جنون تخطي الحدود
الجزء الثاني من عشق الوحوش والشياطين
مرحبا من جديد لنبدأ جوله من الجنون مع نسل الوحوش والشياطين أعزائي اربطوا احزمه الأمان فنحن ذا ننطلق
Sabreen
صلي على خير خلق الله 💙 في قصر عائله الألفي كانوا يجتمعون على الغداء كلهم فكان هذا المكان الذي يجتمعون فيه بعد أن أصر علي الألفي عليهم وبرغم اني مراد ومروان كثير السفر إلى تركيا وإسبانيا بس عندهم فيلل في مصر ومنهم قريب من الباقي فالبنات أصروا يبقوا في منطقه واحده قريبين من بعض حسن: هما اتاخروا كده ليه حياه بضحك: يعني انتي مش عارف ليه انتي كياد اوي يا حسن عازمهم على الغداء بعد ما رجعوا الشباب بيوم واحد على: انا مش عارف انتي متهدتش ليه لسه طبع الغيره الشديد ده فيك بتغير على بناتك من جوازهم انا مش عارف حياه مستحملاك ليه حياه: علشان تبقى تعرف معاناتي قد ايه حسن بتهكم: هو انا بعذبك يعني سمع الكل صوت اطفال كتير بيقولوا '' جـــــدو'' حسن ضحك وهو بيحضن الأطفال كلهم ليان: يا لهوي هما التتار جم (ليان اتجوزت ماجد بعد البنات بسنتين بعد ما طلعت عينه ولولا البنات كان ماجد زمانه لسه معنس مش سهله انتي يا لولو ) عشق: تتار في عينك يا ليان لمي لسانك بدال ما اقصه ليان بسخريه: انتي بالذات تسكتي مخلفه 3 وليكي عين تتكلمي عشق بشر: عين وايدين وسكاكين كمان يامن: بس بس صلوا على النبي ده احنا ما صدقنا اني الروح دى اختفت منكم شغف: ايه يا يامن متحسسناش اننا كنا ملبوسين رحيم نزل من على السلم: هما مين دول اللي ملبوسين شمس: اهلا بأكبر عازب في الشله كلها انتي يلاه مش ناوي تكمل نص دينك ولا ايه بقيت 33 سنه رحيم: اهو قولتي 33 مش 43 فتون بغيظ: وانت عايز توصل الأربعين من غير جواز يا رحيم رحيم ابتسم: يا أمي الجواز مش اى اتنين وخلاص رسيل بمكر: الم نخبرك انها هي رحيم: هي ايه تلاقيها اتجوزت وخلفت جين بخبث: وانتي ايش عرفك قصدنا على ايه جابر ضحك عليهم لاني العصابه عمرها ما هتتغير حتى لو حصل ايه '' يلا على الغداء'' اول اللي اتحرك للسفره كان رعد ومازن فقالت شغف '' روحوا جاتكم نيله مفاجيع'' ديانا: هيكونوا طالعين لمين يعني عدي: كفايه كلام ويلا قعد الكل في جو عائلي وكأن الأطفال هما بهجه المكان لين' ولاه يا انس هات الكوفته ياض أنس: بعينك وربنا مآ يحصل غرام قامت عليه السفره وسحبت الطبق من قدامه بعند وقالت '' طب وربنا يا ابن المسيري ليحصل'' ياسين قعد يضحك: وربنا شبهها نفس السحبه بس وقتها سحبت العميل من الناحيه التانيه وهرته ضرب أحمد: هو أنتي بتعرفي تضربي يا ماما جين بضحك: طبعا تعرف تضرب وتعرف تعمل بوم كمان رسيل: وتعلم أيضا أن تقطع عشق بسخريه: يااااه ملاك بجناحين بيتكلم رسيل: اومال ده انا كنت كيوت فهد: اوي وانا اشهد ده كلها والأطفال بيبصوا ليهم بغباء دانه بتذمر: أيهم سبب صدري حياه الصغيره شهقت بصوت عالي: يا سافل ماسك صدر اختك الكلام بصلها وقال أيهم بخوف: وربنا صدر الفرخه ايه يا جدعان ريم: سيب صدر اختك يا أيهم شمس: بلاش الكلمه دى يا جدعان فيه أطفال قاعده وكبار دماغهم راحت بعيد ياسين ضربها على رأسها: والله دماغك هي اللي راحت بعيد بعد الأكل الستات كانوا في الجنينه والرجال كلهم قعدوا مع بعض في الصاله وكان الشياب بيبصوا بغيظ لحسن وهو بدوره بيبص لهم ببرود مستفز مالك: دلوقتى بس حسيت بمعاناتكم انتوا 3 وخصوصا سيف حسن: ايه محسسني اني بعذبهم ولا حاجه مراد: لآ لا سمح الله بس هو سؤال احنا بقالنا شهور في مهمه مش محتاجين راحه حسن: ما أنا سيبتكم راحه امبارح آليوم كله سليم: طب هما أزواج بناتك إحنا مالنا حسن باستفزاز: كلهم بناتي أدهم وياسين كانون بيضحكوا على ملامح الشباب وقال رحيم '' الحمد لله انا مش متجوز خالص '' يامن: قول يارب انت والاهبل اللى قاعده ده اكمل بص يمين وشمال: إيه ده انت عليا فهد: هو فيه حد سنجل غيركم هنا ماجد: خليكم سنجل السنجله جنتله والله ده أنا طالع عين اللي جابوني مع ليان جابر: والله ليان ده حتت سكر هي وعنان (ايوه نسيت اقولكم يامن اتجوز عنان المنشاوي بنت عمه رسيل كاشفه الأسرار 😅) حسن: انا مش عارف انتوا معصبين نفسكم ليه سيف: تعرف يا حمايا انا نفسي حد يخطف حياة علشان تنشغل عننا شويه حسن بتحدى: بلاش يا سيف علشان ماخدش شمس منك سيف بتحدى هو الآخر: ولا تقدر حسن وقف: انا اقدر اروح دلوقتي واقولهم كده اني حاسس بهبوط وانتوا عارفينها بقى الباقي الشباب بسرعه: لا بالله عليك كفايه آخر مره دول قعدوا معاك أسبوع جابر بضحك: حرام عليك يا حسن ارحمهم شويه مروان: انا مش فاهم انت ملقتش جدا تطلع فيه ضيقك من غياب حياه عنك 14 سنه بتطلعه فينا حسن: آه هو كده عاجبكم عاجبكم مش عاجبكم اخد البنات واخبطوا راسكم في الحيطه عادي عدي بخفوت: حسبي الله ونعم الوكيل حسن: بتقول حاجه يا عدي عدي: لا بدعيلك يا قيصر ~~~~~~~~~~~~~~~~ عند البنات كانوا بيضحكوا أوي لانهم هما اللي قالوا لحسن يعزمهم على الغداء علشان عايزين يتجمعوا والشباب كانوا هيرفضوا في الوقت ده وحسن مآ صدق حياه: اضحكوا اضحكوا دول لو عرفوا ابقوا قابلوني لو شوفتوا الشارع تاني ملك: اسكتي احسن يكونوا هنا ويسمعوا ده إحنا عرفنا نيجي بالعافيه شغف: اه والله يخربيت الجواز ما احنا كنا سناجل معززين مكرمين في حالنا ديانا: اه وحشتني أيام زمان يا جدعان ضرب نار وسفر كل اسبوع ومصيبه كل يوم دلوقتي مش ملاحقين على مصايب العصابه الصغيره ليان: العيال نسخه منكم ملك: اه يا اختي دلوقتي نسمع مصيبه منهم مش بيتجمعوا الا و..... مكملتش كلامها وسمعوا كلهم صوت مفرقعات عالي جدا '' العيال'' ~~~~~~~~~~~~~~~~ نروح بقى قبل ربع ساعة عند العصابه الصغيره آسيا: ها يا عمار انت ولين جبتوا اللي قولنالكم عليه لين طلعت من شنطتها عليها وقالت '' افضل مفرقعات في اسبانيا كلها بنستخدمها في الأعياد '' أحمد: والله احنا هنضّرب بسببكم مازن: بس ياض انت اقعد على جنب انا مش عارف ازاي انت والأهبل ده توأم ريان: الله يكرم اصلك يا اسطا اسيا: بس يا جذمه منك ليه علشان ننفز الخطه طيف: سيبك منهم وقولي الخطه يآ كبير اسيا بمكر: اسمعوا بقى بعد شويه كان رعد ومازن وطيف بيحطوا المفرقعات قريب من الشباب ومازن ورعد هما اللي بيحطوهم اما طيف كانت عنصر التشتيت فجريت على عدى وقعدت في حضنه وقالت بطفوله '' عدي اطلب منك طلب '' عدي: قولي طيف بنظرات قطط: انا عايزه كيك بالتفاح عدي بضحك: بتبصيلي بعيونك دي اللي شبه امك وبتطلبي نفس طلبها حاسس اني بكلمها هي اكمل: شبهها اوي الفرق بس لون الشعر وبعض الملامح طيف بصت على رعد ومازن لقيتهم خلصوا فباست خد عدي وقالت '' عن اذنك بقى يا حج '' طيف جريت لبرا وقال عدي: وبتتحول بسرعه زيها ..................................... عند غرام وريان واخدوا أحمد غصب عنه راحوا للحديقه الخلفيه وبدأوا يحطوا المفرقعات بس قال أحمد فجأه باعتراض '' لا انا مش هعمل كده '' غرام: اه يا خاين جاي تنسحب بعد العمليه انت جاسوس إسرائيلي يلاه أحمد: انت ليه محسساني اننا في مهمه وطنيه ده احنا هنتشعلق كمان شويه وانا بصراحه مش عايز ريان جرى: فات الأوان بقيت شريك في الجريمه يا ابو احميد غرام جريت وراه وهي بتضحك وقال أحمد بذهول '' الجذمه غفلتني والجذمه التاني حط الدناميت اه يا غرام الكلب ماشي '' ...................................... أنس وغيث وآسيا كانوا بيحطوا عربيات فيها عجل صغير قدام الباب الرئيسي وغيث كله بيراقب الطريق واخد باله إنه فتون جايه من المطبخ فجري عليها بسرعه '' تيته فتون '' فتون: مالك يا غيث بتجري ليه غيث: اصل أصل أنا عطشان وعايز اشرب فتون بحنان: ماشي يا حبيبي تعالى غيث ماشي وشاور لانس وآسيا بمعنى هيشغلها عنهم وقال اسيا بضحك '' مش سهل الواد ده خالص '' أنس :اومال يا بنتي المهم يلا قبل ما حد يجي .................................... فارس وعمار ولين كانوا بيحطوا صواريخ صوت شديده عند حمام السباحه القريب من البنات علشان لما يصرخوا الشباب يطلعوا (ايه الخباثه دى العصابه بقى 🤣) لين: ولاه انتوا وهو خلصوا لو شافونا هنركب كلنا اوبح فارس: أخر صاروخ اهو عمار كان هيقع بس فارس مسكه بسرعه وداس على الصاروخ فقالت لين بصراخ وهي بتجري '' أجروا قبل ما نتحرق كلنا " فارس وعمار جريوا وثواني والصواريخ اشتغلت والمفرقعات برضو والبنات صرخوا بخوف وكانت صوتهم عالي فالشباب جريوا لبرا بس وقع مالك وسليم وفهد ومراد على الأرض فهد: اااااااه ضهري منكم لله سيف والباقي عدوا من الباب التاني بس المفرقعات اشتغلت بسرعه وعملت صوت رهيب يامن: يا لهوي ده هجوم اكيد صوت المفرقعات اللي جو الصالون اشتغل وعملت دخان فخرجوا برا بسرعه وراحوا للبنات وكانت المياه اللي بتروي العشب شغاله والبنات اتملوا مياه وكلهم بيشتموا على العيال وبعد 10 دقايق كانوا الأطفال كلهم واقفين صف من الأكبر واللي هي آسيا للأصغر واللي هي غرام وقدامهم للشباب بيحاولوا يمسكوا البنات اللي كانوا عايزين يفتكوا بعيالهم المجانين دول ملك بعصبيه: سيبني سيبني الأشكال دي مش بتيجي بالزوق انا عارفه عمار: طب ليه بس يا ملوكه كده الأشكال دي أشكال وربنا وشاور على لين فهي قالت: ايه يا عموري هتستهبل ولا ايه عايز ترمي تؤامك قدام القطر ملك: قطر يدهسك يا لين الكلب فارس: انا مش فاهم انتوا متعصبين كده ليه رسيل: حد يسكت الواد ده انا بحاول امنع شيطاني منه فارس: شكرا يا أمي ثم أمي لحد اخر يوم في عمري أنس: انتوا زعلانين كده ليه محدش حصله حاجه سليم: وحيات امك انا مش حاسس بضهري غيث: شكلك كبرت يا سولي والله شمس بغضب: سيبني يا سيف انا مش هضربهم انا هعرفهم غلطهم بس سيف بصلهم كلهم: اعتذروا حالا الأطفال ببراءة : اسفين رحيم بضحك: دور البراءه ده مش ماشي معاكم خالص رحيم وصلته رساله فبص فيها وقالت عشق '' مين ياض انتي بتلعب بديلك ولا أيه '' رحيم :يخربيت ظن السوء ده جورج كان عايز امضتي بس لازم اسافر ضروري فتون بضيق: يا ابني قولتلك سيب الشغل ده نهائي شمس بشك: انا مش فاهمه مآ كل حاجه خلصت ليه لسه مزروع في المافيا إنت وكرم ومتقولش مهمه جديده فيه مهمه تفضل 5 سنين سيف: ما أنتي عارفه يا شمس انا شغلنا أحيانا بياخد وقت طويل إحنا قعدنا 3 سنين مزروعين في الجيش ديانا: هنحاول نصدق الاجابه دي رحيم بص للشباب وكلهم بصوا لحسن لأنه قالهم على اللي قالو روبرت قبل ما يموت علشان ياخدوا بالهم من البنات اكتر لأنهم لحد دلوقتي ميعرفوش أنهى واحده فيهم اللي عايزها ابن روبرت ورحيم وكرم لسه موجودين في المافيا لعلي وعسى يوصلوا لحاجه وخصوصا انهم لسه متكشفوش واللي كشفوهم من عليه ستليتون ماتوا وايفان وعيلته بيساعدوهم كمان شغف بصت للولاد وقالت بشر: اوعوا تكونوا فاكرين إني الموضوع هيعدي بالساهل لا يا جذمه منك ليه وليها ده فيه عقاب شديد ~~~~~~~~~~~~~~~~ في اليوم التالي في المقابر كانت واقفه قدام قبر عيلتها اللي ماتت حتي قبل ما تودعها شالت النضاره لتظهر دموعها التي تنزل من عيونها الزيتونيه '' وحشتوني اوي الحياه من غيركم ملهاش طعم سليم بيحاول يعوضني بس عمر ابدا حنان الأب والأم ما هيتعوض... نزلت دموعها اكتر وقالت فاكره يا ماما لما كنا صغيرين انا كنت بشوف في عيونك حزن وانتي بتبصي علينا واحنا بنلعب وخصوصا ليا انا ومروان ومصطفى عشان كنا شبهك انتي وفريدة ههه وللأسف اخدنا نفس الشبه ونفس الوجع واحشني أوي يا بابا ليه فاكره كل نصايح ليا كنت احن اب اشوفه في حياتى لسه فاكره دموعك إللي غرقتني بعد ما خرجنا من القصر الفرماوي لما كان عندي 13 سنه تعرف في عيلتنا دى لازم الواحد يحارب علشان الحب من أول جدي لحد مصطفى هههههه مصطفى بيحب طفله أصغر منه بـ 12 سنه تخيل دي وانا بقى معايا غيث ابني واخد لون عيونك الزيتوني يا رضوي وبرضو أنس ابني عمري ما فرقت بينه وبين غيث ابدا علشان هو بقى يتيم زي.... اتنهدت بحيره مش عارف ايه معنى الحلم ده ليه تيجولي وتقولوا دوري عليه اختك واخوكي انا مش فاهمه حاجه '' جين حست بحد بيحضني من وراء ومين غيره اللي بتحس معاه بالأمان ودقات قلبها تعلى كده جين حضنته جامد وبدأت تعيط وسليم بيستقبل ده بكل حنان '' ليه مقولتيش من امبارح انك هتيجي النهارده '' جين بصوت مبحوح: انت كنت تعبان من امبارح مرضتش ازعجك سليم بعتاب: تزعجيني ايه يا جين من امتا وفيه ما بينا الكلام ده انا وانتي واحد من أول يوم شوفت عيونك دي فيه جين ابتسمت بعشق وقالت: تعالى نزورهم يا سليم سليم فهم قصدها فهز راسه بحاضر وراحوا قدام مقابر عيله المسيري ووقف شويه فهي مسكت أيده بتشجيع '' ادخل انتي يا سليم وانا هبقي برا '' سليم بصلها ودخل مقابر عائلته ووقف فتره طويله لحد ما اتكلم '' عارف اني بقالي كتير مجتش زي ما عارف انكم دايما حواليا ومعايا.... أبتسم بحنين وحشتني اوي يا غيث ووحشتني ايام زمان يا ابن عمي امانتك معايا ومحافظ عليها وان شاء الله هجيبهولك قريب يزورك.... نزلت دمعه من عيونه وقال وحشتيني اوي يا ماما تعرفي اني غيث شبهك هو اه لون عيوني زيتوني بس نسخه منك يا أمي نفسي يرجع بيا الزمن واحضنك اوي نفسي في دقيقه واحده بس في حضنك يا أمي '' سليم قعد ودموعه بتتسابق على وشه بس من غير صوت بس سمع صوتها بيقول '' يااااه ده كله وجع وحزن في قلبك وانا اللي كنت بزود الوجع عليك بأمراضي ومشاكلي وانت كنت بتكتم جواك وتخرج دايما طاقه حنان ليا وانت اكتر واحد محتاجه '' سليم ابتسم ووقف واخدها في حضنه وقال '' عارفه الحضن ده بيعوضني بكتير عارفه ابتسامتك ليا لما ارجع من الشغل دي طاقه حنان انتي بتدهالي عارفه ضحكتك مع غيث وانس وانتوا بتتخانقوا مع بعض ده عندي بالدنيا كلها أنا كنت فعلا بكتم الوجع والحزن بس لما شوفتك انت عشقك جوا قلبي اتغلب على الوجع انا لو بتوجع بجد لما اشوف دموعك ووجعك قمه العذاب بالنسبه ليا لما تبعدي عني '' جين بصتله من عيونه وقالت: مستحيل ابدا تقدر زتونتك تعيش بعيد عن حضنك يا حوت سليم: يلا نروح جين: الولاد إنت سبتهم لوحدهم سليم: الولاد في المدرسه يا جين من بدري يلا احنا نمشى المكان ده مش مناسب للجو الرومانسي ~~~~~~~~~~~~~~~~ في مكان آخر وبالتحديد في إيطاليا كان رحيم يقف بهدوء شديد ويضع قناع على وجهه وبجانبه كرم بنفس الوضع وينظرون لتسليم البضاعه وجورج هو اللي كان بيهتم بالموضوع رحيم بص لكرم وقال '' لدى شعور ان كارثه سوف تحصل '' كرم بصله/ نفس شعوري وماهي الا دقائق واصبح المكان ساحه للقتال بسبب تلك الرصاصه التي لا يعلم أحد من أين اتت حتى كرم وهو بيضرب قال: تايجر فيه عربيه وراء خدها وامشي رحيم بغضب: انت بتقول ايه انا مش هسيبك هنا كرم: اسمع الكلام انا هقدر اتصرف وكمان متنكر انت لو اتكشف وشك هتبقي مصيبه يلا بسرعه وبعد مشدات تايجر وافق بعد ما شاف اني الفوز من رجالته هو ركب العربيه وقبل ما يطلع ركب شخص مغطى وشه ورحيم بسرعه كان هيضربه بس تفاداها بمهاره وقبل ما رحيم يضربه تاني الشخص ده شال الوشاح وظهرت بنت بشعر قصير فقال رحيم بصدمه شديده '' نغم '' نغم: انت لسه هتتصدم اطلع بسرعه رحيم بذهول: انتي جيتي هنا ازاي و.... نغم داست بنزين لما شافت إني فيه اشخاص خرجوا وشافوهم رحيم: أنتي بتعملي ايه يا مجنونه هنموت نغم: احنا لو استنينا هنا هنموت رحيم بعصبيه/ ابعدي رجلك من على العربيه علشان اعرف اسوق نغم بعصبيه أشد: انتي بتتعصب علشان بنقذ حياتك يا بني آدم أنت رحيم اخد منها القيادة وحاول يتفادي العربيات اللي بيطاردوهم '' طالعتيلي منين الله يخربيتك '' نغم: استغفر الله العظيم كلمه كمان وهرميك من العربيه رحيم بصلها: انتي بأي حق تتكلمي كده معايا نغم بصراخ: بص قدامك آلله يخربيتك هنموت رحيم بسرعه قدر يتفادي العربيه بس للأسف مش عارف يهرب من العربيات اللي بتلاحقه ولسوء حظه بدأ البنزين يخلص '' يخربيت النحس'' نغم: فيه ايه؟!؟! رحيم :البنزين خلاص جاب آخره نغم: نهار اسوح يعني هنموت رحيم: روحي يا شيخه كان يوم اسود يوم ما شوفتك نغم ضربت كف على كف: لا حول الله يارب طب اضربه بالنار ده ولا اعمل ايه العربيه وقفت وقالت نغم ببلاهه: هنموت صح آه يا صغيره على الموت يا نغم رحيم طلع مسدسه وقال: خليكي في العربيه واوعي تخرجي منها نغم طلعت هى كمان: خد هنا أنت فاكر نفسك علي كلاي وهتقدر على ما دول يا عم دول هينفخوك رحيم: خليكي في حالك وادخلي العربيه بدال ما اقتلك نغم قربت منه وضربت واحد كان هيلكمه وقالت '' تقتل مين انت فاكر نفسك صلاح الدين ولا حاجه فوق يلاه ده انت متعرفش مين هى نغم الصياد '' رحيم بصلها بصدمه: الله يخربيتك ايه اللي قولتيه ده جورج وكرم جم وإللي قدر يهرب هرب بسرعه وقالت نغم بغباء '' أيه قولت ايه '' رحيم بعصبيه: قولتي أسمك وكشفتي شكلك وانتي واقفه معايا الله يخربيتك الله يخربيتك نغم: ولاه انت متزعقش فيا انا خلقي في منخيري منك انت بالذات رحيم فلحظه كلن ضربها ضربه افقدتها وعيها فشالها وبص لجورج وقال '' اتصلي على ولاد عمها لازم يعرفوا بنت عمهم الهبله عملت ايه '' كرم بصله: رحيم انت عارف معنى انهم يشوفوها معاك رحيم بغضب: عارف بسبب غبائها هاضطر اربطها بيا ويا عالم هيحصل ايه كرم: دي فعال كارثه ~~~~~~~~~~~~~~~~ صور بعض الأطفال حياه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دانه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
