمها « مسرة» تتدرس جامعه تربية والولد اسمه«امير» عمره 21 يدرس كلية مرحلة ثانية طب حباب ومرح بشكل. وعمي الاصغر متوفي الله يرحمه وكلنه عايشين ابيت جدي لي هوه بيت اجبير يكفينا رسالة مرت عمو تكره امي كلش ودومية مشاكل وياها وبنتهم الي هية مسرة تموت مني وتخلق المشاكل دائما. واني شخصيتي ضعيفه يعني ما ادافع عن نفسي ودمعتي بطرف عيني اليجرحني بحجاية كبل ابجي رقيقة حنونه كلش وادرس صف ثالث متوسط.
»»»»»»»»»»»»»»»»»»»»»»»»»»»»»»»»»»

دخلتني ام للغرفة وحطتلي مرهم الرجلي وكالتلي.

بيان:- بعد لا تتحركين حتى المرهم ينشف فهمتي.

نارين بابتسامه:- اي.

عافتني وطلعت ضليت كاعده على الجرباية اكلب تيك توك فجاه يطلعلي فيدو اخبر. ردت اديرة بس جذبني العنوان كان « عصابة خطف خطيرة» .

باوعت للفيدو جان عبارة عن.« السلام عليكم اعزائي المشاهدين هنالك اخبار حزينه. وعن جديد لقد كشف عن ان هناك عصابة مخدرات وخطف وسلب وبيع اعضاء الانسان وهي الان تتواجد بمحافضة « بغداد».»

خلص الفيديو واني تحت صدمتي محافضة بغداد كلش قريبة علينه. احنه عايشين بمحافضة « صلاح الدين» بس اني اصلي كربلائية. خفت اكثر طفيت التلفون وكمت طلعت من غرفتي جانت الدينه بدايت شتئ يعني الجو مغيم نزلت جوى لكيت ماما كاعده تاكل بسكت وجاي وتباوع على الاخبار كعدت يمها ورة شوية ام اردفت.

بيان:- ما سمعتي بلخبار.

نارين:- يا اخبار.

بيان:- علساس طابة عصابات سلب وخطف ومخدرات ابغداد.

نارين:- اي سمعت بس مو عصابات عصابة وحده ابغداد.

بيان:- لا هوه المذيع كال عصابات.

نارين:- ما اعرف الله يستر.

بيان:- يمه بنتي الله يتسر عليج والحسين يحفضج.

امي كانت ما مرتاحه ما اعرف عفتها وصعدت الغرفتي رجعت شغلت المبايل طلعلي الفيديو نفسة ما اعرف ليش حاوطني شعور سيء بس وكانو حيصير شي بس طردت الافكار مني راسي وخرجت طفيت الفون ونزلت ساعدت بلعشة وعمتي رسالة بس تذب حجي وتروح كلساع جاية ذابة حجي ورايحه. اني طبعي بس السان بس بسرعة ابجي. ما اتحمل اشوف احد يحجي على امي. ورة شوية طبت بيبي جانت رايحه يم اجوارينه وهم اجتي كعدت تفلس باكلة وتحجي عن اخبار العصابة اجو بابا وعمي وجدو وصبينه عشة وكعدنه كلنه ناكل ومتخلة السفرة من تحشيش امير علية وعلى مسرة 😂.. واني اضحك كملنه عشة شلت المواعين واخذت امي لغرفته كعدتها واني هم طرت لغرفتي حتى رسالة ومسرة يغسلن ومو خدام احنه طبيت سديت الباب طلعت كتبي وكعدت اقرة كملت رحت فرشت اسناني ونمت قبل لا انام حاوطني نفس الشعور السيء وكانو حيصير شي باجر وتتغير حياتي طردت هلافكار ونمت.

كعدت ثاني يوم 6 ااصبح سويت روتيني ولبست وطلعت اني مو محجبة نزلت لكيت جدو يسقي الورد بلحديقة وبيبي تشرب جاي يمه وامي تسوي ريوك وبابا طالع لن شغله يبدي ب6 ورسلة نايمه اكيد. كعدت عطاولة انتضر الريوك شوية واجه امير يضحك كلاعاده ومسرة رواه كالبة خلقتها اجو كعدو وبده امير يحشش ماما جابت الريوك اكلنه وامير مسرة راحو للجامعه واني اجيت اطلع وكفني صوت ماما.

بيان:- يمه ليش ما تاخذين اجازه.

نارين:- ليش ماما .

بيان بتنهد:- كلبي ما مرتاح.

ابتسمت وبستها وكلت:- لا يا روحي أطمني شيرد يصير مثلا يلة تاخرت باي.

بيان:- الله وياج يمه.

كلب امي وكانو ما مرتاح ودائما امي من يصير هيج احساسها يكون صحيح طردت هلافكار وطلعت وياريت ما طالعة وسامعه كلام امي يا ريت بسسس.
ــــــــــــــــــــــــــــــــــــــــــــــــــــــــــــــــــــــــــــــــــــــ
شتتوقعون شراح يصير وي نارين. ⭐🖤

بااااااااااي🆓🌚