قيود _ الهوس ⭐

«البارت 34»

من اجيبك ع السلف تسوه السلف.
ولمفارك عيونك بسلف شله اريد.
اصفن بوجهك صفنه الميتــين.
ما أرمــش لون سجيتني بسلــه.

قيود _الهوس ⭐.

للكاتبه // 806_Ruby.

_________________________________

نارين:: طلعت من غرفه جيلان واني لحيره ماكلتني اكل رحت للغرفه دخلت وسديت الباب ذبيت روحي ع الجربايه حايره ليش هيج ادمر مستقبلي لا دراسه ولا شي ااااوف يالله النهايه وين وين مو كافي عذاب.

اذكرت امي فزيت ناازه ليش ما اتصلت بيه كل هل وقت. معقوله نستني او يجوز صاير بيها شي والله اموت وراهه... ركضت للجهاز اخذته بلهفه وخوف دورت بجهات الاتصال.

شفت رقم امب مسميتهه زهرتــي دخلت عليه واتصلت بس يطلعلي الجهاز مغلق رجعت اتصلت نفس الشي متت خوف كلبــــــي وكع.

تقريبا ب 20 مكالمه دكيت عليها بس ماكو امي مختفيه من كثر الخوف كعدت بلكاع رجليه احسهم بعد ميحملوني من الخوف.

وثانيه هيه ثانيه واذكرت الاصهب طلعت رقمه اتصل واتصل وما اكو شسالفه شصاير يا الله؟

كمت افتر بتوتر ليلي كله كاعده باوعت للساعه،2 ونص تعبت وكعدت عجربايه ونمت بدون وعي مني من التعب وتوتر.

كعدت ثاني يوم الصبح الساعه ب 8 تقريبا كمت غسلت وطلعت غيرت ملابسي ونزلت شفت هــزال كاعده اتسوي ريوك وجيلان بلجامعه نايمه ومحد بلبيت..

كعدنه اني وهزال ناكل بهدوء. كملنه كمنه غسلنه المعاين اني صعدت لغرفتي رتبتها وهيه هم راح ت لغرفتها ورة شويه خفت وخدي بلغرفه نزلت يمها كعدنه انسولف امور عاديه كلش.... الا ان مر الوقت وصارت الساعه ب 1 ونص كملنه صلينه وسوينه غده اندك الجرس.

رحت فتحت الباب وطب بارق يركص وجيلان وراه سديت الباب مستغربه شكو.. سئلت بأستغراب.
:- شصايـر؟

بارق بفرح...
:- راح يجون جدي وبيبي وفهـــــــد من الحــج اويلي يابـــــــــه .

هزال بتسأل.
:- يمتــــــــه يجون؟

بارق.
:- باجـــــــر.

سكتنه ثنينه وجان عندي فضول حتى اشوف فهد يلي هوه ابن الاصهب بارق صعد يغسل ويغير ملابسه وينزل حتى نتغده وجيلان اول ما طبت راحت لغرفتها اكيد صاير شي.

عاد اتغدينه انب وبارق وهزال وجيلان صحنالها اتحول ما اشتهي عفنها عاد براحتها اكلنه بس احنه الثلاثه حتى ادم بلدوام..

كملنه اكل وغسلنه المعاين واحنه دانعزل بيهم حجت هزال.
:- ناري.

:- هاا.

:- احم جيلان شبيها؟

:- والله ما ادري حتى اني بالي ضل عليها.