قيود _ الهوس ⭐

«البارت الخامس والعشرون»

«عندما يواجهوك الاعداء واجهم ولا تخف.»

للكاتبة // 806_Ruby .

__________________________

بس كتلها هيج غيرت الموضوع وكالت.

جيلان:- م ما ادري هسه المهم يلة خنروح. ناكل بارق منتضرنه.

سكتت عنها اخذنه الكيك وكعدنه بصالة اكلنه خالتي هية ولا ادم ما همه.

( ملاحضة مهمه // اسم سيف ما عجبني راح اغيرة واخلي اسم ادم احسه احلى ( ادام اخ الاصهب اكبر من بارق) ..

كملنه كيك والباقي ضمينه بثلاجه اذن الاذان ركضت للغرفة صليت ونزلت سوينه العشة اني وجيلان وخالتي اجت صلت وخطية تجي يمنه اتكول محتاجت شي بس احنه مقبلنه تشتغل ويانه خطية مرة جبيرة ولو مبين عليها عمرها 30 😂.

حطينه الاكل واجتمعنه كلنه ع الطاولة بس ادم نا هوه جاي ناكل وما نحس ادام دخل عبالي الاصهب دخل نفس الطول بس الاصهب شوية اطول واضخم من ادام سلم وردينه السلام.

افراح :- يمه روح غسل وتعــال اكل .

ادام:- تمام.

راح غسل واجه كعد اني صافنه علية حتى نفس الملامح الحاده بس ملامح ادام شوية احسن من ملامح الاصهب الاصهب ملامحه كلش حاده ويخوف.

كملنه اكل غسلنه الاماعين اني وجيلان وترخصت منهم وصعدت لغرفتي ارتاح

دخلت الغرفة ضلمه وباااارده بداية شهر 12 والجو بارد كلش.. باوعت للساعه جانت ب 8 ونص كعدت اكلب بمبايلي شوية ضايجه...

__________________________

جيلان:: من كملنه غسل الماعين اني ونارو هية صعدت ترتاح واني هم رحت لغرفتي ارتاح دخلت سديت الباب وغسلت غيرت ملابسي ورحت ع جرباية كلبت تيك توك شوية ورحت باوعت مسلسل واني مندمجه وجاي اباوع اجتني رسالة من حرب.

- اعتبري سالفتج نحلت.

رجف كلبي بخوف دزيتلة.

- شنو قصدك؟

- قصدي واضح عن ابن عمج انسيهه.

- شسويتلة؟

- ههههه خايفة علية؟

- مو هيج قصدي شبيك يعني اقصد شسويتلة.

- هههههههه.. مجرد انطيته درس وعلمته شلون يحط عينه بعينج.

طفيت الجهاز ما دزيت شي سكتت يعني شكلة كمت افتر بلغرفة بهدوء رجع وصلتني رسالة منه جان كاتب بيها.

- صفنتي 😂.

ما دزيت شي هم ضليت ساكته وافتر بلغرفة حايرة رجع اتصل قفلت باب الغرفة ورجعت رفضته. رجع اتصل مرة ومرتين وبكل مرة ارفضة ما ادري ليش.

دزلي رسالة كاتب بيها .

- تريدن لو اسوي شي ميعجبج.

مدري ليش خفت منه رجع اتصل بسرعه درت ساكته كال.

- الو يحلوه.

- ا احم الوو.

- ليش متريدن ع اتصالتي.

- يا اتصالات؟

- تغشمين نفسج لو شنو؟

- لا والله بس...

قبل لا اكمل كلامي قاطعني وكال.

- اتعشيتي؟

- ايي.

- الف عافية انتي وين هسة.

- بغرفتي.

- تمام لعد نامي الله.

- منعسانه.

- احجيلج قصه نامـــــــي.

- اوكك.

نمت ع الجرباية واتغطيت وهوه بده يحجيلي القصة يكلك اب وبنته..

______________________________

هزال:: كعدت ع الم براسي مو طبيعي فتحت عيني شفت نفسي بغرفة كمت ع حيلي مخترعه وين اني وين امي بلكت يطلع كل لعشته حلم..

لكن مع الاسف مو حلم واقع. دخلت ام صلاح للغرفة شافتني كاعده ابتسمت بحنان واجتي حضنتني وباستني واني صرت جسد بلا روح..

عرفت اني ابيت ام صلاح واخوب حمزه مو موجود مدري وين جابتلي ام صلاح الاكل مقبلت اكل برتني اكلت شوية ورجعته انتطتني علاج..

هزال:- خالة اريـد ارجع لبيتنه.

ام صلاح:- خالة ويامن اضلين اخوج كل يوم طالع تبقين وحدج؟

هزال:- ميخالف خالة الله يخليج خل اروح .

وبعد محاولات قنع مستمرة وافقت وفعلا لبست وطلعنه صار بوجهنه كرار لابس بس شورت وناركيلة بيده يباوعلي بنضرات ***** حتى حرام احجي شي عن هلنضرات عافته خالتي ورحنه لبيتنه وصلنه واتشكرت من ام صلاح وراحت دخلت للبيت هدوء مابي ريحت اكل امي مثل كل يوم...

سديت الباب ورحت غرفه امي وابوي دخلت الغرفة مرتبة عطرها يجنن امي دائما نضيفة..

نزلن ادموعي بدون وعي كعدت بلكاع صيحت بوجع لطمت بجيت هواي ما اكو اي فايده..

اذكرت جهازي بعده فوك ع الشحن صعدت جبته ونزلت لغرفة امي سديت الباب وكعدت ع الجرباية اتغطيت وطلعت تيك توك مدري صرت مخبلة مو مستوعبة وفات امي وابوي...

كلبت طلع فيديو تبك توك مال.

- راحــت شمعـــة سنيـــني.
- ضي لبعيـــــني خذوها.

قراية مال باسم الكربلائي متتت من لبجي انتهيت.
فجاه وحسيت اكو حركه صارت بلبيت اذكرت اني الباب قافلته منو يجي او يكدر يفوت؟

شوية وبده صوت الحركه يعلى اكثر واكثر شجعت نفسي وفتحت بابا غرفة امي وطلعت..

__________________________
مرحبا شكرا ع المشاهده ومع السلامه 🫶🏻😩💔