قيود _ الهوس ⭐

«.البارت الرابع والعشرون»

نارين // بعد ما طلع الاصهب ضليت كاعده شوية واندك الباب كمت فتحته جانت جيلان حجت بحماس.

جيلان:- شنو رئيج ننزل بلحديقة انسولف ضوجه واليوم عطلة.

نارين:- ههه ايي والله يلة امشي.

نزلنه جوه وطبعا لبست حجاب ونزلنه كعدنه بلحديقة مالتهم لورة تخبللل كلها ورود واشجار وثيلة وجبيرة اتخليك تكعد بيها غصب 😂.

كعدنه سوه وبدينه انسوالف سوالف عشوائية 😂.

نارين:-اكلج جيلو عادي اسئلج سوأل.

جيلان:- جواب حبيبتي اسئلي.

نارين:- ما عدكم جده او جد؟

جيلان:- شوفي جدي ابو بابا عايش حمدالله وبيبي هم عايشة بس هسة همه بلحج حتى بلعقد مال الاصهب ما كدرو يجون.

نارين:- اهممم تمام.

جيلان:- اكلج انر جوعانه كومب خنسوي كيك.. تعرفين؟

نارين:- ههه اي اعرف اسويها تخبل.

جيلان:- وجج حمستيني كومي يالله خنروح.

كمنه اني وجيلان وبدينه انسوي الكيك والبيت فارغ سئلتها ع امها كالت رايحه لاخته والولد طالعين يعني بس اني يواها بلبيت.

____________________________.

هازال // كعدت الصبح ع امي تكدعني كمت غسلت اليوم خميس وباجر جمعه الله راحههه غسلت وبدلت ونزلت جوه لكيت امي كاعده اتصب الريوك كعدنه سوه ناكل بهدوء وكلعاده حمزه بلغرفة نايمي يجي بنص اليل مرات حتى يجي 6_5 الصبح عده كلش عادي كملت ريوك غسلت الاماعين وامي صعدت اتبدل وبابا راح يجيب السيارة.

كملت غسل كعدت اراجع للمتحان نزلت امي مبدلة فديتها اجه بابا ودعتهم وامي توصي بية انتبهي ع نفسج وتوصي بية عبالك بعد مترجع مدري ليش حضنتهم حيلللل وبستهم وطلعو..

رجعت قريت صارت ب 11 كمت لميت جنطتي عزلت البيت واكلت لبست ملابس المدرسة وطلعت ب 12 ونص مشيت للمدرسة مو بعيده مسافة قريبة كلش..

وصلت للمدرسة وبده الدوام عادي جدا اجه اخر درس عدنه عربي بنص الدرس اندك الباب وفاتت بنية صاحت باسمي.

:- هزال..............

هزال:- نعم اني.

:- المديرة تريدج.

رحت وياها بدون ادراك وصلت والمديرة كالت.

:- ماما عمامج يردوج بلباب لبسي جنطتج واطلعي.

رحت لللصف والبنية وياي هيج قانون المدرسة سألت بستأول.

هزال:- شيردون؟

البنية:- مدري منو متوفي من عدكم الله يصبرج.

بدون ادراك اذكرت امي من توصيني ركضت للصف لبست صايتي وحجابي وطلعت اركض نزلت الدرج من كوه كم مرة اجيت اطيح طلعت برة لكيت عمي ستار واكف هوه وابنه هيثم.