قيود _ الهوس ⭐

« البارت التاسع عشر»

انصقعت من يلي اشوفة شفتها شلون نايمه ملاك مو بنية كلش حلوه ونعومه مبينه طفلة اتنهدت بحسرة:- الله يعينج ع طبع الاصهب ويصبرج..

رحت ع كيف كعدتها:- نروش نروشة كومي اكعدي.

نارين:- هممم..

جيلان:- كوميي ولج اليوم جاينه خطار.

نارين:- منو.؟

جيلان:- بيت عمي ابو سعد يمهههه ذولة ولدهه ملطلطين.

كمت ع حيلي وكعدت ع الجرباية واردفت بنعاس..

نارين:- ليش شبيهم.

جيلان:- ييييمههه منهم يمههه خصيصا احمد و سلام ذولة يمههه فد يلزكووننن ويتحارشووون احمد عنده تقريبا الف بنية ويجي يتحرش بيه وسلام فد واحددد كل يومية سجن من وره شكاوي البنات علية.. بس سعد شوية زين مزوج ومستقر..

نارين بصدمه:- ص صدك لعد ليش متكولين لابوج اخوانج علية...

جيلان:-ما اكدر لن بس اكول للاصهب راح يموت احمد والله ميخلي عايش.

نارين:- جا انتي تحبي.

جيلان بصدمه:- شسالفة هوه اني ااريد اخلص منه بس ما اخدر اكول لن امه خطية حبابة وعمي حيتخارب وي ابوي بسببي.... و

قبل لا تكمل ملامها سمعنه هورن مال سيارة..

جيلان:- اجو اجو يلة بدلي وتعالي..

هزيت راسي بمعنى اي عافتني وطلعت استغربت من الوضع شهل العائلة الغريبة..... واني رحت اخذتلي ملابس طبيت سبحت ومشطت شعري ولبست الملابس طلعت اجننن.

ملابس نارين 🔥.

وطبعا حجاب بلون الابيض ومرطب وكعب ابيض وطلعت اول منزلت الانضار كلها توجهت علية توترت ومعرفت شتصرف..

نارين بتوتر:- س سلام عليكم.

الكل:- وعليكم السلام..

اشرتلي جيلان بمعنى بوسي ام سعد..

رحت بوستها ورحت كعدت يم جيلان.

همست لجيلان بخفوت:- اكلج لعد شو زوجت سعد رافعه خشمها ..

جيلان بهمس:- وج هي هاي حية مسمومه ديربالج توصليلها والله تبليج بشغلة محد يطلعج منها .

بصراحه وع وصف جيلان كلش خفت منها ورة شوية كمنه انثب الغده واني خالوت شكد وي خالتي ( ام الاصهب) اشتغل بس تكولي بعدج عروس زعلت واجبت اروح وهية خلتني بس احط الطرشي بلصحون وهاهية وفعلا بديت احطهم بهدوء واحجي وي جيلان وحدنه بلمطبخ..

نارين:- اكلج جيلان لعد انت. معدكم عمام بعد..

جيلان:- ههه وج عدنه خييير من الله الاول حسام هم مزوج ومستقر وعنده 3 بنات و 2 ولد والثاني وليد عنده ولد و 2 بنات........ والثالث..

ذبت نفس بحسرة وقهر..

نارين:- ييي كملي...

ارتبكت بتوتر وغيرت الموضوع

جيلان:- يالله جيبي الطرشي نحطه ع صفحه..

استغربت من تصرفها وليش متريد اجيب طاري عمها الثالث.. الله يستر شهل عائلة الغريبة.

كملنه وكتلها رايحه اخبر امي وفعلا رحت من اول يوم زواج لحد هسة ما سامعه عنها شي .... طبيت غرفتنه اخذت جهازي وبديت اتصال ع امي مترد مرة مرتين الثاثلة ردت...

نارين بلهفة:- الوو يمه وينننج..

بيان بهمس.
_يمه يا روح امج شلونج.

- مامه اني الحمدالله وانتي شلونج.

- اذا انتي بخير اني بخير شلونه زوجج وياج عيالج شلونهم وياج يمــه..

- مامه لا تخافين حبابين وياي ويحسبوني نفس بنتهم..

- وزوجج؟

من سئلتني على الاصهب اترددت اكلها كلشي كلت فوك ضيم عمتي وسرى ادور ضيمي..

- مامه لا تخافين كلش زين وياي.. مدللني اي انتو شلونكم..

- حمدالله... اخخ يا نـاريـن اخخ لو تتدري سرى شصاير بيها كالبة البيت كلاب شلون انتي ازوجتي وانتي اصغر منها وهي كبرت وتكول راح اضل عانس.

- ياريت لو هي بمكاني ومزوجه ياريـت بسس.

ضلينه نحجي اني وامي شوية وسديت الخط منها صعدت جيلان ونزلنه سوه علمود نتغده وفعلا ذولة اولاد عمها الثنين ابد مو راحه سلام بس صافن بوجهي واحمد يغامز لجيلان.. اعتب ع هيج عالم وا

وحنه جاي نتغده دخل الاصهب بس شافني كاعده كدام اولاد عمه اتغيرت ملامحه 180 درجه... ملامحه صارت حاده حيل وخزرني خزره يمه لو ضاربني طلقة ولا هل خزرة...

سلم ع الكل وخوه سلام بعد عينه ما رفعها خنس واحمد نفس الشي.. اتقدم مني وكال بصوت عالي

- ناريـن واري.

محجيت شي هزيت راسي بمعنى اي وسكتت راح هوه صعد فوك دحجتني جيلان بدون محد ينتبه وهمست يمي بصوت خافت..

- نارين كومي صعدي ورا لا يحرك البيت بسرعه..

- بس خن اكمل اكل..

- كومي احسلج لا تتاخرين ميحب لانتضار..

فعلا سمعت كلام جيلان وصعدت فوك اول مفتحت الباب.... 🖤

_____________________

حمدالله البارت شوية طويل صح 😂

يالله بيباي 🫶🏻💕🤘🏻