قيود _ الهوس ⭐

«البارت الثالث والعشرون»

فات الاصهب وعيونه تجدح نار سد الباب بقوه ركع ركع استغربت من الوضع كعدت ع الجرباية واتغطيت وصافنه علية.

ذب اغراضة ذب ع الميز ودخل يسبح ما انكر خفت من منضرة ورة تقريبا 10 دقايق طلع وكلعاده بس المنشفة ع جسمه غطيت وجهي بلغطه من الخجل
وخرت الغطه شوية طلعت بس عيني شفته واكف يمشط ع ميز المراية وحمدالله لابس ملابسة 😂

وخرت الغطه كلش وهوه اخذ غراضة انتهبت ع ستايلة يخبل كله اسود بنطرون اسود شوي عريض ووياه بدي اسود ضيق مبين عضلات جسمه وسترة سوده شوية طويلة بس شنوو فخااامه مو طبيعية وساعه الاكترونية سوده هم ومشط شعرة وحط عطر..

دار وجه انتهبلي صافنه علية..

الاصهب:- ناار وين صفنتي؟

نارين بفزه:- ها ل لاا ما اكو شي.

الاصهب:- باعي اني راح اصعد واجب راح اكلج ع اشياء خليهم ترجية بذنج واذا سمعت انتي مخالفة ذني الشغلات يصير غير حجي فتهمتي.

مجرد نبرت صوته خوفتني يحجي بنبرة حاده وتحذيرية وكأنو يحاجي عدوه هزيت راسي ب اي اكثر من مرة من كثر الخوف ورث جكارة باوعلي ابرود وحجه بنبرة بااااارده ولا كانو هستوه يحجي بنبرة حاده...

الاصهب:- أي شي اسوينه بعلمي اتكوليلي يلة اسوينه... ممنوع منعا باتا اتنزلين اذا عدنه خطار... لبس ضيك كصير كدام اخواني ممنوع والميانه الزايده ضحك شقة وي اخواني هممم ممنوع مفهوم.

نارين بخوف:- حاضر.

باوعلي برضة وطول ما هوه يحجي منتجي ع الميز ودخن ابرود.... اخذ غراضة وطلع بعصبية وركع الباب خلاني افز..

نارين:- يارب معقولة اني ازوجت.. لا وفوكاه بواحد عده انفصام بشخصة وحق الله..

_________________________________
في مكان اخࢪ وتحديدا السماوه. 🌙🙂

:- يمه هزال وينج.

:- ها ماما حبيبتي اجيت.

الام:- يـمه هاج هاي خبز ودي لم صلاح علسريع لا تتأخرين دنية غروب يلة بتي

هزال:- ايي يـمه رايحه.

اخذت الخبز ولبست البشت وحجاب وطلعت رحت لجوارينه ام صلاح علمود اطيها الخبز وصلت للبيت دكيت الباب مرة مرتين بثلاثة سمعت صوت كرار ابنها هاذا فددد واحد سرسري وابو بنات ملطلط بشكل مو طبيعي.

كرار:- منوو؟

هزال:- اني هزال.

فتح الباب بس بشورت والفالينه متت من المستحه وهوه واكف اطيته الخبز واخذت الفلوس منه ورجعت لبيتنه والدنية غروب جو يجننن وصلت للبيت اطيت لفلوس لماما.

هزال:- ماما لعد بابا بعده ما اجه؟

الام:- اي يــمه بعده روحي صلي وتعالي خنصب عشة.

هزال:- حاضر ماميييي.

رحت لغرفتي ركض توضيت وصليت رجعت نزلت بم امي صبينه العشة اجه بابا خطية تعبان سوده علية راح سبح وبدل واجينه كلنه تعشينه..

الاب:- هزول شلونج بلمدرسة.

هزال:- زينه حمدالله اليوم امتحنت احياء وحصلت 95 من 100.

الاب:- عفية عليج بنيتي اريدج ترفعين راسي هزولة حتى انشالله اشوفج احلى خريجه ودكتوره .

هزال:- حاضر بابا ، امين يا رب.

الام:- اكلك ابو حمزه باجر نروح نجيب المعاملة .

الاب:- اي لازم نروح لل **** نجيبهن ونجي والله بعيده ولازم اخذ سيارة واحد من اصدقائي لن ما نكدر بدون سيارة.

الام:- اي والله يا ابو حمزه زين ليش ما ناخذ سيارة اخوي شاكر.

الاب:- والله هم خوش فكرة بعد شوية اخابرة والله كريم.

هزال:- بابا اني ما اكدر اروح وياكم عندي امتحان رياضيات شهري باجر.

الام:- ناخذلج اجازه حبيبتي.

هزال:-لا ماما ما اكدر والله تعرفين المدرسة لون حقيرة وياي وكالت لتاخذ اجازه لو تغيب ازيدلها الامتحان... انتو يمته تروحون.

الاب:- باجر ب 10 لازم احنه هناك .

هزال:- جا باجر دوامي ضهري يعني بس كم ساعه ابقة هنا والعصر اجي من الدوام الكاكم موجودبن انشالله.

الاب _ الام:- انشالله.

كملنه اكل شلت المعاين غسلتهم وصعدت لغرفتي
بدلت ملابسي وكعدت اقرة لحد ما نعست طفيت الضوه ونمت..... مجنت اعرف هاي اخر ليلة النه سوه مجنت متخيلة بعد ما راح اشوفهم مجنت ادريي..

« اسمــــي هزال عرفتو اكيد 😂 عمࢪي 18 سنه صف سادس اعدادي اعيش بلسماوه (٠ طبعا نعيش بمدينه ريفية شبة القريه) وي ابوي وامي الله يحفضهم عندي اخ واحد اكبر مني اسمه حمزه وعمرة 23 سنه ميشتغل شي حتى ما مكمل دراسة
اني راح احجي الصراحه حتى لو اخوي «شوفو اخوي من ذولة الاولاد الملطلطين كلش حرفيا يشرب ع*ك ويكبسل ونهارة كله بنات وي بنات يدفع فلوس للبنات ويكسبهن مدري منين يجيب هلفلوس بابا جان علاطول ينصحه يعوف هلشغلات بس جان دائما يصيح ع بابا وعلى امي وتعاملة ابد مو زين وياي مو بس وياي حتى وي ابوي وامي.»حالتنه المادية حمدالله ع كد حالنه ماما تخبز للناس وباب يشتغل صباغ عمام ما عندي وجد. ي وبيبي ماتو الله يرحمهم خوال عندي 3 شاكر الصغير ستار الجبير وعلاء الاوسط كلهم مزوجين وكلهم نفس اخوي طيحان حض بس علاء شوية زين. وبيبي ام امي عايشة وكاعده وي ستار وجدي ميت الله يرحمه .»

_____________________________________

مرحبا:

شلونكم شخباركم مشتاقين اسفة كلش اولا ع قصر البارت والتاخير سبب مدرسة والله 😂باجر عطلة اجيت اطول البارت بعد بس ما تحملت بدالكم وكلت اكيد منتضري خن انشرة...

_شتتوقعون منو هزال وشنو دورها برواية وحبيبية منو؟ 😂.