جنون تخطي الحدود

14- الـمـواجـهـة

فصل طويل اهو والأحداث على قفى مين يشيل 😅
صلي على خير خلق الله 💙
شمس بدأت تشيل المحلول من ايدها وحاولت تقوم بس حست بوجع في رأسها من الخبطه وكتفها من الرصاصه وجسمها كله واجعها من الحادثه بس هل هي هتهتم لا
إدوارد حاول يوقفها بس هى قالت بعصبيه
'' عارف لو حاولت تلمسني بس قسما بالله لاقتلك''

إدوارد بهدوء: خلاص مش هقرب منك بس علشان خاطر ابنك بلاش تتحركي انتي خارجه من حادثه وكمان متصابه
شمس: ملكش دعوه
شمس خرجت من الاوضه ولقيت نفسها في قصر كبير مهتمتش برضو ونزلت لتحت وخرجت من الباب الرئيسى بس لقيت في كل مكان حراس وهما لما شافوها وقفوا بسرعه ووجهوا عليها السلاح بس  إدوارد شاورلهم بمعنى نزلوا سلاحكم وهما نفزوا كلامه
إدوارد: انتي حتى لو عرفني تخرجي برا القصر مش هتعرفي تخرجي برا البلد

شمس: احنا فين؟؟!!
إدوارد: انتى ذكيه جدا وممكن تعرفي لوحدك
شمس: الجو حر رغم أننا في شهور البرد اكيد برا مصر
إدوارد: شاطره عامه احنا في واحده من دول أمريكا اللاتينية
شمس بغضب: انت عايز مني ايه بالظبط كفايه اللي عيلتك عملوا فيا انا واخواتي وعيلتي
إدوارد: وانتي قتلني اخويا وعيلتي
شمس: اخوك كان عايز يقتلني وعيلتك دي تستاهل دي سببت الدمار في كل حته

إدوارد: عارف بس برغم كده انا اخترتك انتي
شمس بصتله بذهول: انت واخد بالك انت اسمك إدوارد روبرت ستليتون وانا اسمي شمس حسن الألفي بغض النظر عن اني العيلتين دول مستحيل يتجمعوا انه فيه فرق بين الديانات انتي مسيحي وانا مسلمه وبعدين انا متجوزه
إدوارد: انا مستعد ادخل الإسلام علشانك وبالنسبه لأنك متجوزه انا مستعد أطلقك من سيف
شمس بغضب: انت حمار ولا ايه مينفعش تدخل الإسلام علشاني لانه حرام المفروض يبقى علشان نفسك وبالنسبه لأنك تطلقني من سيف هيبقى باطل لاني مش موافقه يعني هيبقى غصب عني وعنه سيف مستحيل يطلقني

إدوارد: دول فاكرينك موتي
شمس: مستحيل يصدقوا ده لا سيف ولا حتى إخواتي ملك دي توأمي انا وهي بنحس ببعض مستحيل تصدق اني مت
شمس مشيت ناحيه البوابه بس الحراس بسرعه رفعوا السلاح عليها بعد اشاره إدوارد
شمس بصتله بغضب وهو حط ايديه في جيوبه وقال بهدوء
'' مش هتخرجي من هنا''

شمس بعصبيه وصوت عالي: انت اهبل يا جدع انت ولا ايه انا عندي عيله لازم ارجع ليها انت عايز مني ايه
إدوارد قرب منها وقال بعشق: مش عايز غيرك انتي انا بحبك من زمان
شمس: يا لهوي عليا انا بمنع لوسيفر عنك بالعافيه سيبني امشي
إدوارد بغضب: اسيبك تمشي علشان تروحي ليه
شمس: ده جوزي انت ليه بتكرهه حتى من ايام الكتيبه نظراتكم انتوا الاتنين مش طايقين بعض مش زملاء

إدوارد: علشان هو اخدك مني انا شوفتك الأول وحبيتك الأول وعملت حاجات كتير علشانك وفي الأخر روحتي ليه هو
شمس: شوفتني الأول فين انا اعرف سيف من لما كان عندي 10 سنين
إدوارد: وانا اعرفك من لما كان عندك 8
شمس بعدم تصديق: ازاي
إدوارد: فاكره الحادثه زمان فاكره لما اتخطفتوا من المستشفى انتي واخواتك ومراد فاكره الشخص اللي دخل ومعاه 3 اولاد انا كنت منهم وقعت عيني عليكي برغم انك وملك نفس النسخه بس انتي مختلفه مش بسله عيونك زرقاء وبس لا وفيها لمعه لمعه مميزه شدتني ليكي