كال هيج وتركني وطلع بدون ما ينبس حرف ثاني ضليت مستغربة شنو يعني اعيش ويااه شديصيرر.. ما اعرف كمت سانده ايدي علا الحايط وامشي وصلت للمغسلة غسلت وجهي مرتين احاول استوعب شنو ديصيررر.
_________________________
«في المستشفى»
الدكتور:- الحمدالله ؏ السلامه المريض كدر يتخطى مرحلة الخطر..بس ديرو بالكم علية عنده كسور برجلة اليسرى وخياط براسة فأتنبهو علية.
رسالة:- شكرا يمه متقصر الله يحفضك..
سرى:- يمته نكدر نشوفه.
الدكتور:- خمس دقايق وطبو شوفو بس كل 2 سوه.
الجد:- الله يحفضك ابني اخذ راحتك.
بيان / سلم علينه الدكتور وراح اخذت نفس براحه ورحت كعدت علكرسي. رجلية احسهن انشلن. من كوه واكفه عليهن... وره خمس دقايق عمي كال.
الجد:- يلة منو يفوت وياي.
طفرت رسالة وكالت:- اني عميي.
دخلو رسالة وعمي وسرى بقت كاعده كبالي تخوزر بيه.
حازم:- داود منو سوه بأمير هيج.
داود:- والله خوية ما معلوم بس امير ورة العركه طلع معصب اتصلت عليه كال يم الشط شوية واجي.
حازم:- اي.
داود:- شو ورة ساعه تقريبا اجه امير طب سبح وصعد فوك لغرفته ما اكو روه نص ساعه نحس امير انشمر من شابك غرفته وبي دم هاذا ليصار. خاف واكع.
حازم:- راح ابلغ لعد. لا خوية وينه وين الوكعه امير مو زعطوط واذا واكع لعد ليش على وجه اثر بوكسيات وضررب.
شهقت بخوف من سمعت كلام داود امير غرفته من الطباق الثالث..... راح حازم يبلغ الشرطه ورة شوية طلع عمي ورسالة تباوعلي بحقد..
الجد:- داود.
داود:- أمر بوية.
الجد:- اخذ رسالة وبيان وسرى للبيت.
سرى:- جدي اني اريد ابقى وي امير.
رسالة:- اي عمي لعد منو يبقى يمه.
الجد:- تمام لعد اني وانتي وبيان انورح للبيت.
بيان:- بس عم
بعدني ما مكملة كلامي خرزني عمي سكتت واخذنه داود للبيت..
___________________________
«الاصهب»
بعد. مطلعت منها رجعت للبيت اسوق بكل برود وكل بالي يم الخطه الثانية ابتسمت باستهزاء واني اذكر عيونها ونضراتها المتسولة....
وصلت البيت متأخر الفجر ساعه 3 دخلت ورحت لغرفت امي شفتها تقرى قرأن رحت يمها دنكت بستها من راسها بخفة.
أنت تقرأ
قيود _ الهوس ⭐
Mistério / Suspenseكسر كلشي موجود بلغرفة صارت عبارة عن كزاز لن طلعت بره البيت..... اتقرب مني بخطوات هادية واني ادموعي وخوفتي ورجفت جسمي ما وقفن لزمني من شعري حيل وكال:- والله ولي اسمه الله اذا الله اذا حاولتي بس اتحطين رجلج كدام باب البيت اكسرهن الج (عاط بية بصوت عالي...
