.
.
.
.
نارين:: باوعنه كلنه لمصدر الصوت دخل طفل صغير يخبل ملامح حاده كلش يشبه لاصهب نفس الملامح بس ملامحه مريحه شويه..... دخل يركض يحضن ويبوس ب جيلان وجيلان متخبله عليه.... دخلو رجال ومره كبار بلسن... عرفتهم يصيرون اجداد الاصهب بس وجهم بيها نور.
جيلان عافت الطفل وراحت سلمت عليهم كملو سلام واني وهزال صافنين بس عليهم التفتت علينه جيلان وحجت بابتسامه .
:- جدو بببي هاي نارين زوحت الاصهب وهاي هزال
سكتت شويه وكملت .
:- هاي هزال اصير بنت خال نارين جايتنه زياره .
اشرتنه بمعنى سلمن سلمنه وهمه راحو يرتاحون واني والبنات دخلنه للمطبخ انحضر الماعين علمى يجون ادام و خالتي ....
وره تقريبا ربع ساعه وصلو اني طلعت اريد اشوف جهازي بلكه امي متصله او شي لن حيل قلقت عليها .
______________________________________
هزال :: طلعت نارين اتروح تتطمن على امها خطيه تكسر الخاطر جيلان صاحتلها امه وطلعت واكفه داشرب مي بلمطبخ وفجاه دخل دام شافني ضل صافن واني غصيت بلمي من كثر الصدمه الكلاص بقه بايدي .
هوه طب بهدوء حط الاكل ع السنكي يمي صار كلش قريب عليه اخذ الكلاص المي من ايدي شرب منه ورجعلي ياه .
حجه بهدوء .
:- مممممم ليش كل هلمكياج والبس ؟
حجيت بتوتر من قربه يمي عطره حيل حلو .
:- مو احم مو البنات لبسو لبست وياهن .
:- مممممممم .
سكتت ما اعرف شحجي دنكت راسي بخجل سكتت وهوه سكت باوعلي نضرة اخيرة وطلع .
اتنفست براحه عبالك واحد جان خانكني دخلت جيلان وبدينه انحضر الاكل سوه نزلت نارين ودموعها جانت مبينه باجيه باوعنالها بصدمه ورحنالها ثنينه .
جيلان .
:- شبيج تبجين يا روحي .
نارين .
:- شبيههه يعني شبيهه جيلان الاصهب مختفي صارله تلت ايام وامي اخبارها مكطوعه .
جيلان .
:- الاصهب اخوي واعرفه دوميه يغيب فترات طويله ويرجع لا تخافين عليه اما امج ربي يصبرج .
سكتنه كلنه صاحت خالتي علمود انصب الاكل صبينه الاكل واخذناه رحنه نكعد طبعا الجد جان كاعد ع الكرسي يلي بمقدمه الطاوله والجده ع الجه ليسرى وبصفها خالتي وبصفها بارق .
اما من الجه اليمنه اول كرسي فارغ لن مكان الاصهب وبصفه ادم وبصفه كرسين فارغات وبصف بارق كرسين واحد يلي بصف خالتي كاعد عليه رمح ابن الاصهب وبصفن بارق وكرسي فارغ راحت جيلان كعدت بصف ادم ونارين بصفها ما اكو غير يم بارق اكعد رحت كعدت يم بارق ادم صار كدامي .
كعدت جاي اكل بهدوء رفعت عيني فجاه صارت عيني بعين ادم خرزني خزرهه شلعني شلع بيها ..
سكتت خايفه دنكت اكمل اكل بهدء خلصنه اكل لكل كام واحنه رحنه تغسل اللماعين كالتلي جسللن انو اصعد اجيب تلفونها .
رحت بهدوء صعدت اجيب تلفونها ردت اروح لغرفتها وفجاه انسحبت من ايدي بقوه وانضربت بلحايط انيت بالم .
باوعتله ادم وعيونه حمر عروقه بارزه متت من الخوف .
حجه بهدوء مخيف .
:- ليش كعدتي يم بارق ؟
حجيت بتلعثم وخوف .
:- مو ماكوو ممكان .
سحبني من ايدي تجاه بقوه وحجه سريع وبعصبيه .
:- ممننوععع تكعدين يم بارق ممنوع افتهمتي ممنوع .
:- تممام فتهمت عوفني .
عافني واني ركضت يم البنات حته التلفون ما جبته نسيته سئلتني جيلان ما عرفت شجاوب سكتت كملنه اماعين وكعدنه ....
_______^______^________^________^____
ستتتتوووووووببب 😊😋
أنت تقرأ
قيود _ الهوس ⭐
Mystery / Thrillerكسر كلشي موجود بلغرفة صارت عبارة عن كزاز لن طلعت بره البيت..... اتقرب مني بخطوات هادية واني ادموعي وخوفتي ورجفت جسمي ما وقفن لزمني من شعري حيل وكال:- والله ولي اسمه الله اذا الله اذا حاولتي بس اتحطين رجلج كدام باب البيت اكسرهن الج (عاط بية بصوت عالي...
