قيود _ الهوس ⭐

«البارت الثامن والعشرون»

يود_الهوس.

للكاتبه // 806_ Ruby.

_____________________________
هزال // طلعت حايرة من بين الشوارع بيا شارع اروح لمنو التجئ جريت نفس قوي درت وجهي لباب بيتنه نزلت ادموعي بقهر هلبيت لتربيت بي وعشت بي شلون اعوفه بهل سهولة فزيت واني اسمع صوت حمزه يودع اصدقائة درت وجهي وركضت باسرع ما عندي..

اركض واركض وادموعي ع خدي هلحضه ما اتمناها لعدوي شعور انو معندك سند شعور انته وحيد بهل حياه اخوج من لحمج ودمج يتاجر بيج علمود الفلوس.

كل شعور سيئ حاوطني بلحضة.... ركضت باسرع ما عندي لحد ما وكفت بتعب واني اجر اكبر كمية من النفس.. خشمي وخدودي صارن حمر من كثر البرد والدنية رعيد حتمطر لا يالله...

باوعت للمكان بي شارع عام بي سيارة قليله حاولت اجر سيارة جان عندي فلوس 50 الف من ينطوني مصرف اجمع ما اصرف بس اجرت سيارة مدري وين حروح بس اهمشي ابتعد عن منطقتنه..
مدري شلون خطر ع بالي اروح محافضة الانبار واذكرت كلام امي وهي اتكول.

- يمــه اهل الانباࢪ زود وكفو وياسعدون الشخص اذا محتاج كلشي يصير روحي للانباࢪ

- ماما منو الية بلانبار وبعدين ليش تحجين هلحجي؟

- بس روحي للانبار ومعليج.

رجعت لوعي من ابو التكسي كال

:- وين اخذج بنتي.

:- عمو تكدر تاخذني للانبار.

:- اي صعدي.

صعدت وياه وره كعدت صفنت بجامه وبجيت كلش قوي حيل بجيت اشهك طول الطريق حتى الرجال سئلني شبيج وكان جوابي اختي مريضة..

تقريبا وصلنه للانباࢪ الساعه 1 ونص بليل

:- بنتي وين تردين اخذج.

هسة شكلة ما عندي واحد اروحله هم عيب.

هزال:- نزلني هنا عمو .

نزلت وانطيته الكروه وهوه راح مشيت بشوارع الانبار تايها...

مشيت بوجع وبالم كعدت ع الرصيف مختنكه ابجي حيل مخنتكه كمت وكفت اريد اكمل مشي وما احس وكعت من طولي...

________________________________

نارين:: كعدت الصبح ؏ صوت جيلان تهز بكتفي كنت بملل..

نارين:- جيلان شبيج؟

جيلان:- نارووو كومي اليوم حنروح للسوك.

نارين:- يي يمته؟

جيلان:- العصر نشتري كم غرض كومي يلة الساعه ترة 11

من سمعت الساعه نزيت مخترعه كمت ع السريع ياربي هسة شيكولون علية لا شغلة ولا عملة.

نزلت جيلان واني كمت غسلت وبدلت ونزلت جان محد بلبيت الولد كل واحد بشغلهه وجيلان اليوم اخذت اجازه...