قيود _ الهوس ⭐

«البارت الثاني عشر».

دخلو وانصدمت كلش واني اشوف امير عيوني تنكط شرار يباوع للاصهب واصهب بارد. كلش حتى بتسامه ما ابتسم.....

مر الوقت وصار وقت العقد هم كعدوني ورة الباب تحت ادموعي واجباري حطو رجلية بمي ورد وهيل وادية على القرأن.... بدة السيد يعقدلنه وسئلني.

السيد:- ابنتي نارين سعد هل تقبلين الزواج من الاصهب اشتار اذا انتي موافقة قولي نعم وانته وكيلي.

ضليت صافنه مو جاوبته. كرصتني امي بمعنى جاوبي.

هزيت براسي ب لا وادموعي تجري.

نارين بدموع:- ن نعم و و وا انته و وكيليي.

السيد:- بني الاصهب اشتار هلتقبل الزواج من نارين سعد.

الاصهب ببرود:- نعم.

من كمل السيد عقد عفت كلشي وركضت لغرفتي دخلت وبقيت ابجي اجتي امي هدئتني شوية وبعدني كالت.

بيان:- كومي يمه غسلي وجهج وضلي هنا لن خطيبج يريد يشوفج يلة يمه.

باوعتلها ورادفت بخوف:- لا لا ماما الله عليج و والله هوه يخوف.

بيان:- يمه شبيج راح يذبحج يااا يالله اني طالعه.

قبل ما ارد عافتني وطلعت كمت غسلت وجهي ورجعت كعدت ؏ الجرباية والخوف يقرى الف.

ورة دقايق انفتح الباب... ودخل الاصهب بهيبته المعتاده وبروده القاتل اتقدم وكعد كدامي ( كدام جرباية نارين اكو قنفة كعد عليهاا) .

دنكت راسي وصرت العب بأدية ومتوترة..

اردف ابرود

الاصهب:- اممم اي نارتي شلونج.

نارين بتوتر:- ز زينه.

الاصهب:- ارفعي راسج.

ما رفعته ابد وتوتري زاد...

الاصهب بحده:- نارتيي لا تعندين ارفعي راسج كلللت

خفت من نبرت صوته ورفعت راسي باوعت لعيونه جانت لونها جوزي طووخ ويخوفن حادات وناعسات.

نارين بتوتر:- ه هاا.

الاصهب:- شهل الحلاوه.

خدودي وردن اني بسرعة اخجل نزلت راسي...

كام هوه تقريب يمي وبحركه سريعه منه سحبني وصفطني بلحايط حيل انيت بوجع وعيوني دمعن . وحصرني من الجهتين ضليت مصدومه من تصرفة

اردف بنبرة مستحيل انسها مجمعه بيها الانتقام والخبث والحده والعصبية.

الاصهب:- والله يا نارتي لاخيلج تتمنين الموت الف مرة بدل العيشة وياي...

كال هيج وتقرب مني حيل لدرجه اخطلطت انفاسنه.
كمل كلامه وكال.:-فهمتي.

ما جوابته وبس ادموع تجري رجع اردف بصياح خلاني ارجف:-فتهمتييي.