قيود _ الهوس ⭐

« بارت 40»

نارين:: هلجمله نفس الساعقه وكعت ع راسي معرف شسوي انصدمت عقلي جاي يدور شديصير شنو ولي ابطني وشنو ماضيهم يالله شديصير فزيت عن وضعي ع صوت ادم وراي التفت بتوتر اتعلثمت هةه يسئلني.

_ شسوين هناا؟

_ ممسوي شيي.

باوعلي وعلانات الاستفهام واضحهه عليه عافني وراح لغرفته رجعت باوعت لباب الغرفه ونزلت مدري شبيه احس اتخربطت طلعت للحديقه اريد هوى اريد اتتفس واكعد افكر بكلامهم وادقق كلمه كلمه.

__________________________________

مياسين:: كاعده يم امي احاول ابين نفسي طبيعي بس حيل متوتره بارق كاعد كدامي صاير حلو يجنن كطع حبل افكاري صوت اني وهيه اتكول..
_مياسين يمه روحي جيبلي سجاده اصلي عليهه.

_ اي يمه رايحه.

رحت للغرفه يلي اصير شويه معزوله عن البيت يعني جوه ادرج وهاي الغرفه خاصه بس للعباده يعني صلاه وقرأه قران هنا وهيه غرفه جدو ( جد الاصهب) دخلت شغبت الضوء جان ريحتهه اجنن اخذت سجاده لمي وتربه وسبحه وطلعت.

طفي الضوء وجاي اسد بلباب سمعت صوت حمحمه وراي التفت بتوتر وشفته بارق باوعلي وابد. ما شال عيونه نزلت عيونه للكاع بتوتر شبي هاذه طبعا هوه ادرج ف جوا لغرفه يعني محد. يكدر ايشوفنه اله ليدخل لهل مكان باوعلي وكال.

بارق..
_ مشتاقلج ميسو .

_ ب بارق شهل حجي عيب وحرام.

اتقرب عليه ومبنيه شوكه ولهفته رجعت لوره حصرني بينه وبين لباب دنكت راسي وصخنت حجه بصوت هايم.

بارق..
_ احبج والله ميسو احبج اني ليش متفهمين.

_ بارق ليحجي احد ويشوفنه خلي اروح.

_ خلي يجون ميسوو خلي يجون ويشوفون اني شكد احبج خلي يعرفون كافي صارلي اسنين احبج اسنين من عمري 9 سنوات واني احبج ميسوو افهميني .

_ بارق خلي اروح امي تنتضرني .

باوعلي بعيون ذايبه ووخر ايده عني من جهه ليمنه بسرعه عفته ورحت انطيت لسجاده لمي ورحت يم لبنات بلمطبخ ساعدتهم شويه صبينه لغده وكعدنه كلياتنه ع السفره طبعا زوجه الاصهب مبينه كلش حبابه بس جيب ليقنع ازل.

__________________________________

هزال:: كاعده اغسل بلماعين بعد ما كملنه اكل طبعا هاذه ابنهم يلي اسمه عادل ابد مو راحه وازل مبينه كح*به تركض وره الاصهب كلساع وصاعده لغرفته اما عن مياسين ابنيه حبابه وفقيرة واجتي ساعدتنه هم .

كملنه اني وياهن غسل المواعين اترخصت منهم وصعدت للغرفتي حيل تعابنه وحايرة دخلت سديت الباب كعدت ساكته حايرة فجاه انتفح الباب عبالك اعصار دخل ادم عصبي وعروقه بارزه اني جنت نازعه الحجاب وشعري مفتوح حرام هاذه شبي.